Daniel 12:8 - সান্তালী বাইবেল

⁸ Iń doń ańjomketʼgea menkhan cetʼge bạń bujhạu daṛeada. Ona iạte iń doń kuliyana, “E ińren kisạ̃ṛ, noako reakʼ mucạtʼ jo do cetʼ hoyokʼa? ”

Daniel 12:8 Iomraidhean Croise

Daniel 10:14

Ar ńitokʼ doń hecʼakana bujhạu ocome lạgitʼ darakan dinkore amren hoṛkore cetʼ hoyokʼa mente. Ente dorson do darakan dinko reakʼkangea.”

Daniel 12:6

Ar mĩhĩ musnạ kicricʼ horokʼ akatʼ okoe do gaḍa dakʼ cetanreye tahẽkan uni do unkin bar hoṛ modren mitʼhoṛe metadea, “Noako hahaṛawakʼ mucạdokʼ do ar tinạkʼ din lagaokʼa?”

Daniel 12:7

Unre iń doń ańjomkeda, gaḍa dakʼ cetanreye tahẽkan mĩhĩ musnạ kicricʼ horokʼ akatʼ uni hoṛ do acʼakʼ banar ti serma secʼ rakapʼkate okoe do jaejug jiwetʼ menae uni ńutumte kiriạkateye menkeda, “Pe bochor tala okte do lagaokʼa. Ar mucạtʼre Isorren hoṛkoakʼ daṛe do tinre rạputʼ utạrokʼa unre noako katha do purạukʼa.”

Daniel 12:9

Uniye menkeda, “E Daniel, noako reaṅ do alom cintạkʼa, ente mucạtʼ okte ạuri hijukʼ hạbicʼ noako katha do bondkate chap dohoakana.

Daniel 8:13

Ona tayom mitʼṭen serma goḍet do katha roroṛkaniń ańjomkedea ar armitʼṭen sonot serma goḍet do uniye kulikedea, “Niạ dorsonre oka udukʼen ona do ar tinạkʼ din hạbicʼ calakʼa? Ar tin hạbicʼ din hilokʼ reakʼ samaṅokʼakʼ porob bodolte ujạṛakʼ kại reakʼ jinis do tahena? Ar tinạkʼ din koejoṅ oṛakʼ ar ipilko do jaṅgateko lebetʼ gańjao ocokʼa?”

Luk 18:34

Menkhan celako do noako reaṅ cetʼge bako bujhạu daṛeada. Ente ona katha reakʼ bhed onko khon danaṅre tahẽyente Jisu okae roṛketʼ ona do bako bujhạuleda.

Johan 12:16

Jisuren celako do pạhilre noako bako bujhạu daṛeada. Ado tinre Jisuakʼ ṭhonok sodorena unre onko doko disạkeda sonot sostor reakʼ ona katha do Jisu reaṅge olakan tahẽkana mente. Onko do arhõ disạ hecʼatʼkoa hoṛko do Jisu lạgitʼgeko onkaleda.

Aposkạmi 1:7

Jisui metatʼkoa, “Okaṭakʼ din se okte Baba do acʼakʼ ektiạrireye dohoakatʼ ona do bape baḍae ocoakana.

1 Patras 1:11

Onkoakʼ ontorre Mạsiren Jiu do laharege gohae emleda je, Mạsi do duk jojom hoyokʼtaea ar ona tayom do ṭhonoke ńama. Nạbiko baḍaejoṅko khojletʼge Mạsiren uni Jiu do oka okte ar oka dosa reakʼ kathae baḍae ocoyetʼkoa mente.