Kolossiko lạgitʼ Pạul Apostolakʼ ciṭhi 2:5 - সান্তালী বাইবেল

⁵ Iń do hoṛmo secʼte hạjir bạnuńre hõ Jiu secʼte doń hạjirgea ar apeakʼ bhage cạl-colon ar Mạsire apeakʼ kajaktetʼ ńeletʼteń rạskạkʼ kana.

Santali Common Language New Testament

⁵ Iń do hoṛmo secʼte hạjir bạnuńre hõ Jiu secʼte doń hạjirgea ar apeakʼ bhage cạl-colon ar Mạsire apeakʼ kajaktetʼ ńeletʼteń rạskạkʼ kana.

Kolossiko lạgitʼ Pạul Apostolakʼ ciṭhi 2:5 Iomraidhean Croise

2 Bõsbudạ 29:35

Sulukren samaṅokʼakʼ reakʼ itil jeredokʼ porob ar jeredokʼ samaṅokʼakʼ reakʼ porob ar ona sãote coḍor samaṅokʼakʼ porobko seletʼ aema samaṅokʼakʼ porobko porobena. Nonkate Probhu Isorakʼ oṛakʼ reakʼ sapʼsor kạmi do arhõ ehopʼena.

Sereńko 78:37

Onkoakʼ ontor do unire uricʼ baṅ tahẽkana; ar uniyakʼ bondobosre onko do pạtiạr bako tahẽkana.

Sereńko 78:8

Onate onkoren hapṛamko leka onko do ṭenḍos ar huhulko do bako hoyokʼa; onko hapṛamkoakʼ ontor do Isor secʼ pạtiạr baṅ tahekana ar mon hõ baṅ tahẽkantakoa.

Numeri 7:11

Probhu Isor do Moseye galmaraoade tahẽkana, “Pinḍre din hilokʼ reakʼ samaṅokʼakʼ lạgitʼ mukhiyạko do akoakʼ sandesko ạguima.”

Aposkạmi 2:42

Onkoko hoṛ do apostolkoakʼ cecetʼakʼko ańjometʼkan tahẽkana, ar onko sãote mitʼte Probhu kedokʼko ataṅetʼ tahẽkana ar koejoṅre jamaṛ akanko tahẽyena.

Aposkạmi 20:21

Jihudi ar Junạniko ṭhen iń do jorkateń lại akada je, kại khon mon ạcurkate onko do Isor secʼ ruạṛokʼ hoyokʼtakoa ar Probhu Jisure biswạsokʼ jạruṛtakoa.

1 Korinthiko 11:34

Ar jãhãe reṅgeje khan uni do oṛakʼ khone jom ạguiyma, jemon manḍer jarwakʼ khạtirte sạjại aloe ńam; ar eṭakʼakʼ reaṅ do ińiń hecʼlenreń lạiyapea.

1 Korinthiko 14:40

Menkhan noako sanamakʼ do ṭhik leka ar napaetege baṛe hoyokʼma.

1 Korinthiko 15:58

Onate, E ińren boehako, kajakte teṅgo ṭak akae tahenpe; jemon okaṭakʼte hõ alope ocogokʼ; ar jaoge Probhu Isorakʼ kạmire sareṛokʼpe, entepe baḍaegea, uniyakʼ kạmire mehnot do baṅ ạuṛiyagokʼ tapea.

1 Korinthiko 16:13

Ape do jagwar akae tahenpe, biswạsre keṭecʼte teṅgo akan tahenpe, jhũkokʼpe ar daṛeanko hoyokʼpe.

Kolossiko lạgitʼ Pạul Apostolakʼ ciṭhi 2:1

Iń doń menjoṅ kana jemonpe baḍae baṅma, iń do ape lạgitʼ ar Laodikiạ nagraha reakʼ manḍerren hoṛko lạgitʼ, ar okoe bako ńel akadiń onko sanamko lạgitʼ ạḍiń khaṭaokʼ kana mente.

1 Thessalonikikko 2:17

Ado E boehako, mon secʼte baṅre hõ hoṛmo secʼte ape ṭhen khon thoṛa ghạṛicʼ lạgitʼle begar akana. Onate gagoc mon salakʼle kurumuṭuleda jemon arhõ ape tulucʼle ńepel ńapam daṛeakʼ.

1 Thessalonikikko 3:8

Probhu Isorre apeakʼ pạtiạu kajak akae tahen khan ale do bhạgankole hoyokʼa.

Ibriko 3:14

Ente pạhilre okaṭakʼ bhorsa tahẽkan, onare mucạtʼ hạbicʼ teṅgo ṭak akan bon tahẽlen khan, abo do Mạsi tulucʼ bakhradarko bon hoyokʼa.

Ibriko 6:19

Noa as do aboakʼ jionre loṅgor leka khạṭi ar kajakgea, ar ona do sonot jaega reakʼ orwal tayomre, metakʼme Isor samaṅre seṭerokʼa.

1 Patras 5:9

Pạtiạure jamaṛ akae tahente Soetan teṅgo daramepe, entepe baḍaegea, goṭa dhạrtire aperen biswạsi boehako do inạ mitʼlekan duk sasetgeko jomeda.

Rut reakʼ kạhini 1:18

Naomi do tinreye bujhạukeda, Rut do uni tulucʼ calakʼgeye mone muruk akada unre ar cetʼge bae metadea.