Daniel 3:19 - সান্তালী বাইবেল

¹⁹ Unre Sedrok, Mesak ar Abed-nego cetanre Nebukadnesar do ạḍiye raṅgaoena ar uniyakʼ mẽtʼãhã reakʼ boron hõ pheraoentaea. Uni doe hukumkeda jemon bhaṭa do nindarako jol khon eae dobṛa bạ̃ṛtiko jol ocoy.

Daniel 3:19 Iomraidhean Croise

Genesis 31:2

Jakob do noa hõe ạri bạndhikeda, Laban do lahate leka acʼre kusi bạnuea mente.

Ester 3:5

Mordekai do ikhṛum hõ baṅ ar manot hõ baṅ emokʼkan reakʼe baḍaeketʼ khan Haman do ạḍiye raṅgaoena.

Ester 7:7

Raj doe raṅgaoente darkha rasa dohokateye beretʼena ar oḍokente raj doṅgol reakʼ bagwanteye boloyena. Unre Haman doe bujhạu daṛeada raj do acakʼ bhạge ṭhik dohoakada onate jiwi rukhiyạitae lạgitʼ Ester rạni ṭhene tahẽyena.

Sereńko 76:10

Khạṭige manwakoakʼ raṅgao hõe sarhaomea, ar ona raṅgao reakʼ sarecʼakʼte apnar baṛe sajokʼme.

Kạhtukko 16:14

Rajakʼ raṅgao do moronren goḍet leka, menkhan ạkilan hoṛ do raṅgaoe thir ocoya.

Kạhtukko 21:24

Bạḍại ar dhomokkan hoṛakʼ ńutum do, “Landa dhutʼicʼ;” uni do bạ̃ṛti gorbokʼ tulucʼe kạmiya.

Jesaea 51:23

Ona bạṭi do amren cikʼpạkankoakʼ tireń jimạya, ar okoe amko metam kan, ‘ma ombagokʼme, jemon am cetanteń taṛam parom daṛeakʼ.’ Am cetante taṛam paromokʼ lạgitʼ amakʼ dea do ot ar kulhi lekam hoyocoakada.”

Daniel 2:12

Ona iạte raj do ạḍiye raṅgaoena ar raṅgaote nunạkʼe kurkurạuena je, uni do Babelren sanam ạkilanko gocʼko reakʼe hukumkeda.

Daniel 3:13

Noa katha ańjomkate Nebukadnesar raj do edreteye seṅgelena ar Sedrok, Mesak ar Abed-nego teko hoho ạguko lạgitʼ hoṛe kolketʼkoa. Ar onko do raj samaṅreko ạgu ocoyena.

Daniel 3:20

Uni do acʼren lạṛhại phạdrenko khon adom daṛean palṭonkoe hukumatʼkoa onko do jemon Sedrok, Mesak ar Abed-nego takoko tolko ar jolokʼkan bhaṭareko khadleko.

Daniel 5:6

Ar onate uniyakʼ mẽtʼãhã do keklesetʼentaea ar nunạkʼ botor caṛhaoadea, uniyakʼ ḍanḍa do lạbṛucʼentaea ar gunṭhi kin hõ thar tharaokʼ ehopʼentaea.

Daniel 6:24

Okoeko hoṛ do hiskạte Danielko dusilede onko do rajakʼ hukum iạteko ạgu ocoyena ar onkoren bạhuko gidrạko sudhạ ona dhạcri kulkoakʼ khandṛaṅreko khalde ocoyena. Ar onḍe ạuriko ńurokʼrege dhạcri kulko do onkore jhãpko emkeda ar onkoakʼ jaṅko rạputʼ gejerketʼtakoa.

Levitikus 26:18

“Ar noa tayom hõ ińakʼ katha bape ańjom enḍekhan apeakʼ kại reakʼ eae doboṛiń sạjạipea.

Levitikus 26:21

“Apeakʼ monre bạiri lekape hudisiń ar ińakʼ katha bape luturakʼ enḍekhan apeakʼ kại reakʼ sạjại do eae doboṛiń ḍhertapea.

Levitikus 26:24

enḍekhan iń apnarge bạiriko secʼte apeakʼ kại reakʼ eae doboṛ sạjạyiń emapea.

Levitikus 26:28

enḍekhan raṅgaote ape upạrteń colona ar apeakʼ kại reakʼ eae doboṛiń sạjạipea.

Aposkạmi 5:33

Noa katha ańjomkate mukhiyạko do ạḍiko raṅgaoena ar apostolko gocʼko lạgitʼko khojkeda,

Aposkạmi 7:54

Noako katha ańjomkate onko mukhiyạko do Stephan upạrte ạḍi bạṛicʼko raṅgaoena ar uni upạrteko togocʼ ḍaṭakeda.