Daniel 10:6 - সান্তালী বাইবেল

⁶ Uniyakʼ hoṛmo do Boidorjomuni leka, mẽtʼãhã do bijli leka, mẽtʼãhã do jolokʼkan mosal leka, ti-jaṅga do pạlis akatʼ tamba leka ar uniyakʼ aṛaṅ do ḍher hoṛkoakʼ sabad leka.

Daniel 10:6 Iomraidhean Croise

Exodus 28:20

ar ponakʼ sạrre do gomedok, boidurjo ar surjokanto moni. Ar mạnik dhiriko do galaṅ paṭetʼ akatʼ sona cetanrege bạisạu dohoy hoyokʼa.

Soros sereń 5:14

Uniyakʼ sopo do gulạnḍ sona leka mạnik dhiriko bạisạuakʼge. Hoṛmo do hạti sonḍa reakʼ kundạuakʼ leka, nilkanto mạnik dhirikote bạisạu esetʼakʼge.

Jeheskel 1:14

Jiwetʼ jiwiyanko do bijli malkaokʼ lekako calao hijukʼkan tahẽkana.

Jeheskel 1:16

Ona pạihạ̃ko reakʼ goṛhon do nonka leka tahẽkana- Boidorjomuni mạnik leka jhakjhak ar ona pạihạ̃ko ńelokʼte do mitʼge tahẽkana. Mitʼṭecʼ bhitrire armitʼṭecʼ pạihạ̃ menakʼa leka onako do benao tahẽkana.

Jeheskel 1:24

Jiwiyankoko calaoen tayom iń do onkoakʼ phạ̃kṛạ̃kʼ reakʼ sabadiń ańjomkeda; ona do banbạsi ar ạtukʼ dakʼ reakʼ saḍe leka ańjomokʼkan tahẽkana, sanam daṛeanicʼ reakʼ aṛaṅ leka tahẽkana, mitʼṭen lạṛhại phạdkoakʼ kạumạu lekage. Jiwiyankoko teṅgokan tahẽkanre phạ̃kṛạ̃kʼ doko samṭaokatako kan tahẽkana.

Jeheskel 1:7

Onkoakʼ jaṅga do sojhege ar jaṅga thopa do mĩhũwakʼ khurạ leka tahẽkana; onako do jhalkaokʼkan pitạl leka tahẽkana.

Jeheskel 10:9

Ona tayom iń do Kerubko secʼ iń beṅgetʼketʼ khan onko aṛere mitʼṭecʼkate jotote ponea pạihạ̃ń ńel ńamkeda; pạihạ̃ko do Boidurjomoni dhiri leka jhak jhakaokʼkan tahẽkana. Ona ponea pạihạ̃ do ńelokʼte mitʼ muṭhạnge tahẽkana; mitʼṭecʼ pạihạ̃ bhitrire ar mitʼṭecʼ pạihạ̃ menakʼ leka.

Jeheskel 40:3

Uni do onḍe ińe idikedińa ar iń do mitʼṭen manwań ńelkedea one uniyakʼ hoṛmo do tama leka jhak jhakaokʼkan tahẽkantae. Uniyakʼ ti re do musnạ reakʼ baber ar jokha reakʼ ḍaṅ tahẽkana ar uni do phaṭok duạr ṭhene teṅgo akan tahẽkana.

Jeheskel 8:2

Iń doń beṅgetʼketʼ khan manwa leka mitʼ hoṛiń ńelkedea. Uniyakʼ ḍanḍa khon latar hạbicʼ do seṅgel leka, ar ḍanḍa khon cetan hạbicʼ do jhak jhakaokʼkan pitạl leka.

Mathae 17:2

Ar onko samaṅre uni doe eṭakʼ boronena. Uniyakʼ mẽtãhã do siń cando leka jhak jhak ar kicricʼko do marsal leka pĩṛĩtʼ pĩṛĩtʼ ponḍentaea. Onko do Mose ar Eliạ Jisu tulucʼ galmaraoko ńelketʼkinạ.

Mathae 28:3

Uniyakʼ muṭhạn do bijli leka ar uniyakʼ kicricʼko do him leka pĩṛĩtʼ pĩṛĩtʼ ponḍ tahẽkana.

Luk 9:29

Are koejoṅkan tahẽkanrege Jisuakʼ mẽtʼãhã do bodolena ar uniyakʼ kicricʼko hõ pĩṛĩtʼ pĩṛĩtʼ ponḍentaea,

Johan sodor 10:1

Ona tayom ar mitʼṭen daṛeanicʼ serma goḍet serma khon pheḍ hijukʼ kaniń ńelkedea. Uni do rimilteye oyo akan, ar bohokʼre do liṭạ akʼ tahẽkantaea. Uniyakʼ mẽtʼãhã do siń cando leka ar jaṅga do seṅgel reakʼ khũnṭi leka tahẽkana.

Johan sodor 19:12

Uniyakʼ mẽtʼ do jolokʼkan seṅgel leka ar uniyakʼ bohokʼre do ạḍi utạr mukuṭ tahẽkana. Uniyakʼ hoṛmore nonkan mitʼṭecʼ ńutum ol tahẽkana, one okaṭakʼ ńutum do acʼ chaḍa ar okoe hõ bako baḍae.

Johan sodor 2:18

“Thuạtirạ nagraha reakʼ manḍerren goḍet ṭhen noa katha olme, Isorren Hopon, one okoeyakʼ mẽtʼ do seṅgel lepʼ leka ar jaṅga do jhak jhakaokʼkan pitạl leka uni do noa kathae meneda:

Johan sodor 21:20

mõṛẽakʼ do boidurjo, turuiyakʼ do lalkanto, eaeakʼ do sornokanto, irạlakʼ do gomedok, areakʼ do podmorag, gelakʼ dolosunio, gelmitʼakʼ do peroj, ar gelbarakʼ do koṭahelage.