Daniel 1:2 - সান্তালী বাইবেল

² Probhu Isor do uniyakʼ tire Jihudạren raj Jehoyakime soprotkedea ar uni sãote Isorakʼ oṛakʼ reakʼ adomakʼ bhajanko hõe emadea. Ar ona bhajanko uni do Babelte acʼren debotawakʼ mundilre idikate onḍenakʼ khajańci oṛakʼreye dohokada.

Daniel 1:2 Iomraidhean Croise

Genesis 10:10

Uni do Sinạr disạm reakʼ Babel, Erek, Akad ar Kalnere rajosṭiye calaoetʼ tahẽkana.

Genesis 11:2

Onko do purub secʼko laha idiyente Sinor disạmre mitʼṭecʼ bilạn ṭạnḍiko ńamketʼ khan onḍege girobasokʼko ehopʼena.

2 Rapajko 24:1

Jehoyakimakʼ rajokʼ oktere Babelren raj Nebukadnesar do Jihudạ disạme akromonkeda. Jehoyakim do pe bochor uniyakʼ gobolreye tahẽkana. Menkhan tayomte uni do Nebukadnesar upạrteye hulkeda.

2 Bõsbudạ 36:5

Jehoyakim do bargel mõṛẽ bochor umerre raje hoyena ar gelmitʼ bochor Jerusalemre raje calaokeda. Uni do acʼren Probhu Isorakʼ mẽtʼre oka bạṛicʼakʼkan onageye kạmiyetʼ tahẽkana.

2 Bõsbudạ 36:7

Nebukadnesar do Probhu Isorakʼ oṛakʼ khon jinisko idikate Babelre acʼakʼ mundilreye dohokada.

Esra 1:7

Ona chaḍa Nebukadnesar do Probhu Isorakʼ oṛakʼ reakʼ okako jinis Jerusalem khon idikate acʼren debotawakʼ mundilreye doholetʼ, Kores raj do khajańci sordar Mithredath hotete onakoe oḍok ạgukeda. Ar Mithredath do Jihudạren disạm cakʼlaoyicʼ Sesbasar onakoe lekhawadea.

Jesaea 11:11

Enhilokʼ Probhu Isor do acʼren sarecʼ jiwetʼ hoṛko Ạsur khon, Misor khon, Pathros khon, Kus khon, Elam khon, Babel khon, Hamath ar jalapuri ḍhip reakʼ disạm khon bańcaoko lạgitʼ dosar dhao tiye tiyạrtaea.

Jesaea 42:24

Jakob do luṭe lạgitʼ okoeye soprot akadea? Ar Israel do luluṭkoakʼ tire okoeye jimạ akadea? Unige cetʼ Probhu Isor doe baṅkana, one uni upạrte bon kại akatʼ? Unkin do uniyakʼ horte calakʼ bạkin khojleda, ar uniyakʼ hukum hõ bạkin manaoleda.

Jirimiạ 25:1

Josiạren hopon Jihudạren raj Jehoyakimakʼ rajokʼ ponakʼ bochorre, metakʼme, Babel raj Nebukadnesarakʼ rajokʼ pạhil bochorre Jihudạren sanam hoṛko reaṅ Isorakʼ katha do Jirimiạ ṭhen sodorena.

Jirimiạ 27:16

Unre iń do naekeko ar sanam hoṛkoń metatʼkoa, Probhu Isor meneda, “Okoe nạbi oneko metapekan, ‘Probhu Isorakʼ oṛakʼ reakʼ jinisko do usạratege Babel khon ruạṛ ạgukʼa,’ onkoakʼ katha do alope ańjomtakoa. Onko do ape ṭhen eṛeyakʼko nạbiyeda.

Jirimiạ 28:3

Babel raj Nebukadnesar do Probhu Isorakʼ oṛakʼ reakʼ okako jinis nonḍe khon Babelteye idiyakatʼ onako iń do bar bochor bhitrite nonḍeń ạgu ruạṛa.

