Daniel 11:11 - সান্তালী বাইবেল

¹¹ “Unre dạkhinren raj do edreteye oḍok hijukʼa ar utạrren raj upạrteye lạṛhạiya. Utạrren raj do maraṅ lạṛhại phạdkoe teṅgolekore hõ enhõ onko doko bhagao ocokʼa.

Daniel 11:11 Iomraidhean Croise

1 Rapajko 20:13

Inạ okte Israelren Ahab raj ṭhen mitʼṭen nạbi hoṛ do hecʼkate niạ kathae lạikeda, “Probhu Isore meneda, ‘am do cetʼ onko maraṅ lạṛhại phạdkom ńeletʼko kangea? Iń do teheńge amakʼ tire onkoń jimạkoa ar onatem baḍae daṛeakʼa, iń kangeạń Probhu Isor do.’ ”

1 Rapajko 20:28

Unre Isorren mitʼ hoṛ do hecʼkate Israelren raje metadea, “Probhu Isor do niạ kathae meneda, ‘Aramrenko doko hudiseda Probhu Isor doe bururen Isor kana, bilạn ṭạnḍiren doe baṅkana; ona iạte iń do onko maraṅ lạṛhại phạdko amakʼ tireń jimạkoa, ar nonkatepe baḍae daṛeakʼa je, iń kangeạń Probhu Isor do.’ ”

Sereńko 76:10

Khạṭige manwakoakʼ raṅgao hõe sarhaomea, ar ona raṅgao reakʼ sarecʼakʼte apnar baṛe sajokʼme.

Jirimiạ 27:6

Ńitokʼ iń do apeakʼ goṭa disạmge ińren golam Babelren raj Nebukadnesarakʼ tireń soprota; ar bir janwarko hõ uni tabereń dohokoa.

Daniel 11:12

Ar dạkhinren raj do lạṛhại phạdko bondikateye idiko tayom bạḍạiteye perejokʼa ar hajar hajar hoṛkoe gocʼkoa, enhõ uni do mucạtʼ hạbicʼ do bae ṭikạu tahena.

Daniel 11:40

“Mucạtʼ oktere dạkhinren raj do uni tulucʼe ropokʼa; ar utạrren raj do rãt gạḍiko, aswariko ar ḍher jahajante uni upạrte hoe bharḍo lekae hijukʼa. Uni do aema disạmko cetanre jhãpe ema ar banbạsi lekae ạtu saphakoa.

Daniel 11:44

Menkhan purub ar utạr reakʼ khobor ńamkate uni doe torasokʼa ar edre iạte ḍher hoṛ gocʼko lạgitʼe oḍokʼ hijukʼa.

Daniel 11:5

“Dạkhin secʼren raj do daṛeanicʼe hoyokʼa, menkhan uniren mitʼṭen subedar do uni khon hõ bạ̃ṛti daṛeye hoyokʼa ar mạlikiye calaoa. Uniyakʼ mạliki do maraṅ okocʼ mạlikige hoyokʼtaea.

Daniel 2:38

Ar jãhã ṭhạ̃irege manwako girobasokʼ kan, onḍege uni do otren janwarko ar coṭren cẽṛẽko hõ amakʼ tireye jimạ akatʼkoa ar onko jotoko cetanre mạlike benao akatʼmea; ar amkangeam uni sonaren bohokʼ do.

Daniel 8:7

Ińiń ńelkeda merom do uni bheḍaye tińkedea ar uniyakʼ banar dereńe rạputʼketʼtaea. Uni samaṅre bheḍa do baṅgeye teṅgo ṭarhao daṛeada; merom do uniye tiń bhinḍạṛkede khan jaṅgate lebedeye ehopʼena. Unre uni khon jãhãe bheḍaye bańcaoe nonkan celege bako tahẽkana.