Daniel 10:18 - সান্তালী বাইবেল

¹⁸ Unre manwa leka ńelokʼicʼ uni serma goḍet do arhõ ińe joṭetʼkedińa ar daṛeye emadińa.

Daniel 10:18 Iomraidhean Croise

Jobakʼ 16:5

Menkhan bạń onkakea, bickom mocateń udgạukepea; ińakʼ luṭikin reakʼ jiwi raṛecʼ katha do hasoe raṛecʼketapea.

Jobakʼ 23:6

Uni do cetʼ maraṅ daṛete iń tulucʼe jhogṛakokʼa? Baṅa, uni do ińakʼe ańjomketińạ.

Sereńko 138:3

Iń do tinreń hohowatʼmea unre am dom roṛ ruạṛạdińa; ińakʼ ontor reakʼ daṛete am do dilanicʼem hoyocokedińa.

Daniel 10:10

Unre mitʼṭecʼ ti do ińe joṭetʼkedeń khan banar ti ar gunṭhite thar tharaoakʼ tulucʼe kaḍa ocokedińa.

Daniel 10:16

Unre manwa leka ńelokʼicʼ uni serma goḍet, okoe do iń samaṅreye teṅgo akan tahẽkan, uni do ińakʼ luṭikine joṭetʼketʼtińạ, ar moca jhicʼentińte uniń metadea, “E ińren kĩsạ̃ṛ noa dorson iạte monre ạḍi dukiń ńameda ariń nijor idikʼkana.

Daniel 8:15

Ar iń Daniel do tinre dorson reakʼ bujhạu lạgitʼ iń kurumuṭuyetʼ tahẽkana unre manwa leka ńelokʼ mitʼ hoṛ do iń samaṅre hecʼkateye teṅgoyena.

Daniel 8:18

Uni do tinre iń sãote kathae roroṛkan tahẽkana unre iń do acetiń taber akan tahẽkana. Uni do ińe sapʼ rakapʼ kedeńteye teṅgokedińa.

Luk 22:32

Menkhan iń do am lạgitʼ iń koeyeda, jemon amakʼ biswạs alo ḍigạukʼtam. Am do iń ṭhenem ruạṛ hijukʼre amren noko boehakom keṭecʼkoa.”

Luk 22:43

Unre serma khon mitʼṭen goḍet do hecʼkate Jisui daṛe ocokedea.

Aposkạmi 18:23

Antiokiạre thoṛa din khemaokate onḍe khone mohnḍayente Galatiạ ar Phorugiạ Prodes reakʼ mitʼ jaega khon eṭakʼ jaegae dãṛãketʼte celakoakʼ pạtiạue kajakketʼtakoa.

Ephesiko lạgitʼ Pạul Apostolakʼ ciṭhi 3:16

Iń doń koejoṅkana jemon Isorakʼ asambheṛ ṭhonok lekate uni do nonkan daṛeye emape, jemon sonot Jiu hotete apeakʼ ontor do daṛeanakʼ hoyokʼtape,

Philipiko lạgitʼ Pạul apostolakʼ ciṭhi 4:13

Ar okoe daṛeye imạńkan uni hotetege iń do jotowakʼiń kạmi daṛeakʼ kana.

Kolossiko lạgitʼ Pạul Apostolakʼ ciṭhi 1:11

Noa do hoydaṛeakʼgea, ente Isor do acʼakʼ maraṅ daṛete apeye daṛe ocoakatʼpea jemon jao ghuṛi rạskạ salakʼ jotowakʼ sahao ar sombhurikate Isor Babape gun manao joharae. Marsal reakʼ rajosṭire Isorren hoṛko oka ạidạriko hameṭ joṅ ona reakʼ bhạgiyạdar hoyokʼ lạgitʼ uni do lekmankoe hoyoco akatʼpea.

1 Samuel 23:15

Siph hahaṅkar reakʼ Horesre tahen jokhecʼ Dạud doe ańjomkeda, Sạul do Dạud goje lạgitʼe oḍok hecʼakana.