Kolossiko lạgitʼ Pạul Apostolakʼ ciṭhi 2:8 - সান্তালী বাইবেল

⁸ Sontor akae tahenpe, jemon okoe hõ hoṛakʼ bidiyạ ar ạuṛi lilkạrte aloe siboṛpema. Mạsi tulucʼ ona cecetʼakʼ reakʼ do jãhãn jurige bạnukʼa; manwakoakʼ ạri-cạli ar dhạrti reakʼ ạḍi lekan ạn-ạrirege ona do ṭehãḍokʼ kana.

Santali Common Language New Testament

⁸ Sontor akae tahenpe, jemon okoe hõ hoṛakʼ bidiyạ ar ạuṛi lilkạrte aloe siboṛpema. Mạsi tulucʼ ona cecetʼakʼ reakʼ do jãhãn jurige bạnukʼa; manwakoakʼ ạri-cạli ar dhạrti reakʼ ạḍi lekan ạn-ạrirege ona do ṭehãḍokʼ kana.

Kolossiko lạgitʼ Pạul Apostolakʼ ciṭhi 2:8 Iomraidhean Croise

Soros sereń 2:15

Ape do khĩkṛĩko sapʼkope, onko kạṭicʼ kạṭicʼ hoponkoge, onko do aboakʼ darkha bagwanko nosṭoyeda; ente darkha nạ̃ṛĩko do bhoṭogokʼ kana.

Jirimiạ 29:8

Ape talare menakʼko nạbiko ar gonokko jemon aloko eṛepe. Onko okaṭakʼ kukmũko ńeletʼ ona do alope moneyakʼa.

Mathae 10:17

Sontor akae tahenpe, ente maraṅ bạisiren hoṛkoakʼ tireko soprotpea ar onkoakʼ sunạgogkore cạbukteko dalpea.

Mathae 16:6

Ado Jisui metatʼkoa, “Phạrusiko ar Sạdukikoakʼ khạmi khon sontor akan tahenpe.”

Mathae 7:15

“Eṛe nạbiko khon sontor akae tahenpe. Onko do bhiḍi chinte ape ṭhenko hijukʼa, menkhan bhitri bhitrite onko do jojom hunḍạr kanako.

Aposkạmi 17:18

Unre Epikuri ar Stoik ponḍitko modren adomko do Pạul tulucʼ reṭepeṭekʼko ehopʼena. Onko modren adomkoko menkeda, “Nui galbạjạriạ do cetʼe menetʼkana?” Arhõ eṭakʼko doko menkeda, “Uni do pasecʼ ạnạ̃ṛi boṅgako reakʼ kathae porcareda.” Onko do noa iạtegeko menkeda, ente Pạul do Jisu reaṅ ar gocʼko khon jewetʼ beredokʼ reaṅe porcarako kan tahẽkana.

Aposkạmi 17:32

Ado gocʼko arhõko jiwetʼ beredokʼa menteko ańjomketʼ khan onko modren adomko doko cigạriyadea, menkhan eṭakʼko doko menkeda, “Ale do noa reaṅ arhõle ańjoma.”

Romiko lạgitʼ Pạul Apostolakʼ ciṭhi 16:17

E boehako, okaṭakʼ sikhnạtpe ńamakatʼ ona upạrte okoe do kạphạriạu ar tạkicʼakʼko janam ocoyetʼkan onko oromkakope ar onko khon sahaṛokʼpe,

1 Korinthiko 10:12

Onate jãhãe kajakteye teṅgo akana menteye monejoṅkan khan, enḍekhan uni doe sontorokʼma jemon aloe bhindạṛokʼ.

1 Korinthiko 8:9

Menkhan, sontor akan tahenpe, jemon apeakʼ noa sạdhintetʼ do nijorkoakʼ tạkicʼakʼ aloe hoyocoe.

2 Korinthiko 10:5

Ale do manwakoakʼ eṛeteakʼle nosṭoyeda ar Isor baḍaeye horre tạkicʼakʼ leka oka hudis bundisko usulokʼe menjoṅkan ona dole dhaṅ dhasereda; ar mon reakʼ mimitʼ hudis bundisko do Mạsi ṭhenle gobol ocoyeda.

Galathiko lạgitʼ Pạul Apostolakʼ ciṭhi 1:14

Iń umerren aema Jihudiko khon hõ ona dhoromre iń do ạḍitetʼ iń laha idilena. Ona chaḍa ińren hapṛamko ṭhen khon okako ạri-cạli hecʼ ạguakan ona reaṅ hõ ạḍi jidiń tahẽkana.

Galathiko lạgitʼ Pạul Apostolakʼ ciṭhi 4:3

Onka leka gidrạ bon tahẽkanre abo hõ dhạrti reakʼ ạḍi lekan ạri-cạliren golam bon tahẽkana.

Galathiko lạgitʼ Pạul Apostolakʼ ciṭhi 4:9

Menkhan ńitokʼ do Isorpe baḍae akadea; ar hẽ, Isorge apeye baḍaeketʼpea. Enḍekhan cekate arhõ dhạrti reakʼ ạḍi lekan nijor ar ạuṛiyakʼ ạri-cạli secʼpe ạcur ruạṛokʼ kana? Ape do cetʼ arhõ onkoren golam hoyokʼpe menjoṅ kana?

