Daniel 2:39 - সান্তালী বাইবেল

³⁹ Am tayom eṭakʼ ar mitʼṭecʼ rajosṭi teṅgokʼa ona do am khon huḍiń macha; ar ona tayom do pitạl reakʼ tesar ar mitʼṭecʼ rajosṭi teṅgokʼa, ona do goṭa dhạrti cetanre mạlike calaoa.

Daniel 2:39 Iomraidhean Croise

Jesaea 44:28

Ar Kores reaṅ doń mena, ‘uni do ińren gupiyicʼ kanae; ar iń okań kusiyakʼ ona sanamakʼe kạmiya. Uni do Jerusalem reaṅe mena, ‘arhõ teṅgo ruạṛokʼma,’ ar koejoṅ oṛakʼ reaṅ doe mena, ‘ona reakʼ rehetʼ do bạisạukʼma.”

Daniel 10:20

Unre uni do ińe metadińa, “Amem baḍaea cetʼ lạgitʼ am ṭheniń hecʼakana? Sạriyakʼ puthire oka olakan ona baḍae ocome lạgitʼgeń hecʼakana. Parasren mukhiyạ upạrte lạṛhại lạgitʼ iń do usạrateń ruạṛ calakʼa ar ińiń calaolen tayom Junạnren mukhiyạ hõ lạṛhại lạgitʼe oḍok hijukʼa. Amren hoṛkoren mukhiyạ uni Mikayel chaḍa ar okoehõ uni upạrte teṅgo goṛowạńko do bạnukʼkoa.

Daniel 2:32

Uni boṅga muṭhạn reakʼ bohokʼ do khạṭi sona reakʼ, koṛam ar ti do rupạ reakʼ, lacʼ ar bulu do pitạl reakʼ tahẽkana;

Daniel 2:38

Ar jãhã ṭhạ̃irege manwako girobasokʼ kan, onḍege uni do otren janwarko ar coṭren cẽṛẽko hõ amakʼ tireye jimạ akatʼkoa ar onko jotoko cetanre mạlike benao akatʼmea; ar amkangeam uni sonaren bohokʼ do.

Daniel 2:40

Ar ponakʼ rajosṭi do mẽṛhẽtʼ leka hoyokʼa; ente mẽṛhẽtʼ cetʼ leka sanamakʼkoe rạputʼ kaṭra kuṭrại ar mẽṛhẽtʼ cetʼ lekae gejer, onkage ona rajosṭi do sanamakʼe rạputʼ gejera.

Daniel 7:23

“Ona tayom uni do nonkae lạiyạdińạ, ‘ponicʼ janwar doe hoyokʼ kana dhạrti reakʼ ponakʼ rajosṭi. Ona do eṭakʼ rajosṭiko khon begarge hoyokʼa ar ona do goṭa dhạrtiye chakachuna.

Daniel 8:20

Barea dereńan okoeṭakʼ bheḍam ńellede onakin do hoyokʼkana Madae ar Parasren rajkin.

Daniel 8:21

Uni upʼan merom doe hoyokʼkana Junạn reakʼ rajosṭi ar uniyakʼ banar mẽtʼkin tala reakʼ maraṅakʼ dereń do hoyokʼ kana ona rajosṭiren pạhilicʼ raj.

Sakariạ 6:3

Ar tesarakʼ rãt gạḍire do jotoge ponḍ sadomko tahẽkana ar ponakʼ rãt gạḍire do nana parkan roṅan sadomko tahẽkana; ar joto sadomge daṛegeko tahẽkana.

Sakariạ 6:6

Hende sadomkoakʼ rãt gạḍi do utạr disạm secʼ calakʼkana, ar ponḍ sadomkoakʼ rãt gạḍi do pạchim secʼ ar nana parkan roṅan sadomkoakʼ rãt gạḍi do dạkhin secʼ calakʼkan tahẽkana.”