Daniel 11:36 - সান্তালী বাইবেল

³⁶ “Utạrren raj do acʼakʼ kusi lekae kạmiya. Uni do bạḍạiteye perejokʼa ar sanam debotako khone maraṅokʼa udugokʼa ar debotaren Isor upạrte hõ maraṅ maraṅ kathae roṛa; ar raṅgao ạuri cabakʼ hạbicʼ uni doe jo bahakʼa, ente okaṭakʼ ṭhik dohoakan ona do hoyokʼgea.

Daniel 11:36 Iomraidhean Croise

Sereńko 136:2

Isorkoren Isor sarhaoepe; ente uniyakʼ dulạṛ do jaejuggetaea.

Sereńko 33:10

Sanam jạtrenkoakʼ goṭawakʼge Probhu Isor doe ạuṛiyakʼ ocoytakoa; ar onkoakʼ hudisko hõ bae jo baha ocoytakoa.

Kạhtukko 19:21

Manwa monre ạḍi lekan phundi tahena, menkhan Probhu Isor okaṭakʼe ṭhik dohoakatʼ onage hoyokʼa.

Jesaea 10:23

Goṭa disạm cetanre oka ḍahao maraokʼ ṭhik dohoakan ona lekage phạdkoren Probhu Isor doe kạmiya.

Jesaea 10:25

Ape cetanre ińakʼ edre do usạratege cabakʼa, ar ona do Ạsurrenkoe maraokoa.”

Jesaea 10:5

Hae, Ạsur do, ińakʼ khĩs reakʼ ṭheṅga! Uniyakʼ tirege menakʼa ińakʼ edre reakʼ mutạk do.

Jesaea 14:13

Am do mone monetem meneda, ‘ińge sermateń rakapʼa, Isorren ipilko cetanre ińakʼ siṅghạson iń rakabtińạ; okare debotako jarwa midokʼ ona utạr senakʼ buru coṭre siṅghạsonreń duṛupʼa.

Jesaea 14:14

Iń do rimil reakʼ muthni cetanreń dejokʼa; ar maraṅ Isor soman iń hoyokʼa.’

Jesaea 26:20

E ińren hoṛko, do calakʼpe, apeakʼ kandhate bolokʼ bayokʼpe ar duạr sińkakʼpe; ar thoṛa ghạṛicʼ lạgitʼ oko hataṛokʼpe, one khĩs ạuri cabakʼ hạbicʼ.

Jesaea 30:33

Ente jolokʼkan jaega do laharege tear ṭhik akana; ona do raj lạgitʼ sapṛao akana. Ona jaega do khạndri ar osarge benao akana, ar onare seṅgel lạgitʼ ḍher sahanko menakʼa. Probhu Isorakʼ sahẽtʼ do jolokʼkan gondhok ạtukʼ leka onare seṅgele jereda.

Jesaea 46:10

Etohopʼ khonge mucạtʼakʼ koń jạhireda, ar sedae khon oka baṅ hoyakan ona hõń lạiyeda. Ińiń men akada, ińakʼ monsubạ do ṭarhao akaege tahena; ar ińakʼ jotowakʼ monsubạń purạutińạ.

Jesaea 57:9

Am do jạitun sunum ojokʼkate raj ṭhenem senlena, ar ḍher mahkaokʼ sunumem beoharleda. Amren paṭhaonako do sạṅgiń disạmtem kol akatʼkoa, hẽ, Sheolte hõm kol akatʼkoa.

Jeheskel 28:2

“E manwa hopon, am do Turren cakʼlaoyicʼ metaeme, Probhu Isor do noa kathae meneda, amakʼ ontor do gorbote perecʼ akana, ar am dom menakada, iń doń deb kana, iń do jalapuri talare Isorakʼ duṛupʼakʼreń duṛupʼ akana; menkhan am do ekenem manwa kana, deb dom baṅkana, enhõ am do debota tulnim hudisokʼ kana.

Jeheskel 35:13

Am do iń upạrte bạḍạikate ḍher katham roṛ akada. Ar ona doń ańjomakada.

Daniel 11:16

Unre jhãp emokʼko do akoakʼ kusi lekako kạmiya; onko upạrte celege bako teṅgo daṛeakʼa. Uni do ṭhonok disạm upạrteye teṅgona ar ona do ekalte uni gobolokʼa.