Galathiko lạgitʼ Pạul Apostolakʼ ciṭhi 5:15

Menkhan ape apepe jhogṛakʼ arpe hipiskạ kan khan men sontorokʼpe! Arpe nonkae khan ape do apetegepe maraokʼa.

Ephesiko lạgitʼ Pạul Apostolakʼ ciṭhi 2:2

Dhạrti reakʼ cạli leka ape hõ pạhil do bebatao ar kạirepe dãṛãnkan tahẽkana. Ar okoeṭakʼ jiu doe hoe reakʼ etkiạriren rajkan uni bạṛicʼ jiuge Isorren bebatao hoṛko talareye kạmikana, ar ape do uni jiugepe pańjayede tahẽkana.

Ephesiko lạgitʼ Pạul Apostolakʼ ciṭhi 4:20

Menkhan Mạsire nonkan sikhnạt ape do bape ńamakada.

Ephesiko lạgitʼ Pạul Apostolakʼ ciṭhi 5:6

Ạuṛi sạuṛi kathate okoe hõ jemon aloko bulạupe ma, ar eṭakʼ horte aloko idipe ma, ente okoe bebatao iạte onako kạmi onkorege Isorakʼ sạjại do paṛaokʼa.

Philipiko lạgitʼ Pạul apostolakʼ ciṭhi 3:2

Onko setako khon, metakʼme okoe bạṛicʼakʼko kạmikan ar khatna ocokʼ lạgitʼko ãṭokʼkan onko khon sontorokʼpe!

Kolossiko lạgitʼ Pạul Apostolakʼ ciṭhi 2:18

Okoe apnarakʼ hoṛmo kosṭoko emakʼkan ar serma goḍet sewawako reakʼ jạruṛko bujhạuetʼkan onko do apeakʼ jit siropa ńamokʼ horre tạkicʼakʼ jemon aloko hoyocoe. Nonkan hoṛ do okako ńelakatʼ menteko hudisetʼkan ona reaṅ ạḍi maraṅ maraṅ kathako roṛa ar ạuṛi bạḍạiteko phulạukʼa, ente onkoakʼ mon do jel reakʼ sanare gobol akantakoa.

Kolossiko lạgitʼ Pạul Apostolakʼ ciṭhi 2:20

Mạsi tulucʼpe gocʼente ape do dhạrti reakʼ aema lekan ạri-cạli khonpe pharak akana, menkhan enrehõ dhạrtiren hoṛko leka cedakʼ arhõ dhạrti reakʼ ạri-cạlirepe gobolokʼ kana?

Kolossiko lạgitʼ Pạul Apostolakʼ ciṭhi 2:23

Ar noako ạri-cạli ńelokʼte do akelte perecʼakʼ lekage bujhạukʼa, ente cetʼ leka sewae hoyokʼa, cetʼleka apnarte huḍińokʼ hoyokʼa, cetʼleka apnarakʼ hoṛmore kosṭo emakʼ hoyokʼa, ona do noa ạri-cạlikogeye baḍae ocokoa, menkhan jel reakʼ sana koboj lạgitʼ noako do oka kaj reakʼ hõ baṅkana.

1Timothi 6:20

E Timothi, oka jogao doho lạgitʼ jimạ akawatʼme ona do bes okocʼte horho doho akae tahenme; ạuṛiyakʼ akel reakʼ bebhokti roṛ ar eṛe cecetʼakʼ khon sahaṛ akae tahenme.

2Timothi 3:13

Menkhan bạṛicʼko ar bhonḍko do din din artetʼgeko bạṛicʼ idikʼa. Onko do eṭakʼko bhul horteko idikoa ar apnarhõ bhul horteko calakʼa.

Ibriko 13:9

Aema lekan nãwã nãwã cecetʼakʼte bhul horte jemon aloko bulạu idipe. Aboakʼ mon do dãṛẽ samaṅ akatʼ jomakʼre tahẽ baṅkate Isorakʼ dayare jemon kajakte ṭarhao akae tahen. Okoe ona jomakʼreko ṭehãḍokʼkan tahẽkan, onko do ona jomakʼ khon jãhãn porho baṅ hoylentakoa.

Ibriko 3:12

E boehako, sontor akae tahenpe! Ape modre okoeyakʼ monrehõ bạṛicʼ ar bepạtiạu jemon alo tahen. Nonkan mon do jiwetʼ Isor khon pharakokʼa.

1 Patras 1:18

Baḍaegeape, jion horte calakʼ lạgitʼ aperen hapṛamko ṭhen khonpe ńamakatʼ bạṛicʼ colon khon sona se rupạ leka heṛokʼ jãhãn jiniste do bape kiriń chaḍao akana;

2 Patras 3:17

E dulạṛiạ boehako, ape do noa katha laharegepe baḍae akatʼte sontor akae tahenpe, jemon noko bạṛicʼ hoṛkoakʼ bhul horte aloko bulạu idipe, ar apeakʼ kajak mon khon alope ńurokʼ.

2 Johan 1:8

Ape do sontor akae tahenpe, jemon apepe kạmiakatʼ reakʼ kuṛại purạtepe ńam daṛeakʼ.