Kolossiko lạgitʼ Pạul Apostolakʼ ciṭhi 3:9 - সান্তালী বাইবেল

^9-10 Alope eṛea, ente aperen “Mare hoṛtetʼpe” oḍok giḍi akadea ar uniyakʼ kạmiko sudhạ kicricʼ lekape totʼ giḍi akadea ar “Nãwã hoṛtetʼpe” horokʼ akawana. Uni “Nãwã hoṛtetʼ ” do arhõe nãwã arokʼkante acʼren sisirjạuicʼ lekae hoyokʼ kana jemon uni sisirjạuicʼ do purạtepe baḍae orom daṛeae.

Santali Common Language New Testament

^9-10 Alope eṛea, ente aperen “Mare hoṛtetʼpe” oḍok giḍi akadea ar uniakʼ kạmiko sudhạ kicricʼ lekape totʼ giḍi akada ar “Nawa hoṛtetʼpe” horokʼ akawana. Uni “Nawa hoṛtetʼ ” do arhõe nawa arokʼkante acʼren sisirjạuicʼ lekae hoyokʼkana jemon uni sisirjạuicʼ do purạtepe baḍae orom daṛeae.

Kolossiko lạgitʼ Pạul Apostolakʼ ciṭhi 3:9 Iomraidhean Croise

Kạhtukko 13:5

Dhorom hoṛ do eṛeakʼko hirkhạwakʼa, menkhan bạṛicʼ hoṛ do lajao ar durnamkoko hoyokʼa.

Jesaea 63:8

Uni doe men akada, “Khạṭige onko do ińren hoṛ kanako, ar nonkan hopon kanako onko do tishõ bako bepạtiạu ocokʼa,” Ar ona iạtege onkoren babańcaoicʼe hoyena.

Levitikus 19:11

“Alope kombṛoya, okoehõ alope ṭhokakoa ar eṛe hõ alope roṛa.

Sephaniạ 3:13

Israelren onko sarecʼ hoṛ do behokakʼ bako kạmiya; onko do eṛe katha hõ bako roṛa ar onkoakʼ moca khon phạsiaratetʼ hõ baṅ tahena. Onko do jom-ńũkate khạtirjomako jạpitʼjoṅa ar celege bako botor ocokoa.”

Sakariạ 8:16

Niạko hukum do manao hoyokʼtapea. Ape do eṭakʼko ṭhen sạriyakʼ kathape roṛa ar apeakʼ adalotre hok reakʼpe bicạra jemon hoṛko talare suluk hoyokʼ;

Johan 8:44

Soetange aperen baba do, ar ape do uniren hoponko kanape; onate uniyakʼ sana purạupe menjoṅ kana. Soetan do pạhil khongeye khũniạhi kana. Uni do tisge sạriyakʼre bae teṅgo akana, ente unire do sạriyakʼtetʼge bạnukʼa. Uni do eṛe kathae roṛre acʼ khongeye roṛa, ente uni doe eṛeyicʼ kana ar sanam lekan eṛeakʼ do uni khonge janam akana.

Romiko lạgitʼ Pạul Apostolakʼ ciṭhi 6:6

Baḍaegea bon, aboakʼ kại hoṛmo marao lạgitʼge aboren ‘mare hoṛtetʼ’ do Mạsi sãoteye kurus ocoyena jemon kạiren golam do ar alo bon tahen;

Ephesiko lạgitʼ Pạul Apostolakʼ ciṭhi 4:22

Ar noa sikhnạtpe ńamleda je, apeakʼ pạhil cạl-colon lekaten “Mare hoṛtetʼ ” kicricʼ leka totʼ giḍikaepe, ente lilkạr reakʼ lalocte uni “Mare hoṛtetʼ ” doe bạṛijokʼkana.

Ephesiko lạgitʼ Pạul Apostolakʼ ciṭhi 4:25

Onate eṛeakʼ do bạgi giḍiyakʼpe ar ape apere sạri kathako roṛpe, ente jotokoge mimitʼko sãote bon jopoṛaogea.

Kolossiko lạgitʼ Pạul Apostolakʼ ciṭhi 3:8

menkhan ńitokʼ do edre, raṅgao, dusṭạmi, opoman, ar nilạjiạ roṛ ape khon baṛe sahaṛokʼma.

1Timothi 1:10

loṭghuṭiko, jojognako, hoṛ kiriń-ạkhrińko, eṛe katha roroṛko, eṛe goha emokʼko, sạri sikhnạt upạrte eṭakʼ jãhãnakʼko kạmikan onkanko lạgitʼge noa do emakana.

Johan sodor 21:27

Besapha jãhãnakʼ se hirkhạwakʼ kạmiko se eṛe roroṛko nonkan cele hoṛge onḍe do bako bolo daṛeakʼa; ar okoeyakʼ ńutum Bheḍa Hoponakʼ jion reakʼ puthire ol menakʼ, eken onkoge onḍeko bolo daṛeakʼa.

Johan sodor 21:8

Menkhan botorokʼko, bepạtiạrko, hirkhạwakoko, gogocʼko, loṭghuṭiko, jạdu udukʼko, boṅga muṭhạn sekʼwako ar joto lekan eṛekoakʼ mucạtʼ dosa do seṅgel ar gondhok reakʼ dõreaorege.” Ar noa kangea dosar gujukʼ do.”

Johan sodor 22:15

Setako lekan bạṛicʼ hoṛko, jạdu udukʼ baṛakanko, loṭghoṭiko, khũniạhiko, murhutʼ sewako, eṛeakʼ dulạṛko ar eṛeakʼ kạmikanko, onko sanamkoge bahrereko tahena.