Daniel 11:3

Unre mitʼṭen daṛean raje upelokʼa ar maraṅ daṛeteye rajokʼa; uni do acʼakʼ kusi lekae kạmiya.

Daniel 11:37

Uni do acʼren hapṛamkoren debotako hõ bae hetaoakoa ar maejiukoren hạ̃sasicʼ debota hõ baṅ, uni do cele debotage bae hetaoakoa, ente sanamko cetanre acʼ do sorosicʼe udugokʼa.

Daniel 12:7

Unre iń doń ańjomkeda, gaḍa dakʼ cetanreye tahẽkan mĩhĩ musnạ kicricʼ horokʼ akatʼ uni hoṛ do acʼakʼ banar ti serma secʼ rakapʼkate okoe do jaejug jiwetʼ menae uni ńutumte kiriạkateye menkeda, “Pe bochor tala okte do lagaokʼa. Ar mucạtʼre Isorren hoṛkoakʼ daṛe do tinre rạputʼ utạrokʼa unre noako katha do purạukʼa.”

Daniel 2:47

Raj do Daniele metadea, aperen Isor do sạrige Isorkoren Isor kanae, rapajkoren Probhu kanae ar okoakʼko sodoricʼ hõ kanae, ente am do noa okoakʼko reaṅem sodor daṛeada.

Daniel 4:35

Dhạrtiren sanam hoṛ uni ṭhen do cele hõko baṅkana. Uni do serma goḍetko ar dhạrtiren hoṛkoante acʼakʼ kusi sana lekae kạmikana. Nonkan celege bạnukʼkoa, uniyakʼ tiko thir ocodaṛeataea arko men daṛeaea, ‘cetʼem ceka kana am do?’

Daniel 5:19

Uni do daṛeye emocoyen khan sanam jạtrenko, disạmrenko ar pạrsirenko do uni samaṅre botorteko thar tharaokʼkan tahẽkana. Uni do acʼakʼ kusi lekae gocʼetʼko tahẽkana ar acʼakʼ kusi leka jiwetʼe dohoyetʼko tahẽkana ar jãhãege moneyae unige cetan hudại emaekan tahẽkana ar jãhãege moneyae unigeye copotʼede tahẽkana.

Daniel 5:20

Menkhan tinre uniyakʼ ontor do usulokʼ ehopʼentaea ar gorboteye perecʼena unre uni do raj siṅghạson khone pheḍ ocoyena ar uniyakʼ ṭhonok do recʼ ocoyena.

Daniel 7:8

Iń do tinre ona dereńkoń kheyalkeda unre mitʼṭecʼ huḍiń dereń do onako talare janam rakapʼena; ona samaṅre lahateakʼ dereńko tala khon pea dereń do or totʼ giḍi ocoyena. Noa dereńko do manwawakʼ mẽtʼ leka tahẽkana ar mitʼṭecʼ moca hõ tahẽkana one uni do gorbokʼ salakʼe roṛetʼkan tahẽkan.

Daniel 8:19

Uni doe menkeda, “Edre okte reakʼ mucạtʼ dinkore oka hoyokʼ ona do amiń lạiyam kana, ente dorson do hoyokʼkana mucạtʼ dinko reakʼ niṭ akatʼ okte reaṅ.

Daniel 8:4

Iń doń ńelkeda Bheḍa do pạchim, utạr ar dạkhin secʼe uṭicʼetʼ kana. Uni samaṅre cele janwarge bako ṭikạu daṛeada ar uni khon bańcaoko leka do celege bako tahẽkana. Uni do acʼakʼ kusi lekae cekayetʼ tahẽkana are daṛe idiyena.

Sakariạ 11:16

Iń do disạm cetanre nonkan mitʼṭen gukʼpiyicʼ iń rakabea one uni do muhinre paṛao akan hoṛko bae beṅgetʼako, pasnao akan hoṛko bae sendrako, ghạl akan hoṛko bae bogeko, moṭasoṭa hoṛko bae jom ocoko; menkhan uni do bachao akatʼko bheḍakoakʼ jele joma ar onkoakʼ khurạ khon hõ jel or chaḍaokateye hạmbuṛa.

Johan 5:30

Iń do apnarte cetʼge bạń ceka daṛeakʼa; cetʼlekań ańjoma onkageń bicạra. Iń do hok reakʼgeń bicạra, ente ińakʼ sana leka kạmi do bạń khojkana menkhan okoeye kol akadiń uniyakʼ menjoṅ lekageń kạmiya.

