Daniel 3:1 - সান্তালী বাইবেল

¹ Nebukadnesar raj do turuigel moka usul ar turui moka osar sonaren mitʼṭecʼ boṅga murhutʼe benaokedete Babel disạm reakʼ Dura bilạn ṭạnḍireye dohokedea.

Daniel 3:1 Iomraidhean Croise

1 Rapajko 12:28

Unre Jerobiam raj do sopolhakate sonaren barea mĩhũi benao ocoketʼkinạ. Ar ona tayom do hoṛkoe metatʼkoa, “Jerusalemte calakʼ do ape lạgitʼ ạḍi kosṭogea. E Israelko, nokin kangeakin aperen debota do, nokinge Misor disom khon apekin oḍok ạgu akatʼpea.”

Ester 1:1

Ahasberos raj do tinre Susan gaṛre acʼakʼ siṅghạsonre duṛupʼkate rajosṭiye calaoetʼ tahẽkana unre niạko ghoṭna do hoylena. Nui Ahasberos do bharot disạm khon Kus hạbicʼ mitʼsae bargel eae disạm cetanreye rajokʼkan tahẽkana.

Sereńko 135:15

Eṭakʼ jạtkoren sona ar rupạte benao murhutʼko do; manwa tite benaoko kanako.

Exodus 20:23

Onate jãhãnakʼ benaokate sewawakʼ lạgitʼ iń sãote alope teṅgoea. Sona se rupạte ape lạgitʼ jãhãn Isorko alope benaojoṅa.

Exodus 32:31

Mose do Probhu Isor ṭhen ruạṛ senkateye menkeda, “Hae, hae Probhu Isor! Noko hoṛ do ḍhergeko ghạṭ akada. Onko do ako lạgitʼ sonaren debotako benao akawana.

Jesaea 2:20

Enhilokʼ hoṛko do oneko pujạwako kan sona ar rupạte benao murtiko do cũd ar bạduṛ ṭhenko giḍikakoa.

Jesaea 30:22

Unre ape do aperen rupạ ar sonatepe muṛạu akatʼko boṅga murhutʼpe bhõnḍ ocokoa; ar mạilạ kicricʼ lekape giḍikakoa arpe mena, “Men nonḍe khon do sạṅgińokʼpe!”

Jesaea 46:6

Adomko do akoakʼ thạilạkʼ khon sonako upʼ oḍokeda ar tulạte rupạko soṅeda. Ar onakote onko do goṛhon muṭhạn tear lạgitʼ sonharko emako kana; ar tayomte do ona goṛhon muṭhạnko ḍobokʼakʼ kana arko sewawakʼ kana.

Jirimiạ 10:9

Tạrsis khon koṭecʼ capṛawakʼ rupạ ar Uphas khon sonako ạguiyeda. Ar kạrigol ar sonhar do onakote boṅgako muṛạuetʼkoa. Onko do beguni roṅakʼ kicricʼ ar jeṅgetʼ arakʼ kicricʼko horokʼako kana; ona do gạkhuṛ kạrigol tite benaoakʼ kana.

Jirimiạ 16:20

Hoṛko do cetʼ apnar lạgitʼ debotako benao daṛeakoa? Arko benaolekore hõ onko do isor doko baṅkana.”

Daniel 2:48

Unre raj do maraṅ hudạ ar aema sandesko Daniele emadea, ar Babel reakʼ sanam disạmkoren cakʼlaoicʼ ar Babelren sanam ạkilanko cetanre mukhiyại dohokedea.

Daniel 2:49

Tayomte Daniel do raj ṭhene nehõren khan raj do Sadrak, Mesak ar Abed-nego teko hõ Babel disạmren rajkạmireye bahalketʼkoa; menkhan Daniel do raj dorbarreye tahẽyena.

Daniel 3:14

Nebukadnesar do onkoe metatʼkoa, “E Sedrok, Mesak ar Abed-nego, noa do cetʼ sạrikana, ińren debota bape sapʼsorae kana, ar iń okoeṭakʼ sonaren murhutʼ iń benao akade uni hõ bape sewawae kana?

