Daniel 3:26 - সান্তালী বাইবেল

²⁶ Unre Nebukadnesar do jolokʼkan bhaṭa reakʼ duạr ṭhen senkate ãṭ aṛaṅteye menkeda, “E maraṅ Isorren guti Sedrok, Mesak ar Abed-nego, dela oḍok hijukʼpe.” Ar onate Sedrok, Mesak ar Abed-nego do jolokʼkan seṅgel tala khonko oḍok hecʼena.

Daniel 3:26 Iomraidhean Croise

Genesis 14:18

Salemren raj Melkisedek do Abram lạgitʼ piṭhạ ar darkha rasae ạgukeda. Uni do maraṅ Isorren naekeye tahẽkana.

1 Rapajko 8:51

ente Israelko do amren hoṛ kangeako, ar amren sompotti kanako okoe do Misor disom khon, one mẽṛhẽtʼ galao reakʼ culhạ khonem oḍok ạgu akatʼko.

Esra 5:11

Onko doko roṛ ruạṛatʼlea, “Ale do ot ar sermaren Isorren golam kanale. Ale do ona mundil oṛakʼ arhõle benao aroyeda oka do Israelren mitʼṭen maraṅ raj ḍher serma lahareye benaoletʼ tahekan.

Sereńko 66:12

Am do aleakʼ bohokʼ cetante sadomre decʼkate hoṛkom sen ocoakatʼkoa. Seṅgel ar dakʼ talate ale dole hecʼakana, menkhan am do ạsirbad hotetege.

Jesaea 28:16

Onatege Probhu Isor do niạ kathae meneda, “Ńelpe, biḍạu aṭkarkate mitʼṭecʼ dhiriyiń bachao akawana; ona do Sion reakʼ konac dhiri lekateń bạisạu akada. Okoe onareye pạtiạukʼ uni do ṭarhao akane tahena.

Jesaea 52:12

Menkhan usạrate do alope oḍok hijukʼa se alope dạṛ ạguiya, ente Probhu Isor do ape laha lahateye calakʼa; ar Israelkoren Isorgeye samṭao idipea.

Jirimiạ 11:4

Tinre iń do aperen hapṛamko Misor disạm khon, mẽṛhẽtʼ bhaṭa khoniń oḍok ạguletʼkoa unre noa menkate onkoń hudisatʼko tahẽkana, ‘ape do ińakʼ katha ańjompe ar iń okaṭakʼ cekaeyiń hukum akawatʼpe ona onkaepe, enḍekhan ape do ińren hoṛpe hoyokʼa ar iń do aperen Isorgeń hoyokʼa.

Daniel 2:47

Raj do Daniele metadea, aperen Isor do sạrige Isorkoren Isor kanae, rapajkoren Probhu kanae ar okoakʼko sodoricʼ hõ kanae, ente am do noa okoakʼko reaṅem sodor daṛeada.

Daniel 3:17

Ale okoe Isorle sewawae kan uniye khoj khan tobe do ona jolokʼkan bhaṭa khon acʼakʼ titeye bańcaolea.

Daniel 4:2

Maraṅ Isor iń lạgitʼ okako cinhạ ar hahaṛawakʼkoe kạmi akatʼ ona do kusite apeń baḍae ocoyetʼpea.

Daniel 6:20

Ar ona khandṛaṅ ṭhen senkate botorokʼ salakʼ Daniele hohoadea, “E jiwetʼ Isorren guti Daniel, jao okte okoeyem sewawae kan uni amren Isor do cetʼ dhạcri kulkoakʼ moca khone rukhiyạ akatʼmea?”

Daniel 6:21

Daniele roṛ ruạṛkeda, “E maharaj, jaejug jiwetʼ baṛe tahenme.

Daniel 7:25

Maraṅ Isor upạrte uni do kathae roṛa ar uniren hoṛkoe santaokoa. Uni do niṭakatʼ dinko hạbicʼ ar ạn-ạriko bodol reakʼe kurumuṭuya. Isor do onko hoṛko pe bochor tala hạbicʼ uniyakʼ tireye jimạkoa.

Aposkạmi 16:17

Uni kạ̃ṛmĩ do Pạul ar ale tayom tayomte hijukʼte hohowateye menetʼ tahẽkana, “Nukin hoṛ do maraṅ Isorren guti kanakin. Ar cetʼlekate kại khon bańcao ńamokʼa onagekin lạiyape kana.”

Aposkạmi 16:37

Unre Pạul do onko kạmiyạkoe metatʼkoa, “Ạliń do Romi hoṛ kanaliń, ar begor bicạr dusite hoṛko samaṅreko dalketʼlińạ ar hajotreko bhoraokatʼlińạ. Ar ńitokʼ disạm cakʼlaoyicʼ do hape hapete aṛakʼgotʼ kạlińe menjoṅ kana? Ona do baṅ hoyokʼa; onkoge apnarte hecʼkateko oḍok idi lińma.”

Aposkạmi 27:23

Ente ińiń okoeren kan ar okoeyiń sewawaekan uni Isorren mitʼṭen goḍet do ńindạ iń pheḍre teṅgoyenteye metadińạ,

Galathiko lạgitʼ Pạul Apostolakʼ ciṭhi 1:10

Noate iń do okoeyakʼ sarhao ńamjoṅ iń kurumuṭuyeda, manwa se Isorakʼ? Se manwa kusi ocoye reakʼ iń kurumuṭu kana? Ar ńit hạbicʼ manwa kusi ocoko lạgitʼ iń kurumuṭuyetʼ khan enḍekhan Mạsiren golam doń baṅkana.

Dosar Biboron 4:20

Disạipe, Probhu Isor do apeye bachao akatʼpea ar mẽṛhẽtʼ reakʼ seṅgel bhaṭa metakʼme Misor khone oḍok ạguakatʼpea jemon uniren hoṛpe hoyokʼ ar ape do ńitokʼ onagepe hoyakana.

Josuạ 3:17

Ar tin hạbicʼ sanam Israelko jordan gaḍa ạuriko parom cabakʼ un hạbicʼ Probhu Isorakʼ goha-sinduk gokʼ idiyetʼkan naekeko do jordan gaḍare kuṭhạ̃ṛ otreko teṅgo tahẽyena; ar sanam hoṛ do kuṭhạ̃ṛgekoge parom calaoena.

Josuạ 4:10

Gaḍa paromokʼ babotre Mose do Josuại hukumade tahẽkana. Onate hoṛko lạiyako lạgitʼ Josuại em akawade Isorakʼ hukum leka hoṛko jotowakʼ ạuriko cekae hạbicʼ goha-sinduk gogokʼ naekeko do gaḍareko teṅgo tahẽkana ar hoṛko do usạra gaḍako paromena.

Johan sodor 19:5

Unre siṅghạson khon mitʼ hoṛe menkeda, “E Isorren golamko ar okoe do Isorpe sewawaekan, lạṭu ar kạṭicʼko ape jotokoge aboren Isor sarhaoepe.”