Daniel 10:14 - সান্তালী বাইবেল

¹⁴ Ar ńitokʼ doń hecʼakana bujhạu ocome lạgitʼ darakan dinkore amren hoṛkore cetʼ hoyokʼa mente. Ente dorson do darakan dinko reakʼkangea.”

Daniel 10:14 Iomraidhean Croise

Genesis 49:1

Tayomte Jakob do acʼren hoponko hohowatʼkoteye metatʼkoa, “Jotokoge iń ṭhen hijukʼpe. Ar tayom daram dinkore apeakʼ jionre cetʼko hoyokʼ onań lạiyapea.

Jesaea 2:2

Mucạtʼ dinre sanam buruko modre ona buruge joto khon usulteye rakapʼ ocokʼa one okare Probhu Isorakʼ oṛakʼ menakʼ. Huḍiń buru boṭkocʼko khon uni do usulteye rakapʼ ocokʼa, ar sanam jạtrenko do ạtukʼ dakʼ leka uni secʼko ạtu calakʼa.

Jeheskel 12:27

“E manwa hopon, Israelkoko meneda, am okaṭakʼ dorsonem ńelakatʼ ona do ńitʼ khon ḍher bochor tayom reakʼ katha kana, ar okaṭakʼ nạbi katham roṛetʼ ona do tayom daramakʼko reaṅ kana.

Jeheskel 38:16

Am do rimil leka disạmem dapal eseda ar ińren hoṛ Israelko upạrtem rakapʼ hijukʼa. E Gog, mucạtʼre ińakʼ disạm upạrte amiń ạgumea. Unre iń do jạt jạtrenkoakʼ mẽtʼãhã samaṅre iń apnartetʼ do am hotete sonot menteń udugokʼa jemon onko do ińko baḍae daṛeạń.

Daniel 10:1

Parasren raj Koresakʼ rajokʼ tesarakʼ bochorre okoe do Beltesasare ńutum ocolen uni Daniel ṭhen mitʼṭecʼ katha sodorena. Katha do sạrikana ar ona do mitʼṭecʼ maraṅ kosṭo reaṅge. Mitʼṭecʼ dorson hotete uni doe bujhạu ocoyena.

Daniel 12:4

Menkhan am, Daniel do, mucạtʼ okte ạuri hijukʼ hạbicʼ noa nạbi katha reakʼ puthi bondkate ona reakʼ kathako chapkate dohokakʼme. Onako dinre ḍherkoge hanḍe nanḍeko calakʼa ar ạkil do baṛhaokʼtakoa.

Daniel 12:9

Uniye menkeda, “E Daniel, noako reaṅ do alom cintạkʼa, ente mucạtʼ okte ạuri hijukʼ hạbicʼ noako katha do bondkate chap dohoakana.

Daniel 2:28

Menkhan sermare mitʼṭen Isor menaea okoe do okoakʼko reaṅe sodoretʼkan. Ar tayom daram dinkore cetʼko hoyokʼa ona do unige Nebukadnesar raje baḍae ocoakadea. Amakʼ kukmũ, metakʼme aṭetʼre giticʼkate okaṭakʼ kukmũm ńelakatʼ ona do ńitokʼ iń lạiyama.

Daniel 8:16

Iń do mitʼṭen manwawakʼ aṛaṅiń ańjomkeda; ona aṛaṅ do Ulại gaḍa khon hohoateye menkeda, “Gabriel, noa dorson reakʼ mane do nui hoṛ bujhạuaeme.”

Daniel 8:26

“Am do ńindạ ar setakʼ reakʼ samaṅokʼ reaṅ okaṭakʼ dorsonem ńel ocoyen ona do sạrikana, menkhan noa dorson do chapkate dohokakʼme, ente ona do tayom daram dinre hoyokʼa.”

Daniel 9:22

Uni do ińe bujhạuạdińa, “E Daniel, ńitokʼ do am bujhạuam reakʼ daṛe ar bud emokʼ iń hecʼakana.

Hosea 3:5

Ar ona tayom do akoren Probhu Isor ar onkoren raj Dạud secʼko ruạṛa. Mucạtʼre onko do Probhu Isorakʼ bhor ńam lạgitʼ botor salakʼ uni ṭhenko hijukʼa.

Mikạ 4:1

Mucạtʼ dinre sanam buruko modre ona buruge joto khon usulteye rakapʼ ocokʼa one okare Probhu Isorakʼ oṛakʼ menakʼ. Huḍiń buru boṭkocʼko khon uni do usulteye rakapʼ ocokʼa, ar sanam jạtrenko do ạtukʼ dakʼ leka uni secʼko ạtu calakʼa.

Habakkuk 2:3

Ente noa dorson reakʼ katha hoyokʼ lạgitʼ ńithõe tạṅgiyeda, menkhan usạratege hijukʼkana ar ona dorson do eṛe mente baṅ sạbudokʼa. Bilom lenrehõ ona lạgitʼ koyokʼ hor akae tahenme; ona do niṭ akatʼ okterege purạukʼa. Ar noa katha do ol dohokakʼme:

Numeri 24:14

Iń do ńitokʼ ińren hoṛko ṭheniń ruạṛ calakʼ kana, menkhan ona lahare amiń sontor oṭokam kana noko jạtrenko do tayom daram amren hoṛko cetanre cetʼko cekaea mente.”

Dosar Biboron 31:21

Onko cetanre tinre ḍher duk-kosṭoko hijukʼa unre niạ sereńge onko upạrte goha lekae teṅgona, ente onkoren bõsko do noa sereń bako hiṛińa. Ente kiriạ akawatʼko gokʼakʼ disạmte idiko laharege iń doń baḍaea onkoakʼ ontore cetʼ menakʼa mente.”

Dosar Biboron 31:29

Ińiń baḍaea, ińakʼ gujukʼ tayom ape dope kharapokʼa ar oka horte calakʼ reakʼ iń hukumakatʼpe ona khon dope ghańjeṛokʼa. Ar onate darakan dinkore ape cetanre muhinko hecʼ paṛaokʼa, ente Probhu Isorakʼ mẽtʼre oka bạṛicʼakʼkan onagepe kạmiya ar apeakʼ tite benao akatʼko boṅga murhutʼ iạte unipe khĩs ocoyea.

Dosar Biboron 4:30

Ar tinre kosṭorepe paṛaokʼa ar noako ape cetanre hijukʼa unre tayom daram reakʼ ona dinkore aperen Probhu Isor ṭhenpe ruạṛ hijukʼa arpe bataotaea.

2Timothi 3:1

Noa katha baḍaeme je, mucạtʼ dinkore do ạḍi muhin reakʼ okteko hijukʼa.

Ibriko 2:3

Enḍekhan kại khon bańcaokʼ lạgitʼ Isor okaṭakʼ maraṅ bondobose dohoakatʼ ar ona babon bạsutakʼ khan enḍekhan cekate bańcao dobon ńama? Kại khon bańcao ńam reakʼ katha do pạhilre Probhu Jisugeye menleda ar okoe onako ańjomletʼ onko do ona bańcaokʼ reakʼ sạriạkʼtetʼ abo ṭhenko sạbud akada.