Daniel 4:14 - সান্তালী বাইবেল

¹⁴ Uni do ãṭ aṛaṅteye menkeda, ‘dare do makʼ bhindạṛpe ar ona reakʼ ḍạrko hese giḍipe; ona reakʼ sakamko hotʼ giḍikakʼpe ar ona reakʼ joko chiṭiạu giḍikakʼpe. Ar ona dare buṭạ khon janwarko ar ḍạrko khon cẽṛẽko ńir joṅma,

Daniel 4:14 Iomraidhean Croise

Jobakʼ 24:20

Eṅgat kukhi do onkoe hiṛińetʼkoa, ar tejoko do onkoakʼ hoṛmoko jometʼtakoa; bạṛicʼ hoṛ do okoehõ bako disạ dohokoa, onko do dare lekako rạputʼ ńurokʼa.

Jirimiạ 27:5

‘ińakʼ maraṅ daṛete ar ektiạri perecʼ tite iń do niạ dhạrti ar ona cetanre okoe manwa ar janwarkoń sirjạu akatʼko, ar okoe lek kanae menteń hudisede uniyakʼ tirege iń do ektiạriń emetʼkana.

Jirimiạ 51:6

Ape do Babel khon dạṛjoṅpe. Ar apan ạpin jiwi rukhiyạitape. Uniyakʼ kại iạte alope maraokʼa. Probhu Isor do hala hạli reakʼ okte seṭer akantaea; uniyakʼ oka kuṛại ona doe ńamgea.

Jirimiạ 51:9

Hoṛko mena, “Ale do Babel bogeye reakʼle kurumuṭuletʼgea, menkhan uni do bae bogelena. Dela, abo do uni bon bạgi oṭowaema ar apan ạpin disạmte bon ruạṛ calakʼma, ente uniyakʼ sạjại do coṭ hạbicʼ rakapʼ akana, ar rimil hạbicʼ seṭerakana.”

Jeheskel 31:10

“ ‘Ńitokʼ do iń Probhu Isorgeń meneda, ona doe usul akana, ona reakʼ muthni do rimile tiyạkʼ akada, ar usul akante bạḍạite perecʼ akana.

Daniel 2:21

Unige okte ar nạpitko acʼakʼ tabereye dohoyetʼkana; unige rapajko siṅghạsonreye duṛupʼetʼkoa are ńur ocoyetʼkoa. Uni do ạkilanko ạkile danako kana ar budanko do bude emakokana.

Daniel 3:4

Unre roṛ saḍeyicʼ do ãṭ aṛaṅte noa kathae lại saḍekeda, “E eṭakʼ eṭakʼ jạtrenko, disạm ar pạrsirenko, ape do noa hukumpe emocokʼ kana,

Daniel 4:12

Ona reakʼ sakamko do ạḍi napae tahẽkana ar jo hõ ạḍi ḍher tahẽkana ar ona khon sanamkoge jomakʼko ńametʼ tahẽkana. Ona latarre do ṭạnḍiren janwarko ḍerakʼkan tahẽkana ar coṭren cẽṛẽko hõ ona reakʼ ḍạrkoreko tukạyetʼ tahẽkana; ar sanam jiwiyankoge ona khon jomakʼko ńametʼ tahẽkana.

Daniel 4:23

E Maharaj, mitʼṭen sonot hohorhoyicʼ do serma khon pheḍ hijukʼkanem ńelkedea. Uni doe menleda, ‘dare do makʼ bhindạṛpe, menkhan ona reakʼ gonḍa ar rehetʼko do mẽṛhẽtʼ ar pitạlte tolkate ot reakʼ ghãsre giḍikakʼpe. Ona do serma reakʼ sisir dakʼte lohodokʼma; ar uniyakʼ bakhra do eae bochor hạbicʼ janwarko tulucʼ tahentaema.’

Daniel 5:20

Menkhan tinre uniyakʼ ontor do usulokʼ ehopʼentaea ar gorboteye perecʼena unre uni do raj siṅghạson khone pheḍ ocoyena ar uniyakʼ ṭhonok do recʼ ocoyena.

Daniel 5:21

Uni do manwa tala khone laga ńir ocoyente mitʼṭecʼ janwarakʼ sobhabe em ocoyena. Ar tinạkʼ din bae aṅgocletʼ, maraṅ Isorge manwakoakʼ rajosṭiko cetanren mạlik kanae ar uni okoeye kusiyae unige rajosṭiko cetanreye duṛupʼede kana, unạkʼ din uni do gadhako sãoteye girobas akan tahẽkana ar ḍaṅgra leka ghãskoe jometʼ tahẽkana ar coṭ reakʼ sisirdakʼteye lohodokʼ kan tahẽkana.

Mathae 3:10

Dare gonḍarege ṭeṅgocʼ do ṭenḍar dohoakana. Oka dare bhage baṅ jokʼ ona do makʼ giḍikʼte seṅgelre khadle ocokʼa.

Mathae 7:19

Okaṭakʼ darere bhage baṅ jokʼ ona do makʼ giḍikʼte sengelre khadle ocokʼa.

Luk 3:9

Dare gonḍarege ṭeṅgocʼ do ṭenḍar dohoakana. Oka dare bhage baṅ jokʼ ona do makʼ giḍikʼte seṅgelre khadle ocokʼa.”

Johan sodor 18:2

Uni do ãṭ aṛaṅte hohowateye menkeda, “Lạnduṛena, ona maraṅ nagraha Babel do lạnduṛena, ona do ńitokʼ bạṛicʼ jiukoakʼ tahen reakʼ jaega hoyakana ar mitʼke mitʼ bạṛicʼ jiuakʼ dander ar besapha ar hirkhạwan cẽṛẽkoakʼ khańca hoyakana,