Daniel 11:15 - সান্তালী বাইবেল

¹⁵ Ona tayom utạrren raj do hecʼkate mitʼṭecʼ pạcrite esetʼ nagrahae gherao eseda ar onae ạidạrijoṅa. Ar dạkhinren lạṛhại phạdko do teṅgo daram reakʼ daṛege baṅ tahentakoa; onkoren bhage lạṛhại phạdko hõ onko upạrte bako teṅgo ṭarhao daṛeakʼa.

Daniel 11:15 Iomraidhean Croise

Jirimiạ 33:4

Babelrenko sãote lạṛhại jokhecʼ pạcri sãote benao akatʼ pinḍhạ ar tarwaṛe khon rukhiyạkʼ lạgitʼ noa nagraha reakʼ okako oṛakʼ-duạr ar Jihudạ reakʼ raj dolanko rạputʼ hoylen onako do onko hoṛkoakʼ mạ̃ṛĩkote perejokʼa one okoe do ińakʼ edre ar raṅgao iạteń gocʼko. Onkoakʼ sanam dusṭami iạte niạ nagraha secʼ khon ińakʼ mẽtʼãhãń doń betʼakatʼtińạ. Ar iń Israelren Probhu Isorge noa katha doń meneda.

Jirimiạ 5:10

“Ape do Jerusalem reakʼ darkha bagwan talate sen paromokʼpe ar onako maraope menkhan purạte do alope nosṭo caba utạra. Ona reakʼ dạṛko hese giḍikakʼpe, ente noko do Probhu Isorren doko baṅkana.

Jirimiạ 52:4

Ona iạte uniyakʼ rajokʼ areakʼ bochor reakʼ gelakʼ cando reakʼ gelakʼ dinre Babelren raj Nebukadnesar do acʼren sanam lạṛhại phạdkoante Jerusalem upạrte lạṛhại lạgitʼe mohnḍayena. Onko do nagraha bahrereko ḍerayena ar nagraha beṛhaete pinḍhạkoe benaokeda.

Jirimiạ 6:6

Phạdkoren Probhu Isor do noa kathae meneda, “Dareko makʼ bhindạṛpe ar Jerusalem upạrte ghekʼrao pinḍhạ benaope. Niạ nagraha do sạjạite hõ sạjạiyokʼgea; ona do jor-julumte perecʼ akana.

Jeheskel 17:17

Pharao do acʼren maraṅ lạṛhại phạdko ar aema gadel hoṛkoante lạṛhạire do bae goṛoaea. pinḍhạko upʼ rakabre ar gherao bhitko benaore aema hoṛko gocʼko lạgitʼ.

Jeheskel 4:2

Ona beṛhaete nonka gherao esetʼakʼ dohoyme; ona upạrte mitʼṭecʼ usul pạcri benaome ar beṛhaete mitʼṭecʼ pinḍhạ upʼ rakabme, ar nagraha upạrte lạṛhại phạdkoakʼ ḍera benaome ar ona beṛhaete pạcri rạpud reakʼ jontroko bạisạume.

Daniel 11:14

“Ona jokhecʼ ḍher hoṛko do dạkhinren raj upạrteko teṅgona, ar amren hoṛko modren jor bokʼjor hoṛ doko teṅgona dorson reakʼ katha purạukʼ lạgitʼ; menkhan onko doko gurokʼa.

Daniel 11:6

Ado thoṛa bochor tayom uni do utạr secʼren raj sãoteye gatekʼa. Ar dạkhin rajren hoponera do utạrren raj tulucʼ midokʼ lạgitʼe hijukʼa, menkhan uni hoponerawakʼ sopo reakʼ daṛe do baṅ tahẽ idikʼa, uni utạrren raj ar uniren hoponko hõ bako tahẽ idikʼa; menkhan uni raj hoponera ar uni soṅgeteko senen, uniren hopon ar uniye sãohaledeyicʼ, onko doko soprot ocokʼa.

Daniel 8:7

Ińiń ńelkeda merom do uni bheḍaye tińkedea ar uniyakʼ banar dereńe rạputʼketʼtaea. Uni samaṅre bheḍa do baṅgeye teṅgo ṭarhao daṛeada; merom do uniye tiń bhinḍạṛkede khan jaṅgate lebedeye ehopʼena. Unre uni khon jãhãe bheḍaye bańcaoe nonkan celege bako tahẽkana.

Josuạ 1:5

Ar tinạkʼ din jiwetʼem tahen celege am upạrte do ohoko teṅgo daṛelena. Cetʼleka Mose sãoteń tahẽkan onkage am sãote hõń tahena; iń do tishõ bạń bạgi giḍimea ar bạń alaemea.