Daniel 10:9 - সান্তালী বাইবেল

⁹ Ona tayom do uni hoṛakʼ kathań ańjom ńamkeda ar uniyakʼ katha ańjomtorage iń do otre acetge ombakʼ akaniń tahẽyena.

Daniel 10:9 Iomraidhean Croise

Genesis 15:12

Tinre ạyupʼ hijukʼkan tahẽkana unre Abram doe jạpitʼkeda. Ar kajake jạpitʼ akatʼ tahẽkanre mitʼṭecʼ botoranakʼ ńut do unire hecʼena.

Genesis 2:21

Probhu Isor do Adame jạpitʼ ocokedea, ar onate Adam doe jạpitʼkeda. Ar unre uni khon mitʼṭen pańjrae oḍokketʼte ona jaega doe jel esetʼkada

Jobakʼ 33:15

Kukmũte, ńindạ reakʼ cholre, aṭetʼre acetko jạpitʼkakʼre,

Jobakʼ 4:13

Manwa do ńindạ tinre galasaṅe jạpida unre kukmũteń akbakaokʼ kana;

Soros sereń 5:2

Iń doń jạpitʼleda, menkhan ontor do jagwarge tahẽkantińạ. Ote ańjompe, ińren dulạṛiạ do silpińe ṭhopʼ ṭhopʼeda, “E dulạṛo, E dulạṛiạtiń, E potam juri tiń, E nichorayicʼ tiń, duạr jhicʼạńme baṛe. Ente sisir dakʼte ar ńindạ reakʼ kuṛhạte ińakʼ bohokʼ upʼ do lohodokʼ kantińạ.”

Daniel 10:16

Unre manwa leka ńelokʼicʼ uni serma goḍet, okoe do iń samaṅreye teṅgo akan tahẽkan, uni do ińakʼ luṭikine joṭetʼketʼtińạ, ar moca jhicʼentińte uniń metadea, “E ińren kĩsạ̃ṛ noa dorson iạte monre ạḍi dukiń ńameda ariń nijor idikʼkana.

Daniel 8:18

Uni do tinre iń sãote kathae roroṛkan tahẽkana unre iń do acetiń taber akan tahẽkana. Uni do ińe sapʼ rakapʼ kedeńteye teṅgokedińa.

Habakkuk 3:16

Ona ańjomkate iń do botorokʼ iń ehopʼena, ińakʼ luṭikin hõ thar tharaoentinạ; iń doń nijor idiyena ar ińakʼ jaṅgakin do lakaṛ lukuṛokʼ ehopʼena. Enhõ iń do ona din lạgitʼ jiwi hataṛkate koyokʼ hor akaegeń tahena one oka hilokʼ ale khekhedko do muhinreko paṛaokʼ.

Luk 22:45

Ado koejoṅ tayom beretʼkate uni do acʼren celako ṭhene hecʼena. Ar mon reakʼ duk ar laṅgate jạpitʼ akatʼe ńelketʼkoteye metatʼkoa, “Cedakʼpe jạpitʼ joṅkana? Ma beretʼpe ar koejoṅpe jemon biḍạure alope paṛaokʼ.”

Luk 9:32

Unre Patras ar uniren soṅgetenko do jhap jhap dudṛumetʼko tahẽkana. Adoko beṅgetʼ pharnoen khan Jisuakʼ ṭhonokko ńelkeda ar soṅgete bar hoṛ teṅgo akan hõko ńelketʼkinạ.

Johan sodor 1:17

Uni ńelte iń do gocʼicʼ leka uniyakʼ jaṅga ṭheniń bhindạṛena. Unre uni do acʼakʼ jojomtite capokedińteye metadińạ, “Alom botorokʼa. Iń kangeạń pạhilicʼ ar mucạtʼicʼ do,