Daniel 2:4 - সান্তালী বাইবেল

⁴ Unre kạldiko do Arami pạrsite rajko metadea, “E maharaj, jaejug baṛe jiwetʼem tahenma. Amakʼ kukmũ do amren gutiko lạiyaleme, ale do ona reakʼ bhedle bhaṅgaoama.”

Daniel 2:4 Iomraidhean Croise

Genesis 31:47

Laban do ona ḍhipi reakʼ ńutum Jegar Sahadutạiye ńutumkeda (metakʼme “Goha ḍhipi”). menkhan Jakob do acʼakʼ pạrsite ona reakʼ ńutum do Goled (metakʼme “Goha ḍhipiye dohokeda”).

Genesis 41:8

Menkhan setakʼ secʼ uniyakʼ mon do khad badaoentaea. Uni do hoṛ kolkate Misor disạmren sanam gonokko ar muhnidarko ar gunidarkoe hoho ạgu ocoketʼkoa. Ar okaṭakʼ kukmũe ńelakatʼ onae lạiyatʼkoa, menkhan celege ona reakʼ bhed do bako lại daṛeada.

1 Rapajko 1:25

Ente uni do teheń senkate ạḍi utạr ḍaṅgra, lodgopʼ lodgopʼ bạchurko ar bheḍakoe samaṅ akatʼkoa ar rajren hoponko, senaputiko ar naeke Ạbiạthar hõe neota akadea. Onko do ńitokʼ uni sãoteko jom-ńũiyeda arko meneda, ‘Adoniạ raj do jaejug hạbicʼ jiwetʼe tahenma.’

1 Rapajko 1:31

Unre Bethseba do otre ombakʼkate raje ḍobokʼadeteye menkeda, “Ińren mạlik maharaj do jaejug hạbicʼ jiwetʼe tahen ma.”

2 Rapajko 18:26

Unre Hiskiạren hopon Eliakim ar Sibna ar Joa do Rabsakiko metadea, “Amren golamko ṭhen dayakate Arami pạrsite katha roṛme, ente ale do onale bujhạu daṛeakʼa. Pạcri cetanren hoṛko samaṅre Ibri pạrsite do alom metalea.”

Esra 4:7

Parasren raj Artaksasto oktere hõ Bislam, Mitredat, Tabeyel ar uniren eṭakʼ eṭakʼ soṅgetenko do Artaksasto ṭhen mitʼṭecʼ ciṭhiko olkeda. Ona ciṭhi do Arami pạrsite torjomakate ol hoylena.

Nehemiạ 2:3

enhõ rajiń metadea, “Maharaj do jaejug jiwetʼ baṛeye tahenma. Ińren hapṛamko oka nagrahareko topa ocoakan ona nagraha doko dhaṅ dhaser akada ar ona reakʼ phaṭok duạrko do seṅgelteko jeretʼ akada ar ona ańjomkate ińakʼ mẽtʼãhã do mulin baṅkhan cekakʼtińa?”

Jesaea 36:11

Unre Eliakim, Sibna ar Joa do Rabsakiko metadea, “Amren golamko ṭhen dayakate Arami pạrsite katha roṛme, ente ale do onale bujhạu daṛeakʼa. Pạcri cetanren hoṛko samaṅre Ibri pạrsite do alom metalea.”

Jesaea 44:25

Bhonḍ nạbikoakʼ cinhạ doń ạuṛiyakʼ ocoytakoa ar ńeńelko do lelha lekań hoyocokoa. Iń do ạkilankoakʼ ạkiliń ạuṛiyakʼ ocoytakoa ar onkoakʼ bidiyạ doń bebuj ocoya.

Daniel 1:4

Onko juạnko do ńelokʼte mońj, ạkilan, niphuṭ, cecetʼakʼte perecʼ ar raj dorbarre kạmi lạgitʼ lek lekako hoyokʼ. Aspenas doe hukum ocoyena jemon uni do onko juạnko Babel reakʼ pạrsi ar sahitto reaṅe cetʼako.

