Daniel 10:13 - সান্তালী বাইবেল

¹³ Menkhan Paras rajosṭiren mukhiyạ do bargel pạhil din hạbicʼe tạkicʼ daramledińa. Unre Mikayel ńutuman mukhiyạ serma goḍetkoren mitʼṭen do iń goṛowạń lạgitʼe hecʼena, ente iń do Paras rajko talare iń eskargeń tahẽkana.

Daniel 10:13 Iomraidhean Croise

Esra 4:24

Nonkate Jerusalemre Isorakʼ oṛakʼ reakʼ kạmi do thirena; Parasren raj Darjawesakʼ rajokʼ dosar bochor hạbicʼ ona do thirge tahẽyena.

Daniel 12:1

“Ona jokhecʼ amren hoṛkoren rurukhiyạyicʼ maraṅ serma goḍet Mikayel doe ape sejokʼa. Ar nonkan mitʼṭecʼ kosṭo okte seṭerokʼa one ona do am jạtrenko khon ehopʼkate ona okte hạbicʼ tishõ baṅ hoyakan. Menkhan ona okte do amren hoṛko modren okoekoakʼ ńutum do puthire ol tahen onko do bańcaoko ńama.

Ephesiko lạgitʼ Pạul Apostolakʼ ciṭhi 6:12

Aboakʼ noa lạṛhại do jãhãe manwa upạrte do baṅkana, bickom ona do ńut rajosṭi reakʼ joto lekan cakʼlaoko ar ektiạrianko upạrte, ńut dhạrtiren daṛean jiuko upạrte, ar coṭren joto bạṛicʼ jiuko upạrte.

Kolossiko lạgitʼ Pạul Apostolakʼ ciṭhi 2:10

Uni do serma cetanren sanam cakʼlaoko ar ektiạrikoren matha kanae.

1 Thessalonikikko 2:18

Onate ale do, asokaete iń Pạul do ạḍi dhaoge ape ṭhen hijukʼiń menletʼ tahẽkana, menkhan Soetan do aleye tạkicʼ daramletʼlea.

1 Patras 3:22

Jisu do sermateye calao akana ar ńitokʼ Isorakʼ jojomsa aṛere menaea, ar sermaren goḍetko, ar ektiạrianko ar daṛeanko do uniyakʼ gobolre menakʼkoa.

Jihudạwakʼ ciṭhi 1:9

Menkhan mukhiyạ serma goḍet Mikạyel do Moseyakʼ hoṛmo iạte Soetan sãoteye reṭe peṭekʼkan tahẽkanre uni upạrte jãhãn henosta reakʼ katha menkate dusiye do bae dilleda. Bickom uni doe menleda, “Probhu Isor do ame dhomkaome ma.”

Johan sodor 12:7

Ona tayom sermare lạṛhại hoyena. Mikạel ar uniren goḍetko do uni biń tulucʼko lạṛhạiyena ar uni bińren goḍetko hõ.