Daniel 2:48 - সান্তালী বাইবেল

⁴⁸ Unre raj do maraṅ hudạ ar aema sandesko Daniele emadea, ar Babel reakʼ sanam disạmkoren cakʼlaoicʼ ar Babelren sanam ạkilanko cetanre mukhiyại dohokedea.

Daniel 2:48 Iomraidhean Croise

2 Samuel 19:32

Barsilae do ạḍiye haṛam caba akan tahẽkana; uniyakʼ umer do irạlgel bochor tahẽkana. Raj do tinre Mahanayimreye tahẽkana unre unige raj lạgitʼ jomakʼe bebostaleda, ente uni do ạḍi kisạ̃ṛ hoṛe tahẽkana.

2 Rapajko 5:1

Naman do Aram rajren lạṛhại phạdkoren subedare tahẽkana. Uniren mạlik samaṅre uni do mitʼṭen maraṅ ar manotanicʼ hoṛe tahẽkana, ente Probhu Isor do uni hotetege Arame jitạu ocoleda. Uni do mitʼṭen birbanṭa hoṛe tahẽkana, menkhan uniyakʼ hoṛmore do murhucʼ jom rog tahẽkantaea.

Jobakʼ 1:3

Ar eae hajar bhiḍiko, pe hajar ũṭko, mõṛẽsae joṛa ḍaṅgra ar mõṛẽsae gadhako tahẽkantaea. Purub disạmren hoṛko modre unige jotoko khon kisạ̃ṛgeye tahẽkana.

Jirimiạ 5:5

Onatege iń do mukhiyạko ṭheniń senokʼa ariń galmaraoakoa; onko do khạṭige Probhu Isorakʼ hor ar akoren Isorakʼ ạnko baḍaegea.” Menkhan onko do mitʼdomte arãṛ rạputʼkate tonolko topakʼ akada.

Daniel 2:6

Menkhan ińakʼ kukmũ ar ona reakʼ bhedpe lại daṛeakʼ, enḍekhan ape do iń ṭhen khon maraṅ puruskar, sandes, ar manotpe ńama. Onate ińakʼ kukmũ ar ona reakʼ bhedtetʼ bhaṅgaoạńpe.”

Daniel 3:1

Nebukadnesar raj do turuigel moka usul ar turui moka osar sonaren mitʼṭecʼ boṅga murhutʼe benaokedete Babel disạm reakʼ Dura bilạn ṭạnḍireye dohokedea.

Daniel 3:12

E maharaj, adom Jihudiko menakʼkoa okoe do Babel Prodes reakʼ rajkạmiyạrem dohoakatʼko; onko doko hoyokʼkana, Sedrok, Mesak ar Abed-nego. Onko do amakʼ hukum bako lutur akawada. Am okoeṭakʼ debotam sewawae kan onko do uni bako sewawae kana ar am okoeṭakʼ sonaren muhurtʼem benao akade uni hõ bako ḍobokʼae kana.”

Daniel 3:30

Inạ tayom raj do Sedrok, Mesak ar Abed-nego tako Babel disạm talare arhõ maraṅ hudạreye dohoketʼkoa.

Daniel 4:6

Ona iạte ińakʼ kukmũ reakʼ bhed bhaṅgao lạgitʼ iń do Babelren sanam ạkilanko iń samaṅre ạguko lạgitʼ iń hukumkeda.

Daniel 4:9

Ińiń menkeda, “E gunidarkoren mukhiyạ Beltesasar, ińiń baḍaea amre nonkan sonotakʼ menakʼa one ona do noa dhạrti reakʼ baṅkan ar jãhãn danaṅakʼko hõ am ṭhen muskilakʼ do baṅkana. Ińakʼ noa kukmũ reakʼ bhed baṛe bhaṅgaoạńme.

