Daniel 2:37 - সান্তালী বাইবেল

³⁷ E maharaj, am do rapajkoren raj kanam, sermaren Isor do rajosṭi, ektiạri, daṛe ar ṭhonoke em akatʼmea.

Daniel 2:37 Iomraidhean Croise

1 Rapajko 4:24

Solomon do Phurạt gaḍa pạchim secʼ reakʼ sanam rajosṭiko, metatʼme Tipsa khon Gasa hạbicʼe rajokʼkan tahẽkana ar uniyakʼ rajosṭi reakʼ sanam jaegakore do suluk tahẽkana.

2 Rapajko 25:28

Uni do Jehoyakin sãote mońjteye galmaraokeda ar Babelre uni sãote okoe rajko tahẽkan onko khon hõ ḍher manotakʼ ṭhạ̃ireye duṛupʼkedea.

2 Bõsbudạ 36:23

“Parasren raj Kores do niạ kathae meneda, ‘sermaren Probhu Isor do dhạrti reakʼ sanam rajosṭi ińe em akawạdińa ar Jihudạ reakʼ Jerusalemre acʼ lạgitʼ mitʼṭecʼ oṛakʼ benao lạgitʼe bachao akadińạ. Uniren hoṛko modre, metakʼme ape talare okoeye khojkan uni do onḍeye calakʼma ar uniren Probhu Isor do uni sãoreye tahenma.’ ”

Esra 1:2

“Parasren raj Kores do niạ kathae meneda, ‘sermaren Probhu Isor do dhạrti reakʼ sanam rajosṭi ińe em akawạdińa ar Jihudạ reakʼ Jerusalemre acʼ lạgitʼ mitʼṭecʼ oṛakʼ benao lạgitʼe bachao akadińạ.

Esra 7:12

Sermaren Isorakʼ ạn-ạriren cecetʼicʼ naeke Esra ṭhen iń rajkoren raj Artaksasto do ciṭhiń oleda. Amakʼ bhạlại hoyokʼma baṛe.

Sereńko 62:11

Sanamakʼ daṛe do Isorakʼ tirege noa katha uni do aema dhaoe roṛakada, ar ińhõ ona do aema dhaogeń ańjomakada.

Kạhtukko 8:15

Rajko do iń hotete rajosṭiko calaoeda, ar mukhiyạko do hokte perecʼ ạnko benaoeda;

Jesaea 10:8

Uni doe meneda, “Ińren senaputiko do cetʼ jotoge raj leka doko baṅkana?

Jesaea 47:5

Probhu Isore meneda, “E Babel, am do duṛupʼ thirkokʼme; ar ńutre bolokʼme. Ente rajosṭikoren rạni do ar bam hoho ocokʼa.

Jirimiạ 28:14

Iń Israelren phạdkoren Probhu Isorgeń meneda, noko jạtrenko jemon Babelren raj Nebukadnesarren golamko hoyokʼ onate onkoakʼ tarenre mẽṛhẽtʼ reakʼ arãṛ iń ladeakoa, ar onko do uniko sapʼsoraea. Ar uni do bir janwarko cetanre hõ ektiạriń emaea.’ ”

Jirimiạ 34:1

Babelren raj Nebukadnesar, ar uniren sanam lạṛhại phạdko ar uni tabe reakʼ sanam rajosṭiko ar jạtrenko tinre Jerusalem ar ona beṛhaeteakʼ nagrahako upạrteko lạṛhạikan tahẽkana unre Israelren Probhu Isor do Jirimiại metadea uni do jemon Jihudạren Sedekiạ raj ṭhen senkateye metae, “Iń Probhu Isorge noa katha doń meneda, noa nagraha do Babel raj ṭheniń soprota ar uni do seṅgelteye ḍahao maraoa.

Jeheskel 26:7

“E Tur, iń do am upạrte utạr secʼ khon sadomko, rãt gạḍiko, aswariko ar maraṅ okocʼ mitʼṭecʼ lạṛhại phạdko sãote rapajkoren raj, metakʼme Babelren raj Nebukadnesar iń ạguiyea.

Daniel 1:2

Probhu Isor do uniyakʼ tire Jihudạren raj Jehoyakime soprotkedea ar uni sãote Isorakʼ oṛakʼ reakʼ adomakʼ bhajanko hõe emadea. Ar ona bhajanko uni do Babelte acʼren debotawakʼ mundilre idikate onḍenakʼ khajańci oṛakʼreye dohokada.

Daniel 2:31

“E maharaj, am dom koyokʼ akatʼ tahẽkana, ar am samaṅre mitʼṭecʼ maraṅ utạr muṭhạn do teṅgo akanem ńelkedea; uni do ạḍitetʼ maraṅge, jhak jhak ar ńelokʼte ạḍitetʼ botor.

Daniel 2:44

Onko rapajkoakʼ oktere sermaren Isor do mitʼṭen rajostiye teṅgoyea, ona do tishõ baṅ maraokʼa, ar ona rajosṭi do eṭakʼ jạtrenkoakʼ tire baṅ jimạkʼa; ona do onako rajosṭiye rạputʼ gejera ar acʼge jaejuge tahena.

