Daniel 2:22 - সান্তালী বাইবেল

²² Uni do khạndri ar okoakʼko babotreye sodoretʼkana; unigeye baḍaea ńutre do cetʼ menakʼa; uni sãote do marsal tahẽnkana.

Daniel 2:22 Iomraidhean Croise

Genesis 41:16

Joseph do Pharaoe metadea, “Ona reakʼ daṛe do bạnukʼtińạ. Menkhan Isor do Maharajakʼ kukmũ reakʼ manetetʼe lạiyaea ar uniyakʼ monre suluke danaea.”

Jobakʼ 12:22

Ńut reakʼ okoakʼkoe sodor ocoya ar dhund do marsalteye oḍok ạguyeda.

Jobakʼ 26:6

Isor samaṅre Sheol do oṭakʼgea; Abadonakʼ hõ dapalokʼ reakʼ do bạnukʼa.

Sereńko 104:2

Kicricʼ lekage am do marsalem horokʼ akawana; rimilge am do tạmbu lekam ṭaṅgao akada.

Sereńko 25:14

Probhu Isor okoeko botorae kan onko ṭhenge uni do acʼakʼ monsubại sodortaea, ar acʼe dohoakatʼ bondobose baḍae ocokoa.

Sereńko 36:9

Am do jion reakʼ marsal kanam; amakʼ marsaltege ale dole marsalena.

Sosolhayic̕ 8:1

Ạkilanicʼ leka do okoe menaea? Katha reakʼ bhed bhaṅgao do okoeye baḍaea? Ạkil do manwawakʼ mẽtʼãhãe malkao ocoyetʼtaea ar uniyakʼ mẽtãhã reakʼ ṭheṭamu do pheraokʼkana.

Jesaea 41:22

Onako sạbud ạguiytape ar oka hoyokʼ ona lạiyabonpe. Lahateakʼ ghoṭnako reaṅ lạipe, jemon bon baḍae daṛeakʼ onako reaṅ mucạtʼ do cetʼ hoyokʼa mente; se darakanakʼ reakʼko lạiya bonpe cetʼ cetʼko hoyokʼa mente.

Jesaea 41:26

Niạ babotre pạhil khon do okoeye lạileda jemon bon baḍae daṛeke? Se okoe pạhilreye baḍae ocoletʼ bona jemon bon roṛ daṛeke, ‘uni do ṭhik kathae meneda mente? Okoe hõ bako lạiyakada, ar okoe hõ bako baḍae ocoakada, ar okoe hõ katha roṛ do bako ańjomakada.

Jesaea 42:9

Ńelpe, lahateakʼ ghoṭnako do ghoṭao akana ar iń do nãwã ghoṭna reakʼ iń lại sodoreda; ar onako ạuri ghoṭaokʼrege ape ṭhen onań lạiyeda.”

Jesaea 45:7

Ińge marsal ar ńutiń benao akada; ińge bhạlạiyiń ạguiyeda ar ińge ghoṭnań sirjạueda. Iń Probhu Isorge niạkoń nonkayeda.

Jirimiạ 23:24

Jãhãege cetʼ nonkan danaṅ jaegareye oko daṛeakʼa okare bạń ńelńam daṛeae? Iń do serma ar ot reakʼ sanam ṭhạ̃irege cetʼ bạń tahẽnkana?”

Jirimiạ 33:3

hohoạńme, ar iń doń roṛ ruạṛama ar nonkan maraṅ ar nonkan danaṅakʼko reaṅ kathań lạiyama one oka do bam baḍaekan.

Daniel 2:11

Maharaj okae khojkan ona do ạḍitetʼ muskilgea. Debotako chaḍa ar celege maharaj ṭhen ona do bako sodor daṛeakʼa, ar manwa talare onko ma bako girobasokʼ kan.”

Daniel 2:19

Ado ńindạ jokhecʼ Daniel ṭhen ona baṅ baḍaeakʼ do dorson hotete sodorena. Unre Daniel do sermaren Isore gun manao joharadea.

Daniel 2:47

Raj do Daniele metadea, aperen Isor do sạrige Isorkoren Isor kanae, rapajkoren Probhu kanae ar okoakʼko sodoricʼ hõ kanae, ente am do noa okoakʼko reaṅem sodor daṛeada.

