Daniel 2:41 - সান্তালী বাইবেল

⁴¹ Am dom ńel akada, banar jaṅga ar jaṅga talka jotoge kuṅkạlakʼ hasa ar mẽṛhẽtʼ mesal akatʼ leka, noate do hạṭiń akatʼ rajosṭigeye bujhạu ocoyeda; menkhan ona rajosṭire do mẽṛhẽtʼ reakʼ keṭecʼtetʼ hõ tahena, ente am do hasa mesalakatʼ mẽṛhẽtʼem ńel akada.

Daniel 2:41 Iomraidhean Croise

Daniel 2:40

Ar ponakʼ rajosṭi do mẽṛhẽtʼ leka hoyokʼa; ente mẽṛhẽtʼ cetʼ leka sanamakʼkoe rạputʼ kaṭra kuṭrại ar mẽṛhẽtʼ cetʼ lekae gejer, onkage ona rajosṭi do sanamakʼe rạputʼ gejera.

Daniel 2:42

Ar jaṅga talka ar kạṭupʼko cetʼleka mẽṛhẽtʼ mesalakatʼ hasa leka tahẽkan, onkage rajosṭi reakʼ mitʼ hĩs do kajak tahena ar mitʼ hĩs do rạpudokʼa.

Daniel 7:24

Ona gel goṭecʼ dereń do hoyokʼ kana gel goṭecʼ rajosṭi khon gel goṭen rapajko upelokʼa. Onko tayom do ar mitʼṭen raje rakapʼ hijukʼa, uni do lahaten rapajko khon eṭakʼ lekae hoyokʼa; ar onko pea rapajkoe bhagaokoa.

Daniel 7:7

“Ńindạ jokhecʼ ińakʼ ona kukmũ talareń beṅgetʼketʼ khan ponicʼ janwariń ńel ńamkedea. Uni do botorgeye tahẽkana ar daṛe hõ ạḍi daṛeye tahẽkana. Uniyakʼ do mẽṛhẽtʼ reakʼ lạṭu lạṭu ḍaṭa tahẽkantaea. Ar acʼren sikạr doe chaka chunkedeteye utʼkedea ar oka sarecʼ tahẽyen ona do jaṅgateye lebetʼ gańjaokeda. Nui do lahaten janwarko khon hõ begargeye tahẽkana ar uniyakʼ do gel goṭen dereń tahẽkana.

Johan sodor 12:3

Ona tayom sermare armitʼṭecʼ cinhạ ńelena; seṅgel leka maraṅ okocʼ mitʼṭen arakʼ bińge. Uniyakʼ do eae goṭecʼ bohokʼ ar gel goṭecʼ dereń ar bohokʼre eae goṭecʼ mukuṭ tahẽkana.

Johan sodor 13:1

Noa tayom iń do mitʼṭen janwar jalapuri khon rakapʼ hijukʼ kaniń ńelkedea. Uniyakʼ do gel goṭecʼ dereń ar eae goṭecʼ bohokʼ tahẽkantaea. Ona dereńko cetanre gel goṭecʼ mukuṭ tahẽkana ar bohokʼko cetanre Isor henostawae reakʼ aema ńutum ol tahẽkana.

Johan sodor 17:12

“Oka gel goṭecʼ bohokʼem ńelakatʼ onako do gel goṭen rapajko kanako. Onko do ńit hõ rajosṭi bako ńam akada, menkhan onko do uni janwar tulucʼ mitʼ ghuṛi lạgitʼ rapajko lekate ektiạriko ńama.