Daniel 5:11

Amakʼ rajosṭi talare nonkan mitʼ hoṛ menaea ar unire nonkan sonotakʼ menakʼa oka do noa dhạrti reakʼ baṅkan. Am baba bidạlre marsal ar bud ar ạkil, debotako reakʼ ạkil lekanakʼge unire ńamokʼkan tahẽkana. Ar am baba Nebukadnesar maharaj do gonokko, muhnidarko, Kạldiko ar sạkʼgunkoren mukhiyạ menkateye bahalledea.

Daniel 5:16

Ińiń ańjomkeda, am do okoakʼko reaṅ manekom lại daṛeakʼa ar muskilakʼko hõm alga daṛeakʼa. Am do ńitokʼ noa ol akanakʼem paṛhao daṛeakʼ ar ona reakʼ bhedem bhaṅgao daṛeạń enḍekhan am do beguni kicricʼem horokʼ ocokʼa ar hoṭokʼre sona reakʼ mala hõm ńama ar rajosṭiren pea rapajko modre am hõ mitʼṭecʼ hudạm ńama.”

Daniel 5:29

Unre Beltsasarakʼ hukum leka Daniel do beguni kicricʼko horokʼadea ar uniyakʼ hoṭokʼre sona reakʼ mala hõ. Ar rajosṭiren pea rajko talare mitʼ hoṛakʼ hudạ emae reakʼ hõ lại sodorena.

Daniel 5:7

Unre raj do ãṭ aṛaṅte hohoate gonokko, gunidarko, kạldiko ạguko lạgitʼe hukumkeda. Uni do Babelren ạkilankoe metatʼkoa, “Jãhãege noa olakʼ paṛhaokate ona reakʼ bhede lại daṛeạń enḍekhan uni do beguni kicricʼ ar hoṭokʼre sona reakʼ mala hõe emocokʼa ar rajosṭiren pea rajko modre uni hõ mitʼṭecʼ hudại emocokʼa.”

Daniel 8:27

Iń Daniel doń laṅgayena ariń ruạyente thoṛa din giticʼ iń tahẽyena. Ona tayomiń beretʼena ar rajakʼ kạmi lạgitʼ iń senena. Iń do ona dorson ńelkate ạḍiń cintạyena, ente ona dorson reakʼ mane do bạń bujhạuleda.

Numeri 24:11

Am do ńitge nonḍe khon amakʼ disạmte ruạṛ calakʼme. Iń do ạḍitetʼ manotmeyiń menleda menkhan Probhu Isor do bae ńam ocowatʼmea.”

1 Samuel 17:25

Israelkoko roṛetʼ tahẽkana, “Uni hoṛ okoe do ghane ghạṛicʼe oḍok hijukʼkan, uni mape ńelekange? Uni do Israelkoe ṭiṭkạriyetʼkoa. Uni hoṛ jãhãegeye gocʼ daṛeae enḍekhan raj do uni hoṛ ạḍi utạr dhon-duribe emaea. Ar acʼren hoponera hõ uni sãoteye baplakaea ar Israel disạmre uniyakʼ gharońjrenko do khajna ar rajakʼ eṭakʼ jãhãnakʼ cetʼge emokʼ baṅ lagaoaea.”

1 Samuel 2:8

Uni do dhuṛi khon nacaricʼe rakapʼedea, ar okulạnicʼ do torocʼ khone beretʼedea. Cetan hudạren hoṛko sãote uni do onkoe duṛupʼ ocokoa, ar manot reakʼ siṅghạsone emakoa; ente dhạrti reakʼ kham khunṭiko do Probhu Isorakʼge, uni do onako cetanre pirthimiye dohoakada.

1 Samuel 25:2

Unre Maon atore mitʼṭen maraṅ kisạ̃ṛ hoṛe tahẽkana. Uniyakʼ kạmiko do Karmelre tahẽkantaea. Uniren do pe hajar bhiḍi ar mitʼ hajar meromko tahẽkana. Ar un jokhecʼ uni do Karmelre bhiḍiko upʼe kạpciyetʼtako tahẽkana.