Daniel 10:16 - সান্তালী বাইবেল

¹⁶ Unre manwa leka ńelokʼicʼ uni serma goḍet, okoe do iń samaṅreye teṅgo akan tahẽkan, uni do ińakʼ luṭikine joṭetʼketʼtińạ, ar moca jhicʼentińte uniń metadea, “E ińren kĩsạ̃ṛ noa dorson iạte monre ạḍi dukiń ńameda ariń nijor idikʼkana.

Daniel 10:16 Iomraidhean Croise

Exodus 4:10

Mose doe menkeda, “Menkhan E Probhu Isor, iń do rawal moca hoṛ doń baṅkana. Lahatehõ bạń roṛ daṛeakʼ kan tahẽkana ar am sãote katha roṛ tayom hõ bạń daṛeakʼ kana. Ińakʼ mocare katha do aṭkaokʼtińa, ente ińakʼ alaṅ do hamalgetińạ.”

Exodus 4:13

Moseye roṛ ruạṛkeda, “E Probhu Isor, ińiń nehõram kana, jãhãe hotete noa khobor baṛe kolme.”

Sosolhayic̕ 1:18

ente ạkil ḍherlen khan ona sãote ạṛisokʼ hõ ḍherokʼa; ar buj tinạkʼ ḍherokʼ unạkʼge duk hõ ḍher idikʼa.

Jesaea 6:7

Ar ona aṅgra do ińakʼ mocare jakʼketʼteye menkeda, “Ńelme, noa do amakʼ luṭikine joṭetʼkeda; amakʼ behokakʼko do sạṅgiń akana ar amakʼ kại do ikạyentama.”

Jirimiạ 1:9

Ona tayom Probhu Isor do ti tiạrkate ińakʼ mocae joṭetʼketʼteye metadińạ, “Nitokʼ do amakʼ mocare ińakʼ kathakoń dohokeda.

Jeheskel 1:26

Ar onḍe nilkanto mạnik reakʼ siṅghạson leka ńelena. Ar ona coṭre menakʼ siṅghạson cetanre manwa muṭhạn leka mitʼ hoṛiń ńelkedea.

Jeheskel 3:27

Menkhan am tulucʼ iń galmarao jokhecʼ iń do amakʼ mocań jhijtama ar am do onko ṭhen Probhu Isorakʼ katham lạiya. Onko modre okoe amakʼ ańjom reakʼe khoj uni doe ańjomma ar okoe ańjom bae khoj uni do aloe ańjomma; ente onko do huhulkan jạtren kanako.”

Jeheskel 33:22

Uni hoṛ seṭerokʼ lahare ạyupʼ jokhecʼ Probhu Isorakʼ ti do iń cetanre tahẽkana ar setakʼ jokhecʼ iń ṭhene hijukʼ lahare Probhu Isor do ińakʼ mocae jhicʼketʼtińạ. Onate iń do katha roroṛiń ehopʼena, ar guṅgạ do bạń tahẽlena.

Daniel 12:8

Iń doń ańjomketʼgea menkhan cetʼge bạń bujhạu daṛeada. Ona iạte iń doń kuliyana, “E ińren kisạ̃ṛ, noako reakʼ mucạtʼ jo do cetʼ hoyokʼa? ”

Daniel 4:19

Unre Daniel, metakʼme Beltesasar do kukmũ reakʼ katha hudiskateye botorena ar thoṛa okte lạgitʼe asbasoena. Onate raj doe menkeda, “E Beltesasar, kukmũ se ona reakʼ bhed do alo baṛeye cintạ ocomema.” Beltesasar doe roṛ ruạṛkeda, “E maharaj, niạ kukmũ ar niạ reakʼ bhed do amren bạiriko cetanre baṛe paṛaokʼma.”

Daniel 7:15

“Unre iń Daniel do kukmũ talare monre kosṭoń ạikạukeda ar okakoń ńelketʼ ona do ińe kạulạ kạuli ocoyedeń tahẽkana.

Daniel 7:28

“Nonḍege ona kukmũ reakʼ mucạtʼtetʼ do. Iń Daniel do ińakʼ noako hudis iạte nunạkʼ botoriń ạikạukeda je, ińakʼ mẽtʼãhã do keklesetʼentińa, menkhan kukmũ reakʼ bisoe do monreń rebetʼ dohokada, okoe hõ bạń lạiyatʼkoa.”

