Daniel 4:13 - সান্তালী বাইবেল

¹³ “Aṭetʼre giticʼkatege ona dorsonre beṅgetʼkateń ńelkeda, mitʼṭen sonot pahradar do serma khone pheḍ hecʼena.

Daniel 4:13 Iomraidhean Croise

Jobakʼ 12:24

Dhạrtiren mukhiyạkoakʼ buj doe sạṅgińʼtakoa; ar nisun jaegakoreye dãṛãbaṛa ocokoa.

Sereńko 103:20

E Probhu Isorren daṛean goḍetko, okoe do uniyakʼpe bataoetʼtae ar uniyakʼ hukumpe manaoetʼkan, ape do uni sarhaoepe.

Sereńko 89:7

Sonot goḍetkoakʼ bạisire sanamkoge Isor do botor arko bhoktiaea; uni beṛhaeten sanamko khon uni kangeae ḍher botoranicʼ do.

Daniel 4:10

Aṭetʼre giticʼkate iń do noa dorsoniń ńelleda. Iń do beṅgetʼkateń ńelkeda dhạrti talare mitʼṭecʼ dare do teṅgo akana; ona do ạḍi usulge tahẽkana.

Daniel 4:17

“ ‘Noa hukum do hohorhokoakʼ niṭakʼ lekateakʼ kana, sonotkoakʼ kathatege noa khojgokʼ do, jemon jiwetʼko doko baḍae daṛeakʼ, Coṭ utạricʼ do manwakoakʼ rajosṭiye calaoeda mente; ar jãhãegeye kusiyaekan unige rajosṭi doe danae kana ar manwa talare sanam khon nicạṛicʼge cetanreye duṛupʼede kana.’

Daniel 4:23

E Maharaj, mitʼṭen sonot hohorhoyicʼ do serma khon pheḍ hijukʼkanem ńelkedea. Uni doe menleda, ‘dare do makʼ bhindạṛpe, menkhan ona reakʼ gonḍa ar rehetʼko do mẽṛhẽtʼ ar pitạlte tolkate ot reakʼ ghãsre giḍikakʼpe. Ona do serma reakʼ sisir dakʼte lohodokʼma; ar uniyakʼ bakhra do eae bochor hạbicʼ janwarko tulucʼ tahentaema.’

Daniel 4:5

Ar tinre ińakʼ aṭetʼreń giticʼ akan tahẽkana unre mitʼṭecʼ kukmũ ńelteń botorena; kukmũte okakoń ńelketʼ ona do ińakʼ monre botore caṛhaoạdińa.

Daniel 7:1

Babelren raj Beltsasare rajokʼ pạhil bochorre Daniel do acʼakʼ aṭetʼreye giticʼakan tahẽkanre acʼakʼ bohokʼre hecʼen kukmũ ar dorsonkoe ńelkeda ar nokʼõe nonka onako reakʼ guṭtetʼe ol dohokeda. “Ńindạ jokhecʼ iń do dorsonteń ńelkeda, serma reakʼ ponea hoe do mitʼṭecʼ maraṅ jalapuriko uṭlạu rakapʼkeda.

Daniel 7:17

‘Onko ponea maraṅ okocʼ janwar doko hoyokʼ kana dhạrti reakʼ ponea rajosṭi.

Daniel 7:23

“Ona tayom uni do nonkae lạiyạdińạ, ‘ponicʼ janwar doe hoyokʼ kana dhạrti reakʼ ponakʼ rajosṭi. Ona do eṭakʼ rajosṭiko khon begarge hoyokʼa ar ona do goṭa dhạrtiye chakachuna.

Daniel 8:13

Ona tayom mitʼṭen serma goḍet do katha roroṛkaniń ańjomkedea ar armitʼṭen sonot serma goḍet do uniye kulikedea, “Niạ dorsonre oka udukʼen ona do ar tinạkʼ din hạbicʼ calakʼa? Ar tin hạbicʼ din hilokʼ reakʼ samaṅokʼakʼ porob bodolte ujạṛakʼ kại reakʼ jinis do tahena? Ar tinạkʼ din koejoṅ oṛakʼ ar ipilko do jaṅgateko lebetʼ gańjao ocokʼa?”

Sakariạ 14:5

Ape do buru reakʼ ona buru nalatepe dạṛjoṅa, ente ona buru nala do Asel hạbicʼ calakʼa. Jihudạren raj Usiạwakʼ rajokʼ oktere dhạrti laṛaokʼ jokhecʼ cetʼ lekape dạṛletʼ onkagepe dạṛa. Ona tayom ińren Probhu Isor do uniren sanam sonotko soṅgeteye ạgukoa.

Mathae 25:31

“Manwa Hopon do acʼren serma goḍetko sãote acʼakʼ ṭhonokanteye hecʼlenre uni do ṭhonok reakʼ siṅghạsonreye duṛupʼa.

Mark 1:24

Uni do ãṭ aṛaṅte hohoateye menkeda, “E Nasaretren Jisu, ale tulucʼ amakʼ do cetʼ? Nosṭole lạgitʼem hecʼakana? Baḍaegeạń okoe kanam mente; am do Isorren uni sonoticʼ kanam.”

Luk 4:34

“E Nasaretren Jisu, ale tulucʼ amakʼ do cetʼ? Ale maraole lạgitʼem hecʼakana? Baḍaegeạń okoe kanam mente; am do Isorren uni sonoticʼ kanam.”

Dosar Biboron 33:2

“Probhu Isor do Sinại khone hecʼena, Ar Seyir khon abo cetanre marsale emena; uniyakʼ marsal do Paran buru khon jhakjhakaoena. Uni do lakh lakh sonot serma goḍetko tala khone hecʼena; ar uniyakʼ jojomsa reakʼ tire do durdurạukʼkan seṅgel tahẽkana.

Jihudạwakʼ ciṭhi 1:14

Adam bõsren eaeyicʼ metakʼme Enok hõ noko hoṛko reaṅ nạbiletʼteye menleda, “Ńelepe, Probhu Isor do acʼren hajar hajar sonot goḍetkoante sanamko bicạrko lạgitʼe hijukʼkana,

Johan sodor 14:10

enḍekhan uni do Isorakʼ edre reakʼ bubulakʼ ńũńũi hoyokʼtaea. Ar noa bubulakʼ sãote dakʼ baṅ mesal akatʼ Isorakʼ edre reakʼ bạṭire dul akana. Sonot sermaren goḍetko ar Bheḍa Hopon samaṅre seṅgel ar gondhokte uni hoṛ doe saset ocokʼa.