Daniel 1:4 - সান্তালী বাইবেল

⁴ Onko juạnko do ńelokʼte mońj, ạkilan, niphuṭ, cecetʼakʼte perecʼ ar raj dorbarre kạmi lạgitʼ lek lekako hoyokʼ. Aspenas doe hukum ocoyena jemon uni do onko juạnko Babel reakʼ pạrsi ar sahitto reaṅe cetʼako.

Daniel 1:4 Iomraidhean Croise

Genesis 41:46

Joseph do tinre Misorren raj Pharaoakʼ kạmireye bahal ocoyena unre uniyakʼ umer do pegel bochor tahẽkana. Uni do Pharaoakʼ raj dorbar khon oḍokkate Misor disạm reakʼ sanam jaegae dãṛã ạcurkeda.

2 Samuel 14:25

Goṭa Israel disạmre Absalom leka ńelokʼte mońj do ar okoe hõ bako tahẽkana. Mońj ńelokʼ iạte uni do jotoko khon bạ̃ṛti sarhaoe ńametʼ tahẽkana. Uniyakʼ jaṅga talka khon coṭ bohokʼ hạbicʼ okare hõ cetʼ khutge baṅ tahẽkantaea.

Kạhtukko 22:29

Am do cetʼ nonkan jãhãe hoṛem ńel akatʼkoa oko do gạkhuṛ titeye kạmikan? Uni do rajko lạgitʼe kạmiya, ar hoṛko tabere do baṅa.

Sosolhayic̕ 7:19

Gel goṭecʼ disạm cakʼlaoko nagraha tinạkʼ bako daṛe ocoy ạkil do mitʼṭen ạkilanicʼ hoṛ ona khon hõ bạ̃ṛtiye daṛe ocoyea.

Jesaea 36:11

Unre Eliakim, Sibna ar Joa do Rabsakiko metadea, “Amren golamko ṭhen dayakate Arami pạrsite katha roṛme, ente ale do onale bujhạu daṛeakʼa. Pạcri cetanren hoṛko samaṅre Ibri pạrsite do alom metalea.”

Jirimiạ 5:15

Probhu Isore meneda, “E Israel jạtrenko, am upạrte sạṅgiń disạm khon mitʼ jạtrenkoń ạgukoa. Onko do sedae jugren ṭikạu akan jạtrenko kanako; onko hoṛkoakʼ pạrsi do bape baḍaea ar onkoakʼ katha hõ bape bujhạu daṛeakʼa.

Daniel 2:10

Kạldiko do rajko roṛ ruạṛadea, “Maharaj ale ṭhen khon oka baḍae joṅem menetʼkan ona baḍae daṛeakʼ leka nonkan hoṛ do dhạrtire cele hõ bạnukʼkoa. Okoe maraṅ raj hõ tisge nonkanakʼ reaṅ jãhãe gonokko, muhnidarko ar kạldiko ṭhen do bae kulkli akada.

Daniel 2:2

Ar acʼakʼ kukmũ reakʼ bhed baḍaejoṅ lạgitʼte uni do gonokko, gunidarko, muhnidarko ar kạldikoe hoho ạgu ocoketʼkoa. Arko hecʼen khan onko do raj samaṅreko teṅgoyena.

Daniel 3:8

Inạ oktere adom kạldi hoṛko do hecʼkate Jihudiko dusiketʼkoa.

Daniel 4:7

Khan gunidarko, muhnidarko, kạldiko ar gonokko iń ṭhenko hecʼen khan onko ṭhen kukmũ reakʼ iń lạikeda, menkhan onko do ona reakʼ bhed bako bhaṅgao daṛeadeńa.

Daniel 5:11

Amakʼ rajosṭi talare nonkan mitʼ hoṛ menaea ar unire nonkan sonotakʼ menakʼa oka do noa dhạrti reakʼ baṅkan. Am baba bidạlre marsal ar bud ar ạkil, debotako reakʼ ạkil lekanakʼge unire ńamokʼkan tahẽkana. Ar am baba Nebukadnesar maharaj do gonokko, muhnidarko, Kạldiko ar sạkʼgunkoren mukhiyạ menkateye bahalledea.

Daniel 5:7

Unre raj do ãṭ aṛaṅte hohoate gonokko, gunidarko, kạldiko ạguko lạgitʼe hukumkeda. Uni do Babelren ạkilankoe metatʼkoa, “Jãhãege noa olakʼ paṛhaokate ona reakʼ bhede lại daṛeạń enḍekhan uni do beguni kicricʼ ar hoṭokʼre sona reakʼ mala hõe emocokʼa ar rajosṭiren pea rajko modre uni hõ mitʼṭecʼ hudại emocokʼa.”

Daniel 9:1

swMadae bõsren Ahasberosren hopon Darjawes do Babel rajosṭiren raje hoylena. Uniyakʼ rajokʼ reakʼ pạhil bochorre iń Daniel do Jirimiạ nạbiye emocolen Probhu Isorakʼ katha lekate sostor khoniń bujhạu daṛeada je, Jerusalem do eaegel bochor hạbicʼ dhaṅdhaser akan tahena.

Sakariạ 2:4

Uni doe menkeda, “Am do ńir senkate uni juạn koṛa metaeme, ‘Jerusalemre manwa ar janwar doko ḍher akante onare jãhãn pạcri do baṅ tahena.

Aposkạmi 7:20

“Ona jokhecʼ Moseye janamena. Uni do ńelokʼte ạḍi mońje tahẽkana. Ar pe cando hạbicʼ acʼren apatakʼ oṛakʼreye ạsul ocoyena.

Aposkạmi 7:22

Mose do Misorrenkoakʼ sanamakʼ akelte akelanicʼe hoyena, ar acʼakʼ katha ar kạmikote uni do daṛeanicʼe tahẽkana.

Bikʼcạrko 8:18

Ona tayom uni do Seba ar Salmuna tạkine kuliketʼkinạ, “Taborre cetʼ lekan hoṛ apeakʼ titeko gocʼ ocoakana?” Onkinkin roṛ ruạṛkeda, “Am lekan hoṛ, mimitʼko do rajren hoponko leka.”