Daniel 8:15

Ar iń Daniel do tinre dorson reakʼ bujhạu lạgitʼ iń kurumuṭuyetʼ tahẽkana unre manwa leka ńelokʼ mitʼ hoṛ do iń samaṅre hecʼkateye teṅgoyena.

Daniel 8:17

Iń okareń teṅgo akan tahẽkan ona ṭhạ̃ireye hecʼen khan iń do botorte otreń bhindạṛena. Uni do ińe metadińạ, “E manwa hopon, noa dorson je ses dinko babot reakʼkan ona baṛe bujhạume.”

Daniel 8:18

Uni do tinre iń sãote kathae roroṛkan tahẽkana unre iń do acetiń taber akan tahẽkana. Uni do ińe sapʼ rakapʼ kedeńteye teṅgokedińa.

Daniel 8:27

Iń Daniel doń laṅgayena ariń ruạyente thoṛa din giticʼ iń tahẽyena. Ona tayomiń beretʼena ar rajakʼ kạmi lạgitʼ iń senena. Iń do ona dorson ńelkate ạḍiń cintạyena, ente ona dorson reakʼ mane do bạń bujhạuleda.

Daniel 9:21

Iń do unreń koejoṅkan tahẽkana ar unre lahateakʼ dorsonre okoeyiń ńellede uni Gabriel goḍet do ạyupʼ reakʼ samaṅokʼ jokhecʼ iń ṭhen usạrateye uḍạu hecʼena.

Luk 1:64

Ar unrege Sakariạwakʼ moca do jhicʼgotʼentaea ar alaṅ do ulṭạuentaea ar Isor sarhaoate katha roroṛe ehopʼena.

Luk 21:15

ente iń do nonkan katha ar nonkan akeliń emapea, onape roṛ ruạṛakore aperen bạiriko do cetʼhõ bako roṛ daṛeakʼa, ar onahõ bako baṅ daṛeakʼa.

Johan 20:28

Unre Thomae menkeda, “E ińren Probhu, E ińren Isor.”

Josuạ 5:14

Uni doe roṛ ruạṛkeda, “Okoe secʼren hoṛ hõń baṅkana. Iń do Probhu Isoren palṭon dolren senapoti kạnạń; ar ńitokʼ do nonḍeń hecʼakana.” Niạ katha ańjomkate Josuạ do otreye ombakʼente uniye ḍobokʼ adea are kulikedea, “Ińren Probhu Isor do cetʼ acʼren guti jãhãnakʼ metae lạgitʼe menjoṅkana?”

Johan sodor 1:13

Ona diuhe dohowakʼko talare manwa Hopon leka okoe coṅ mitʼ hoṛe tahẽkana. Uni do jaṅga hạbicʼ jeleń aṅgrope horokʼ akatʼ ar koṛam do sona reakʼ pạṭkạte tol ạcurakatʼ tahẽkantaea.

Bikʼcạrko 13:8

Niạ katha ańjomkate Manoho do Probhu Isor ṭhen niạ menkateye koekeda, “E Probhu Isor, nehõrokʼ kạnạń Isorren okoeṭakʼ hoṛ do ạliń ṭhenem kollede, uni do arhõ jemone hijukʼ ar okoeṭakʼ gidrại janamokʼ uni lạgitʼ cetʼ cekae jaruṛa ona jemone sikhạuliń.”

Bikʼcạrko 6:13

Gideone menkeda, “Menkhan E ińren Probhu Isor, am ale sãote menam khan enḍekhan ale cetanre noako do cedakʼ hoyokʼkana? Ar okayena uniyakʼ ona hahaṛa kạmiko one uniyakʼ katha aleren hapṛamko ṭhen khonle ańjomakatʼ, Probhu Isorge Misor disạm khone oḍok ạguletʼkoa mente? Menkhan ńitokʼ uni do aleye dea giḍiakatʼlea ar Midiạnrenkoakʼ tireye jimạ akatʼlea.

Bikʼcạrko 6:15

Gideone menkeda, “Menkhan E ińren Probhu Isor, iń do cekate Israelkoń bańcaokoa? Manase gusṭiko modre alege joto khon nicạṛ utạrko kanale, ar aleakʼ gharońjrenko modre hõ ińgeń huḍiń utạricʼ kana.”