Daniel 11:4 - সান্তালী বাইবেল

⁴ Ar uniye upelokʼ tayom uniyakʼ rajosṭi do rạpudokʼte pon hạṭińokʼtaea. Uniyakʼ rajosṭi do acʼren bõsrenkoakʼ tire do baṅ calakʼa; ar ona rajosṭiko okoeyakʼ tire calakʼa onko do lahaten raj leka daṛe do bako hoyokʼa, ente onkoakʼ rajosṭi do jarkharokʼte eṭakʼkoakʼ tire calakʼa.

Daniel 11:4 Iomraidhean Croise

Sereńko 39:6

Manwa do umul lekae hijukʼa, ar calakʼ hõ umul lekage; uni do ạuṛiyakʼgeye kạumạu baṛaea; uni do dhone sońj joṅa menkhan ona okoeye joma ona do bae baḍaea.

Sosolhayic̕ 4:8

Mitʼṭen hoṛ doe eskargea-uniren do gidrạ hõ bạnukʼkotaea; ar boeha hõ bạnukʼkotaea; enhõ uniyakʼ khaṭaokʼ reakʼ ses do bạnukʼtaea ar dhon duribte hõ mẽtʼ do baṅ tirpitokʼ kantaea. Uni doe kuliyana, “Okoe lạgitʼ iń khaṭaokʼ kana? Ar hesecʼ sekrecʼjokʼ khon do cedakʼ iń pharak akana?” Niạ do ạuṛiyakʼgea, ar haron bạḍkana.

Jirimiạ 12:15

Menkhan onkoń totʼ giḍikako tayom do arhõń dayawakoa onkoakʼ apan ạpin ạidạrite ar mitʼke mitʼ hoṛkoakʼ disạmteń ruạṛ ạgukoa.

Jirimiạ 12:17

Menkhan jodi jãhãe jạtrenko ona bako onkae enḍekhan onko doń or totʼ giḍikakoa. Iń Probhu Isorge noa katha doń meneda.”

Jirimiạ 18:7

Jãhãtis jãhã jạtrenko se jãhã rajosṭirenko rehetʼ sudhạń totʼ giḍikako, ariń rạputʼ giḍikako se marao giḍikako reakʼ iń lại sodor lekhan ar onko jạtrenko ona sontor katha ańjomkate bạṛicʼ khonko ruạṛokʼ, enḍekhan oka muhin ạgui reakʼ iń goṭaletʼ ona do ar bạń paṛao ocoya.

Jirimiạ 31:40

Goṭa buru lodam one okare mạ̃ṛĩ ar torocʼko giḍikakʼ ar purub secʼ sadom phaṭok reakʼ konac hạbicʼ Kedron buru lodam reakʼ sanam bilạn ṭạnḍiko ona do Probhu Isor ńutumte begar dohokakʼ hoyokʼa. Ar nagraha do tishõ baṅ rạputʼ giḍikʼa se baṅ dhaṅdhaserokʼa.”

Jirimiạ 45:4

“Probhu Isor do niạ katha am lạiyam lạgitʼe metadińa, ‘iń Probhu Isor do goṭa disạm talare okaṭakʼ iń benaoakatʼ ona doń rạputʼ dhaṅ dhasera ar okań rohoe akatʼ ona doń or totʼ giḍikakʼa.

Jirimiạ 49:36

Iń do serma reakʼ beṛhae khon ponea hoe Elom upạrteń ạguiya. Ona hoe do onko beṛhaeteń pasnaoa; ar Elame sạṅgiń akatʼko bondiko do sanam jạtrenko talareń chirchạturkoa.

Jeheskel 37:9

Unre uni do ińe metadińạ, “Am do hoe ńutumte nạbi katha roṛme; E manwa hopon, noa nạbi katha roṛme, Probhu Isore menetʼkana, ‘E hoe, am do beṛhae secʼ khon hijukʼme ar noko gocʼ hoṛkore sahẽtʼ emokʼme jemonko jiwedokʼ.’ ”

Daniel 7:6

“Ona tayom iń do ar mitʼṭecʼ janwariń ńelkedea. Uni do ńelokʼte hunḍạr lekae tahẽkana. Uniyakʼ deare do cẽṛẽkoakʼ phạ̃kṛạ̃kʼ leka ponea phạ̃kṛạ̃kʼ tahẽkana. Nui janwarakʼ do ponea bohokʼ tahẽkantaea ar uni do raj ektiạriye emocoyena.

Daniel 7:8

Iń do tinre ona dereńkoń kheyalkeda unre mitʼṭecʼ huḍiń dereń do onako talare janam rakapʼena; ona samaṅre lahateakʼ dereńko tala khon pea dereń do or totʼ giḍi ocoyena. Noa dereńko do manwawakʼ mẽtʼ leka tahẽkana ar mitʼṭecʼ moca hõ tahẽkana one uni do gorbokʼ salakʼe roṛetʼkan tahẽkan.

Daniel 8:22

Rạputʼ akan dereń reakʼ jaegare ona ponea dereń do hoyokʼ kana ponea rajosṭi one onko do jạtrenko tala khonko oḍok hijukʼa menkhan ona rajosṭikoren rapajko do pạhil rapaj leka ektiạri do baṅ tahentakoa.

Daniel 8:8

Merom do ạḍiye daṛe idiyena, menkhan uni do tinre acʼakʼ mucạtʼ daṛereye hoyena unre uniyakʼ lạṭu dereń do rạputʼentaea ar ona jaega beṛhaete ponea ńel ńamokʼ leka dereń rakapʼena.

Sakariạ 2:6

Probhu Isore meneda, “Ańjompe ar luturakʼtińpe. Iń do beṛhaete apeń sạṅgińletʼpea, menkhan ńitokʼ do utạr disạm khon ńir paskaokate hijukʼpe.

Sakariạ 6:5

Uni doe roṛ ruạṛạdińa, “Noako do serma reakʼ ponea hoe kana; goṭa dhạrtirenko Probhu Isor samaṅreko teṅgolen tayom noko doko oḍokʼ hijukʼa.

Mathae 12:25

Jisu do Phạrusikoakʼ mone joṅakʼkoe baḍaeketʼ khane metatʼkoa, “Okaṭakʼ rajosṭi apnar talare hạṭińokʼ ona rajosṭi do marao utạrokʼa. Ar okaṭakʼ nagraha se gharońj apnar talare hạṭińokʼ ona nagraha se gharońj hõ baṅ ṭikạukʼa.

Luk 12:20

Menkhan Isor do uniye metadea, ‘E bebuj, teheń ńindạge am dom gujukʼa. Enḍekhan onem doho jarwa akatʼ dhon do okoeyakʼ hoyokʼa?’ ”

Johan sodor 7:1

Niạ tayom iń do ponea serma goḍetko dhạrti reakʼ ponon konḍre teṅgo akaniń ńelketʼkoa. Onko do dhạrti ponon kona reakʼ hoeko esetʼ dohoakatʼ tahẽkana, jemon dhạrtire, jalapurire se jãhãn dare cetanre aloe hoe.