Daniel 4:18 - সান্তালী বাইবেল

¹⁸ “Noa kukmũge iń Nebukadnesar raj doń kukmũkeda. Ńitokʼ do E Beltesasar, ma lạiyạńme noa reakʼ mane do cetʼkana? Ińakʼ rajren okoe ạkilanko hõ noa reakʼ mane do bako lại daṛeadińa; menkhan am dom daṛeakʼa, ente amre sonot nonkanakʼ menakʼa one ona do niạ dhạrti reakʼ baṅkan.”

Daniel 4:18 Iomraidhean Croise

Genesis 40:12

Joseph do uniye metadea, “Amakʼ kukmũ reakʼ mane do noage. Pea ḍạr do hoyokʼ kana pe din.

Genesis 41:15

Unre Pharao do Josephe metadea, “Iń do mitʼṭecʼ kukmũń ńel akada, menkhan okoe hõ ona reakʼ mane do bako lại daṛe ạdińa. Ińiń ańjom akada, kukmũ reakʼ katha lạiyam khan am do ona reakʼ manetetʼem lại daṛeakʼa.”

Genesis 41:8

Menkhan setakʼ secʼ uniyakʼ mon do khad badaoentaea. Uni do hoṛ kolkate Misor disạmren sanam gonokko ar muhnidarko ar gunidarkoe hoho ạgu ocoketʼkoa. Ar okaṭakʼ kukmũe ńelakatʼ onae lạiyatʼkoa, menkhan celege ona reakʼ bhed do bako lại daṛeada.

Jesaea 19:3

Misorrenko doko hae nisạsokʼa, ar iń do onkoakʼ goṭawakʼko bạń jo baha ocoytakoa. Ente onko do boṅga murhutʼko ar gocʼ hoṛ ḍakʼkaoko, ar jan guruko ṭhen khon solhako hataoeda.

Daniel 1:20

Ạkil ar bud ar jotowakʼ kathakore raj do onko kuliketʼkoteye bujhạu daṛeada, onko do acʼakʼ goṭa rajosṭiren sanam gukʼniko ar ojhako khon hõ gel doboṛko sorosgea.

Daniel 2:38

Ar jãhã ṭhạ̃irege manwako girobasokʼ kan, onḍege uni do otren janwarko ar coṭren cẽṛẽko hõ amakʼ tireye jimạ akatʼkoa ar onko jotoko cetanre mạlike benao akatʼmea; ar amkangeam uni sonaren bohokʼ do.

Daniel 2:7

Onko do uniko roṛ ruạṛadea, “Maharaj do acʼren gutiko ṭhen acʼakʼ kukmũ baṛeye lạima, ar ale do ona reakʼ bhedle lạiyaea.”

Daniel 5:15

Noa olakʼ paṛhaokate ona reakʼ bhed lạiyạń lạgitʼ muhnidarko ar eṭakʼ sopolhako iń ṭhenko ạgu ocolena, menkhan noa reakʼ mane do bako lại daṛeada,

Daniel 5:8

Rajren sanam ạkilan hoṛ do hecʼkate bhitriteko boloyena menkhan okoege ona do bako paṛhao daṛeada se raj hõ ona reakʼ mane do bako lại daṛeadea,

Amos 3:7

Probhu Isor do acʼren guti nạbiko ṭhen acʼakʼ jãhãnakʼ goṭawakʼ bae sodorle khan cetʼge ohoe cekalea.