Daniel 3:30

Inạ tayom raj do Sedrok, Mesak ar Abed-nego tako Babel disạm talare arhõ maraṅ hudạreye dohoketʼkoa.

Daniel 5:23

Menkhan ona bodolte amge sermaren Probhu Isor upạrtem teṅgon akana. Am do uniyakʼ oṛakʼ khon ạguwakʼ bạṭikom oḍok ạgu ocoakada, ar onakore am ar amren mukhiyạko, amren bạhuko ar chuṭki erako ape do darkha rasape ńũ akada. Ar am do sonaren, rupạren, pitạlren, mẽṛhẽtʼren, kaṭren ar dhiriren benao akatʼko debotako okoe do ńeńelhõ bako ńeńel ar ańjom hõ bako ańjom ar bujhạu hõ bako bujhạu onkom sarhaoetʼkoa. Menkhan Isor do bam sarhaoede kana, one uniyakʼ tire amakʼ jiwi ar amakʼ goṭa horge menakʼtam.

Daniel 5:4

Onko do darkha rasa ńũńũkan tulucʼ sona, rupạ, tama, mẽṛhẽtʼ, kaṭ ar dhiriren debotakoko sarhaoketʼkoa.

Hosea 2:8

Uni do bae aṅgocetʼ tahẽkana, ińge anaj, nãwã darkha rasa ar sunumiń emaekan tahẽkana, sona ar rupạko hõ ḍher okocʼiń emaekan tahẽkana, one oka uni do Bakʼal debota lạgitʼe beboharetʼ tahẽkan.

Hosea 8:4

Ińakʼ hukum chaḍage onko do rapajko bahal akatʼkoa; ińakʼ hukum chaḍage onko do mukhiyạko bachao akawana. Onko do sona ar rupạren boṅgako benaoetʼkote sorbonasreko paṛaokʼkana.

Habakkuk 2:19

Jạt jạtrenko doko mena, ‘Hae uni hoṛ do, one okoe kaṭ do jiwetʼakʼe metakʼkan se jiwi bạnukʼ dhiri do beredokʼe metaekan.’ Onako do cetʼ uni sikhnạte em daṛeaea? Onako ma eken sona ar rupạte muṛạu esetʼ akan; onakore do cetʼ sahẽtʼge bạnukʼa.

Aposkạmi 17:29

“Enḍekhan uniren hoponkan khan bon Isor do manwa reakʼ kạrigol ar hudis bundiskote benao akatʼ sona, rupạ se dhiriren murti leka hudise do lek baṅkan tabona.

Aposkạmi 19:26

Menkhan ar hõpe ńeletʼkana arpe ańjometʼgea, Pạul ńutuman uni hoṛ do aboakʼ noa Ephesusre ar goṭa Asiạ Prodesren ḍher hoṛkoe biswạs ocoyetʼkote bhul horteye idiyetʼkoa. Uni doe metako kana tite benaoetʼko debota do cele hõko baṅkana.

Dosar Biboron 7:25

Onkoren boṅga muṭhạnko do seṅgelrepe khadle giḍikakʼa. Ar onkoakʼ hoṛmo reakʼ sona, rupạ do alope lalocakʼa. Ar ape lạgitʼ hõ alope hataoa, ente onape onkae khan onakoge apeakʼ jhampa leka hoyokʼa. Ar aperen Isor ṭhen hõ ona do hirkhạwanakʼ jinis kana.

Johan sodor 9:20

Menkhan noako duk tayom hõ okoeko manwa jiwetʼko tahẽyen, onko do apnar tite benaoakʼ muṭhạnko khon mon bako ạcurletʼtakoa. Onko do bạṛicʼ jiuko ar baṅ ńeńelko, baṅ ańjomko, baṅ taṛam daṛeakʼ sona, rupạ, pitạl, dhiri ar kaṭren muṭhạnko benaokateko sewawakokan tahẽkana.