Daniel 2:49 - সান্তালী বাইবেল

⁴⁹ Tayomte Daniel do raj ṭhene nehõren khan raj do Sadrak, Mesak ar Abed-nego teko hõ Babel disạmren rajkạmireye bahalketʼkoa; menkhan Daniel do raj dorbarreye tahẽyena.

Daniel 2:49 Iomraidhean Croise

Ester 2:19

Dosar dhao kũạ̃ri kuṛiko jogaṛko jokhecʼ Mordekai do raj dolan reakʼ phaṭok duạr ṭhen duṛubokʼ lạgitʼe bahal ocoakan tahẽkana.

Ester 2:21

Mordekae do raj dolan reakʼ phaṭok duạrre sapʼ sosor kạmireye tahẽkan jokhecʼ raj dolanren horhoko modre Bigthan ar Teres ńutuman rajren barea guti do Ahasberos goje reakʼ kin soṛojontrokeda.

Ester 3:2

Unre raj dolan reakʼ phaṭok duạrre tahen kạmiyạko do ikhṛumate Hamanko ḍobokʼaekan tahẽkana, ente raj do uni reaṅ onkageye hukumakatʼ tahẽkana. Menkhan Mordekae do ikhṛum hõ bae ikṛumokʼkan tahẽkana ar ḍobokʼ hõ bae ḍobokʼae kan tahẽkana.

Kạhtukko 28:12

Dhorom hoṛko ektiạriko ńamle khan sanam hoṛakʼ bhạlại hoyokʼa, menkhan bạṛicʼ hoṛkoakʼ tire ektiạri calaolen khan hoṛko bako ńamokʼa.

Jirimiạ 39:3

Unre Babel rajren sanam rajkạmiyạko, metakʼme Nergal Saretser, Samgar Nebo, Sarkim ńutuman mitʼṭen maraṅ kạmiạyicʼ; Nergal Saretser ńutuman cetan hudạren mitʼ rajren kạmiạyicʼ ar Babel rajren eṭakʼ sanam kạmiyạko do hecʼkate tala phaṭok duạr ṭhenko duṛupʼena.

Daniel 1:17

Ar Isor do ạkilte, bidiạte, sahittote ar joto lekan bujteye perecʼketʼkoa ar bujhạu reakʼ daṛe hõe danatʼkoa; ar Daniel do sanam lekan dorson ar kukmũ reakʼ bhedko hõe bhaṅgao daṛeakʼkan tahẽkana.

Daniel 1:7

Uni cạkrạkoren sordar do onkoakʼ nãwã ńutume dohoketʼtakoa; Daniel do Beltesasar, Hanaiạ do Sadrak, Misayel do Mesak ar Asariạ do Abed-nego ńutume emadea.

Daniel 2:17

Ona tayom Daniel do oṛakʼte ruạṛ senkate acʼren gate Hananiạ, Misayel ar Asariạteko noa babotreye baḍae ocoketʼkoa.

Daniel 3:1

Nebukadnesar raj do turuigel moka usul ar turui moka osar sonaren mitʼṭecʼ boṅga murhutʼe benaokedete Babel disạm reakʼ Dura bilạn ṭạnḍireye dohokedea.

Daniel 6:2

Onko cetanre pea do rajren ạkʼyurkoko tahẽkana. Noko pe hoṛ modre Daniel hõe tahẽkana. Noko pe hoṛ ṭhenge onko subedarko do hisạb emokʼ hoyokʼkan tahẽkantakoa jemon maharajakʼ jãhãnakʼ loksan alo hoyokʼtae.

Amos 5:15

Bạṛicʼakʼ hirkhạwakʼpe, ar bhageakʼ dulạṛpe; nagraha reakʼ phaṭok duạrkore hok reakʼ bicạr rukhiyạitape. Israelren sarecʼ jiwetʼ tahen hoṛko cetanre sanam daṛeante perecʼ Probhu Isor doe daya botecʼkokʼge coṅ cetʼ coṅ.