Daniel 5:11

Amakʼ rajosṭi talare nonkan mitʼ hoṛ menaea ar unire nonkan sonotakʼ menakʼa oka do noa dhạrti reakʼ baṅkan. Am baba bidạlre marsal ar bud ar ạkil, debotako reakʼ ạkil lekanakʼge unire ńamokʼkan tahẽkana. Ar am baba Nebukadnesar maharaj do gonokko, muhnidarko, Kạldiko ar sạkʼgunkoren mukhiyạ menkateye bahalledea.

Daniel 5:14

Ińiń ańjomakada amre nonkanakʼko menakʼa oka do noa dhạrti reakʼ baṅkan, ar amre bujhạu reakʼ daṛe, bud ar bises ạkil hõ menakʼa.

Mathae 13:13

Noa iạte phenko hoteteń cetʼako kana, ente onko do ńeńel tulucʼ bako ńeńelkana, ańjom tulucʼ bako ańjomeda ar bujhạu hõ bako bujhạueda.

Johan 1:9

Unige sạri marsal do, one okoe mimitʼ manwako marsale emakokan, uni do dhạrtiteye hecʼlena.

Johan 21:17

Uni do tesar dhao Simon Patrase metadea, “Jona hopon Simon, sạrigem dulạṛ edeńkana?” Patras doe mon dukena, ente Jisu do tesar dhao uniye kulikedea, “Sạrigem dulạṛedeń kana?” Onate Patras do Jisui metadea, “E Probhu am do jotowakʼgem baḍaea, ar noa hõm baḍaegea amiń dulạṛetʼme kana.” Jisu do uniye metadea, “Ińren bhiḍiko gupikom.

Johan 8:12

Jisu do arhõ hoṛkoe metatʼkoa, “Ińge dhạrti reakʼ marsal do. Okoe ińakʼ horteye calakʼ uni do tis hõ ńutre bae taṛama, bickom jion reakʼ marsale ńama.”

1 Korinthiko 4:5

Onate Probhu Isore hijukʼ lahare, metakʼme ona niṭ akan din lahare okaṭakʼ hõ alope bicạra. Ńutre oka okoge menakʼ uni do unre ona marsalteye ạguya ar manwa ontor reakʼ okoakʼ monsubạkoe sodora. Unre mimitʼ hoṛ do Isor ṭhen khon sarhaoko ńama.

Ephesiko lạgitʼ Pạul Apostolakʼ ciṭhi 3:5

Ona okoakʼ monsubạ do sonot Jiu hotete cetʼleka ńitokʼ uniren sonot apostolko ar nạbiko ṭhen sodor akan, onka eṭakʼ piṛhiren hoṛko ṭhen do baṅ sodorlena.

Dosar Biboron 29:28

Uniyakʼ raṅgao ar botoranakʼ jolokʼkan edre iạte onko do disạm khone or totʼ akatʼkoa ar eṭakʼ disạmreye giḍiakatʼkoa, ar teheń hạbicʼ hõ onḍege menakʼkoa.’

1Timothi 6:16

Isor do gujukʼ gobolren doe baṅkana. Uni do nonkan marsalreye tahenkana one okare okoe manwage bako sen daṛeakʼ. Ar okoe manwa hõ uni do tisge bako ńelakadea ar bako ńel daṛeaea; uniyakʼge man ar jaejug daṛe do. Amen.

Ibriko 4:13

Sirjon reakʼ okaṭakʼ hõ Isor ṭhen do okoanakʼ bạnukʼ anaṅ. Okoe ṭhen aboakʼ hisạb emokʼ hoyokʼ uni ṭhen do sanamakʼge oṭakʼgea ar sodorgea.

Jakob 1:17

Jion reakʼ mimitʼ bhage ar niphuṭ dan do serma khon pheḍ hijukʼ kana, ona do Isor ṭhen khonge hijukʼ kana, ar uni do sanam marsalkoren Baba kanae. Uni do parom calakʼkan umul leka bae pheraokʼa.

1 Johan 1:5

Okaṭakʼ katha Jisu Mạsi ṭhen khon ańjomkate apele baḍae ocoyetʼpe ona do noage, Isor doe marsal kana; ar unire ńut do bạnukʼanaṅ.