Daniel 3:29 - সান্তালী বাইবেল

²⁹ Ona iạte iń do noań hukumiń emetʼkana, jãhãn jạtren, disạmren se pạrsiren hoṛ jodi Sedrok, Mesak ar Abed-nego takoren Isor upạrte jãhãe jãhãnakʼe roṛ enḍekhan uni doe makʼ khanḍa khunḍi ocokʼa ar uniyakʼ oṛakʼ-duạr do guricʼ mande leka hoyokʼtaea, ente nonka do cele debotage bako babańcaoa.”

Daniel 3:29 Iomraidhean Croise

2 Rapajko 10:27

Ona tayom onko do Bakʼal debotawakʼ pujạ dhiriko gejerkeda ar mundil hõko rạputʼkeda. Hoṛko do unkhon teheń hạbicʼ ona do pạikhana oṛakʼ menteko beohar ạguiyeda.

Esra 6:11

Iń do arhõń hukumeda, jodi niạ hukum jãhãe bae batao enḍekhan uniyakʼ oṛakʼ khon mitʼṭecʼ koalipe or boja ar onape coeloya ar unipe sobokʼ tabeya. Ar uniyakʼ niạ behok iạte uniyakʼ oṛakʼ do mạilạ ḍhipi leka hoyokʼtaea.

Sereńko 3:8

Babańcao do Probhu Isorakʼ kạmi kangea, ar amren hoṛko cetanre amakʼ bhor baṛe tahen ma. (Sela)

Sereńko 76:10

Khạṭige manwakoakʼ raṅgao hõe sarhaomea, ar ona raṅgao reakʼ sarecʼakʼte apnar baṛe sajokʼme.

Daniel 1:19

Raj do onko sãote katha roṛkateye bujhạu daṛeada je, Daniel, Hananiạ, Misayel ar Asariạ soman do okoe hõ bạnukʼkoa; onate noko pon hoṛ do rajakʼ kạmireko bahal ocoyena.

Daniel 1:7

Uni cạkrạkoren sordar do onkoakʼ nãwã ńutume dohoketʼtakoa; Daniel do Beltesasar, Hanaiạ do Sadrak, Misayel do Mesak ar Asariạ do Abed-nego ńutume emadea.

Daniel 2:17

Ona tayom Daniel do oṛakʼte ruạṛ senkate acʼren gate Hananiạ, Misayel ar Asariạteko noa babotreye baḍae ocoketʼkoa.

Daniel 2:47

Raj do Daniele metadea, aperen Isor do sạrige Isorkoren Isor kanae, rapajkoren Probhu kanae ar okoakʼko sodoricʼ hõ kanae, ente am do noa okoakʼko reaṅem sodor daṛeada.

Daniel 2:49

Tayomte Daniel do raj ṭhene nehõren khan raj do Sadrak, Mesak ar Abed-nego teko hõ Babel disạmren rajkạmireye bahalketʼkoa; menkhan Daniel do raj dorbarreye tahẽyena.

Daniel 2:5

Raj do onkoe metatʼkoa, “Iń doń goṭa dohoakada, ińakʼ kukmũ ar ona reakʼ bhed bape lại daṛeạń enḍekhan makʼ khanḍa khunḍikateń giḍikapea ar apeakʼ oṛakʼ duạrko do mạilạ reakʼ ḍạṅge hoyokʼa.

Daniel 3:12

E maharaj, adom Jihudiko menakʼkoa okoe do Babel Prodes reakʼ rajkạmiyạrem dohoakatʼko; onko doko hoyokʼkana, Sedrok, Mesak ar Abed-nego. Onko do amakʼ hukum bako lutur akawada. Am okoeṭakʼ debotam sewawae kan onko do uni bako sewawae kana ar am okoeṭakʼ sonaren muhurtʼem benao akade uni hõ bako ḍobokʼae kana.”

Daniel 3:15

Ńitokʼ ape do sakwa, tiriạ, binạ banam, peṛesaṅ, taranakʼ banam, joṛa murli ar sanam lekan bajna reakʼ saḍe ańjomkate ińren bekʼnaoicʼ murhutʼ ḍobokʼae lạgitʼ sapṛao akaepe tahen enḍekhan ma bhagege. Ar jodi bape ḍobog enḍekhan jolokʼkan bhaṭare unregepe khadle ocokʼa. Unre cele debota hõ ińakʼ ti khon do bako bańcao daṛeapea?”

Daniel 3:17

Ale okoe Isorle sewawae kan uniye khoj khan tobe do ona jolokʼkan bhaṭa khon acʼakʼ titeye bańcaolea.

Daniel 3:28

Unre Nebukadnesar doe menkeda, “Sedrok, Mesak ar Abed-negoren Isorakʼge sarhao hoyokʼtae ma, okoe do acʼren serma goḍetko kolkate acʼren gutikoe bańcaoketʼkoa. Noko do uni cetanre biswạskatege rajakʼ hukumko bebataoleda ar akoren Isor chaḍa ar jãhãn debota sewawako bodolte gujukʼ hõ rạjigeko tahẽkana.

Daniel 6:28

Nonkate Darjawes ar Parasren raj Koresakʼ rajokʼ oktere Daniel do pạtiạr ar manote ńam idikeda.

Dosar Biboron 32:31

Bạirikoakʼ asray buru do aboakʼ asray buru leka do baṅkana, noa do aboren bạirikoakʼ bicạr phanḍaoakʼ kana.