Jirimiạ 35:11

Menkhan Babelren raj Nebukadneser do tinre niạ disạme hatkeda unrele menkeda, ‘Babel ar Aramren lạṛhại phạdko ṭhen khon dela bon ńir paskaokʼma ar Jerusalemte bon calakʼma.’ Onate ale do Jerusalemregele tahẽyena.”

Jirimiạ 50:2

“Ape do jạt jạtrenko ṭhen porcarpe ar lại jạhirpe, nisạn teṅgoepe ar lại jạhirpe. Danaṅ do cetʼge alope dohoya, bickom menpe, ‘eṭakʼko do Babelko ạidạrijoṅa; Bakʼal deboda doe lajao ocokʼa, Merodok debota doe chaka chun ocokʼa. Babelren boṅga murhutʼko doko lajao ocokʼa ar uniren boṅga muṭhạnko hõko chaka chunokʼa.’

Jirimiạ 51:44

Iń do Babelren Bel debotań sạjạiyea ar uni okae utʼ akatʼ ona doń becʼ oḍok ocoyea. Jạt jạtrenko do uni ṭhen ạtukʼ dakʼ leka ar bako calakʼa. Ar Babel reakʼ pạcri bhit hõ dạsuṛokʼa.

Daniel 5:13

Unre Daniel do raj samaṅreye ạgu ocoyena, ar raj do uniye metadea, “Am do cetʼ uni Daniel kanam onko Jihudikoren mitʼ hoṛ okoe do iń baba Jihudạ disạm khon bondikateye ạguletʼko?

Daniel 5:18

E Maharaj, maraṅ Isor do am baba, metakʼme Nebukadnesar do rajosṭi, ar ṭhonoke emade tahẽkana.

Habakkuk 1:16

Onko do akoakʼ jhạli ńutumte janwar dãṛẽko samaṅetʼkoa ar or jhạli ńutumte dhupko jeretʼeda, ente jhạli iạtege onko do ḍherko laba ar bhage bhage jomakʼko joma.

Sakariạ 5:11

Uni doe roṛ ruạṛadińa, “Unkin do Sinạr disạmtekin idiyeda. Onḍe do uni maejiu lạgitʼ mitʼṭecʼ oṛakʼ benaokʼa. Ar oṛakʼ benao sạtlen khan uni do acʼakʼ ṭhạ̃ire kin duṛubea.”

Dosar Biboron 32:30

Mitʼ hoṛ do cekate hajar hoṛkoe lagakoa, ar bar hoṛ ńelte cekate gel hajar hoṛko ńir pharakokʼa, onkoakʼ asray buru bạirikoakʼ tire onko bae ạkhrińleko khan, ar Probhu Isor hõ bạirikoakʼ tire onko bae soprot leko khan?

Bikʼcạrko 2:14

Ona iạte Probhu Isor do Israelko luluṭkoakʼ tireye jimạyetʼko tahẽkana. Onko do onkoakʼ jiniskoko luṭetʼ tahẽkana. Uni do onkoren beṛhaeten bạiriakʼ tireye jimạyetʼko tahẽkana, ar onate bạiriko upạrte bako teṅgo daṛeakʼkan tahẽkana.

Bikʼcạrko 3:8

Ona iạte Probhu Isor do Israelko cetanreye edre seṅgelena ar Aram-Nahrayimren raj Kusan-Risithayimakʼ tire onkoe jimạketʼkoa. Ar onko do irạl bochor uni tabereko tahẽyena.

Bikʼcạrko 4:2

Onate Probhu Isor do Jabin ńutuman mitʼṭen Kanani rajakʼ tire onkoe jimạkatʼkoa. Jabin do Hasor khon raje calaoetʼ tahẽkana. Uniren senaputiyakʼ ńutum do Sisera tahẽkana. Uni do Harosetreye tahenkan tahẽkana.

1 Samuel 5:2

Isor reakʼ sinduk onko do Dagonakʼ mundilte idikate Dagonakʼ muṭhạn aṛereko dohokada.