Daniel 4:19

Unre Daniel, metakʼme Beltesasar do kukmũ reakʼ katha hudiskateye botorena ar thoṛa okte lạgitʼe asbasoena. Onate raj doe menkeda, “E Beltesasar, kukmũ se ona reakʼ bhed do alo baṛeye cintạ ocomema.” Beltesasar doe roṛ ruạṛkeda, “E maharaj, niạ kukmũ ar niạ reakʼ bhed do amren bạiriko cetanre baṛe paṛaokʼma.”

Daniel 4:22

E maharaj, am kangeam ona dare do. Am do maraṅ ar daṛeanem hoyakana; amakʼ daṛe do ḍher akante serma hạbicʼem tiyokʼ akada ar amakʼ rajosṭi do dhạrti reakʼ ses simạna hạbicʼ seṭer akana.

Daniel 4:25

Am do hoṛko tala khonem laga ńir ocokʼa ar janwarko sãotem tahena; am do ḍaṅgra leka ghãsem joma ar serma reakʼ sisirdakʼtem lohodokʼa. Nonkate eae bochor hạbicʼ calakʼa, one tin hạbicʼ bam aṅgocʼ manwakoakʼ rajosṭi cetanre maraṅ Isorgeye rajokʼkana mente ar onako rajosṭi do acʼ okoeye kusiyae unigeye emaekana.

Daniel 4:3

Uniyakʼ cinhạko do maraṅgea, uniyakʼ hahaṛa kạmiko do heṛan daṛeana! Uniyakʼ rajosṭi do jaejug reakʼ rajosṭi kana, ar uniyakʼ raj do piṛhi cetan piṛhige.

Daniel 4:32

Am do hoṛko tala khonem laga ńir ocokʼa ar janwarko sãotem tahena; ar ḍaṅgra leka ghãskom joma. Ar tin hạbicʼ bam aṅgoc maraṅ Isor do manwakoakʼ rajosṭiko cetanreye rajokʼkana ar onako rajosṭi do acʼakʼ kusi lekae em akokana unhạbicʼte eae bochor do parom calakʼa”

Daniel 4:34

Ona okte purạuen khan iń Nebukadnesar do serma secʼ iń beṅgetʼkeda ar ińakʼ bud do ruạṛ hecʼadińạ. Unre iń do Coṭ utạrricʼ iń sarhaokedea; okoe do jaejug jiwetʼ menae uniń ḍobokʼadea ariń sarhaokedea. Ińiń menkeda, “Isorakʼ rajosṭi do jaejug hạbicʼ reakʼ rajosṭikana; uniyakʼ rajosṭi do piṛhike piṛhi tahena.

Daniel 5:18

E Maharaj, maraṅ Isor do am baba, metakʼme Nebukadnesar do rajosṭi, ar ṭhonoke emade tahẽkana.

Daniel 7:14

Uni manwa hopon do ektiạri, ṭhonok ar rajosṭiye emocoyena jemon sanam jạtrenko, disạmrenko ar pạrsirenko uniko sewawae. Uniyakʼ rajosṭi do jaejug hạbicʼ tahena; ona do baṅ mucạdokʼa ar uniyakʼ rajosṭi hõ tisge baṅ maraokʼtaea.

Hosea 8:10

Onko do eṭakʼ jạtrenko sãote ṭakateko gate akanre hõ iń do mitʼ domte jarwakateń sạjạikoa. Onko do disạm cakʼlaokoren rapajkoakʼ santao iạteko caba utạrokʼa.

Mathae 6:13

ar biḍạute alom aderlea, menkhan bạṛicʼakʼ khon bańcaolem. [Ente raj ar daṛe ar ṭhonok jaejug hạbicʼ amakʼge, Amen.]

Johan 19:11

Jisui roṛ ruạṛkeda, “Coṭ khon ektiạri baṅ emam khan iń cetanre jãhãn ektiạrige oho tahẽlentama.” Onate okoe amakʼ tireye soprot akadiń uniyakʼ kại do ḍhergetaea.”

Johan sodor 1:5

Jisu kangeae pạtiạricʼ goha do ar gocʼko khon unige pạhil dhaoe jiwetʼ beretʼakana, ar dhạrtiren rapajkoren raj doe uni kangea. Uni do aboe dulạṛetʼbona ar acʼakʼ mãyãmte kại khone chaḍaoketʼbona.

Johan sodor 17:14

Onko do Bheḍa Hopon upạrteko lạṛhạiya ar Bheḍa Hopon do onkoe bhagaokoa, ente uni do Probhukoren Probhu ar raj koren raj kanae. Ar okoeko hoho ocoakan arko bachao ocoakan ar okoe doko pạtiạrkokan onkoge uni tulucʼko tahena.”

Johan sodor 19:16

Ar uniyakʼ kicricʼre ar bulure noa ńutum ol menakʼa, “Rajkoren raj, ar Probhukoren Probhu.”

Johan sodor 4:11

“E aleren Probhu Isor, amge man ar ṭhonok ar daṛe ńam lek kanam, ente amge jotowakʼem sirjạu akada; ar amakʼ monejoṅakʼ lekage onako do sirjạu akana ar ṭikạu menakʼa.”

Johan sodor 5:12

Onko do ãṭ aṛaṅte noa kathako roṛetʼkan tahẽkana: “Okoeṭakʼ Bheḍa Hopone gocʼ ocolen, unige ektiạri, dhon, akel, daṛe, manot, ṭhonok ar sarhao ńam lek kanae.”