Johan 6:38

ente ińakʼ sanaleka kạmi lạgitʼ do baṅ, bickom okoeye kol akadiń uniyakʼ monejoṅ leka kạmi lạgitʼge serma khoniń pheḍ hecʼakana.

Aposkạmi 4:28

Amakʼ daṛe ar sanate oka hoyokʼa mentem goṭa doholetʼ tahẽkan onko do onageko onkakeda.

Dosar Biboron 10:17

Aperen Probhu Isor do sanam isorkoren Isor ar sanam probhu koren Probhu kanae. Uni do maraṅ utạricʼ, daṛeanicʼ ar botoranicʼ Isor kanae. Uni do okoeyakʼ mẽtʼãhã hõ bae beṅgetʼakʼa ar ghushõ bae hataoa.

2 Thessalonikiko 2:3

Okoe hõ jemon aloko bulạupe, ente ona din hijukʼ lahare Isor upạrte maraṅ bhiṅgṛạu do hoyokʼa, ar uni nonosṭoren hopon, one okoe do maraokʼ reakʼ katha menakʼtae uniye sodorokʼa.

2 Thessalonikiko 2:4

Isor mente cetʼko menakʼ onako sanamakʼ upạrte ar sewa ocokʼ jotowakʼ upạrteye teṅgokʼte uni do apnarte maraṅe udugokʼa; ar Isorakʼ mundilre duṛupʼkate acʼge Isor menteye udugokʼa.

2 Thessalonikiko 2:8

Probhu Jisu do acʼakʼ moca reakʼ sãhetʼteye marao utạrea ar acʼakʼ ṭhonokteye sodorokʼte uniyakʼ daṛeye cabaetaea.

Josuạ 22:22

“Sanam daṛeanicʼ Probhu Isor! Sanam daṛeanicʼ Probhu Isor! Uni mae baḍaege ar Israelko hõko baḍaema. Probhu Isor upạrte jãhãn hul se bebatao reakʼ kạmi hoyakan khan enḍekhan teheń alope rehaelea.

Johan sodor 10:7

Menkhan eaeyicʼ serma goḍetakʼ siṅgạ oroṅ dinkore Isorakʼ okoakʼ monsubạko do purạukʼa. Ar Isor do acʼren gutiko ṭhen, metakʼme nạbiko ṭhen okae baḍae ocoletʼ ṭhik onkage hoyokʼa.”

Johan sodor 12:14

Unre uni maejiu do maraṅ okocʼ mitʼṭen pajhaṛakʼ barea phạ̃kṛạ̃kʼe emocoyena jemon hahaṅkarte acʼakʼ jaegateye uḍạu calao daṛeakʼ. Ar onḍe uni do bińakʼ mẽtʼãhã samaṅ khon danaṅre pe bochor tala hạbicʼe ạsul ocokʼa.

Johan sodor 13:1

Noa tayom iń do mitʼṭen janwar jalapuri khon rakapʼ hijukʼ kaniń ńelkedea. Uniyakʼ do gel goṭecʼ dereń ar eae goṭecʼ bohokʼ tahẽkantaea. Ona dereńko cetanre gel goṭecʼ mukuṭ tahẽkana ar bohokʼko cetanre Isor henostawae reakʼ aema ńutum ol tahẽkana.

Johan sodor 17:17

Noa reakʼ karon do kana, Isor do onkoakʼ monre nonkan monejoṅakʼe emakatʼkoa jemon uniyakʼ katha purạukʼtae. Onate onko do mitʼ monte uni janwar ṭhen akoakʼ sanam daṛeko danaea, jemon Isorakʼ katha ạuri purạukʼ hạbicʼ uni doe raj daṛeakʼ.

Johan sodor 17:3

Ona tayom uni serma goḍet do hahaṅkar jaegateye idikedińạ. Unre iń do sonot Jiuakʼ ạyurreń tahẽkana. Onḍe mitʼṭen maejiu do mitʼṭen jeṅgetʼ arakʼ janwarre duṛupʼ akaniń ńelkedea. Ar Isor henostawae reakʼ ạḍi utạr ńutum uni janwarre ol tahẽkana. Uniyakʼ do eae goṭecʼ bohokʼ ar gel goṭecʼ dereń tahẽkantaea.