Daniel 2:7

Onko do uniko roṛ ruạṛadea, “Maharaj do acʼren gutiko ṭhen acʼakʼ kukmũ baṛeye lạima, ar ale do ona reakʼ bhedle lạiyaea.”

Daniel 3:9

Onko do rajko metadea, “E maharaj, jaejug jiwetʼ baṛem tahenma.

Daniel 4:19

Unre Daniel, metakʼme Beltesasar do kukmũ reakʼ katha hudiskateye botorena ar thoṛa okte lạgitʼe asbasoena. Onate raj doe menkeda, “E Beltesasar, kukmũ se ona reakʼ bhed do alo baṛeye cintạ ocomema.” Beltesasar doe roṛ ruạṛkeda, “E maharaj, niạ kukmũ ar niạ reakʼ bhed do amren bạiriko cetanre baṛe paṛaokʼma.”

Daniel 4:7

Khan gunidarko, muhnidarko, kạldiko ar gonokko iń ṭhenko hecʼen khan onko ṭhen kukmũ reakʼ iń lạikeda, menkhan onko do ona reakʼ bhed bako bhaṅgao daṛeadeńa.

Daniel 4:9

Ińiń menkeda, “E gunidarkoren mukhiyạ Beltesasar, ińiń baḍaea amre nonkan sonotakʼ menakʼa one ona do noa dhạrti reakʼ baṅkan ar jãhãn danaṅakʼko hõ am ṭhen muskilakʼ do baṅkana. Ińakʼ noa kukmũ reakʼ bhed baṛe bhaṅgaoạńme.

Daniel 5:10

Raj ar uniren mukhiyạkoakʼ katha ańjomkate rajren eṅgattetʼ do bhoj oṛakʼre hecʼkateye menkeda, “E maharaj, jaejug jiwetʼ baṛe tahenme. Am do alom botorokʼa ar amakʼ mẽtʼãhã do alom mirluṅ ocoytama.

Daniel 5:8

Rajren sanam ạkilan hoṛ do hecʼkate bhitriteko boloyena menkhan okoege ona do bako paṛhao daṛeada se raj hõ ona reakʼ mane do bako lại daṛeadea,

Daniel 6:21

Daniele roṛ ruạṛkeda, “E maharaj, jaejug jiwetʼ baṛe tahenme.

Daniel 6:6

Unre raj-cakʼlaoko ar disạm cakʼlaoko do mitʼ dhaote raj ṭhen senkateko menkeda, “Maharaj Darjawes, jaejug jiwetʼ baṛe tahenme.

Daniel 6:7

Sanam raj-cakʼlaoko, disạm cakʼlaoko ar subedarko, sopolhako ar bibhagren cakʼlaoko onko sanamkoge mitʼ kathareko rạjiyena je, maharaj do mitʼṭecʼ kajak hukum jemone emokʼ. Ar ona hukum do hoyokʼ kana, jãhãe hoṛ pegel din hạbicʼ E maharaj, am chaḍa eṭakʼ debotako se manwa ṭhene koejoṅ enḍekhan uni do dhạcri kulakʼ ghaḍlakʼre giḍikae hoyokʼa.

Mathae 21:9

Ar Jisu laha lahate calakʼkan ar pańjayedekan gadel hoṛko do ãṭ aṛaṅte hohoate memenko ehopʼena, “Hosanna, Dạudren Hopon! Bhorangeae Probhu Isor ńutumte hijukʼkạnicʼ do. Coṭ utạrre Hosanna!”

1 Samuel 10:24

Unre Samuel do sanamkoe metatʼkoa, “Ape do cetʼ Probhu Isore bachao akade hoṛpe ńelńame kana?” Sanam hoṛko modre uni lekanko do ar okoege bạnukʼkoa. Unre hoṛkoko menkeda, “Raj do jiwetʼ baṛeye tahenma.”