Kolossiko lạgitʼ Pạul Apostolakʼ ciṭhi 2:4 - সান্তালী বাইবেল

⁴ Iń do noa kathageń metapekana jemon okoe hõ ạuṛiyakʼ kathakote bhul horte aloko ạnḍicʼ idipe.

Santali Common Language New Testament

⁴ Iń do noa kathań metapekana jemon okoe hõ ạuṛiakʼ kathakote bhul horte aloko ạnḍicʼ idipe.

Kolossiko lạgitʼ Pạul Apostolakʼ ciṭhi 2:4 Iomraidhean Croise

Mathae 24:24

ente aema eṛe Mạsi ar eṛe nạbikoko upelokʼa ar maraṅ maraṅ hahaṛa kạmi ar cinhạkoko uduga jemon Isorren bachao akan hoṛkoko bulạu daṛeako.

Mathae 24:4

Jisui roṛ ruạṛatʼkoa, “Men sontorokʼpe, okoe hõ jemon aloko bulạupe,

Mark 13:22

ente eṛe Mạsi ar eṛe nạbikoko upelokʼa ar maraṅ maraṅ hahaṛa kạmi ar cinhạkoko uduga, hoydaṛeakʼ khan Isorren bachaoko hõko bulạu daṛeakoa.

Aposkạmi 20:30

Ape bhitriko khon hõ hoṛko teṅgonte Isorakʼ sạriyakʼtetʼ do eṛeteakʼ benaoko kurumuṭuya jemon pạtiạu akanko ako secʼko or idi daṛeako.

1 Korinthiko 2:4

ińakʼ porcar ar ińakʼ roṛre hoṛko rạmjạu ocoko leka akelte perecʼ bidiyạ hõ baṅ tahẽkantińạ, bickom onare sonot Jiuakʼ daṛege ńelokʼkan tahẽkana,

2 Korinthiko 11:3

Menkhaniń botorokʼ kana, uni biń do acʼakʼ bạṛicʼ phorphundite cetʼleka Hawae bulạulede onkage Mạsire menakʼtape soṛatetʼ ar napaetetʼ khon apehõkoe bulạu botecʼpea.

Galathiko lạgitʼ Pạul Apostolakʼ ciṭhi 2:4

Adom eṛe boehako oko okoteko bololente katha do rakapʼlena. Jisu Mạsire biswạsiko lekate aboakʼ oka sạdhintetʼ menakʼ ona sạdhintetʼ reakʼ dosko sab lạgitʼ onko do oko okoteko bololena jemon golamko benao daṛeabon.

Ephesiko lạgitʼ Pạul Apostolakʼ ciṭhi 4:14

Bạṛicʼ bulạuakʼte eṭakʼko bhul horte idiko lạgitʼ oka bhul sikhnạtko emakokan, ona bhul sikhnạt iạte abo do hoete sokojokʼkan ḍheoko leka hante nate alo bon sokojokʼma.

Ephesiko lạgitʼ Pạul Apostolakʼ ciṭhi 4:17

Onateń meneda, Probhu Isor ńutumteń sikhạuetʼpe kana boṅgan hoṛ jạtrenko cetʼleka bạṛicʼ cintạ talate jionko khemaoetʼkan onka do alope khemaoa.

Ephesiko lạgitʼ Pạul Apostolakʼ ciṭhi 5:6

Ạuṛi sạuṛi kathate okoe hõ jemon aloko bulạupe ma, ar eṭakʼ horte aloko idipe ma, ente okoe bebatao iạte onako kạmi onkorege Isorakʼ sạjại do paṛaokʼa.

Kolossiko lạgitʼ Pạul Apostolakʼ ciṭhi 2:18

Okoe apnarakʼ hoṛmo kosṭoko emakʼkan ar serma goḍet sewawako reakʼ jạruṛko bujhạuetʼkan onko do apeakʼ jit siropa ńamokʼ horre tạkicʼakʼ jemon aloko hoyocoe. Nonkan hoṛ do okako ńelakatʼ menteko hudisetʼkan ona reaṅ ạḍi maraṅ maraṅ kathako roṛa ar ạuṛi bạḍạiteko phulạukʼa, ente onkoakʼ mon do jel reakʼ sanare gobol akantakoa.

Kolossiko lạgitʼ Pạul Apostolakʼ ciṭhi 2:8

Sontor akae tahenpe, jemon okoe hõ hoṛakʼ bidiyạ ar ạuṛi lilkạrte aloe siboṛpema. Mạsi tulucʼ ona cecetʼakʼ reakʼ do jãhãn jurige bạnukʼa; manwakoakʼ ạri-cạli ar dhạrti reakʼ ạḍi lekan ạn-ạrirege ona do ṭehãḍokʼ kana.

2Timothi 2:16

Isor be bhokti ar bạṛicʼ kathako khon sahaṛokʼme, ente nonkan katha iạte hoṛkoakʼ monre Isor bhokti do kom idikʼa.

2Timothi 3:13

Menkhan bạṛicʼko ar bhonḍko do din din artetʼgeko bạṛicʼ idikʼa. Onko do eṭakʼko bhul horteko idikoa ar apnarhõ bhul horteko calakʼa.

1 Johan 2:18

E hoponińko, noa kangea mucạtʼ okte do. Apepe ańjom akada je, Mạsiren bạiriye hijukʼkana mente, menkhan ńitrege uniren do arhõ aema bạiriko hecʼakana. Onate bon bujhạu daṛeakʼkana, noa kangea mucạtʼ okte do.

1 Johan 2:26

Okoe bạṛicʼ horte idipe lạgitʼko kurumuṭuyetʼkan, onko reaṅ iń do noakoń olatʼpea.

1 Johan 4:1

E dulạṛiạ gidrạkotiń, joto Jiu do alope pạtiạu akoa, bickom biḍạu aṭkarkope onko do Isor khonko hecʼakana se baṅa, ente dhạrtire aema eṛe nạbikoko oḍok akana.

2 Johan 1:7

Dhạrtire nonkan aema hoṛko oḍok akana okoe doko bukʼlạuko kan. Ente Jisu Mạsi manwa lekateye hecʼlen ona do bako aṅgoceda. Ar nonkan bulạukan hoṛge Mạsiren do bạiri kanako.

Johan sodor 12:9

Unre uni maraṅ okocʼ biń ar uniren soṅgeten goḍetko do dhạrtiteko lebda ńur ocoyena. Nui biń doe hoyokʼ kana uni mare bińge okoe do Diabol Soetanko metaekan. Uni do dhạrtiren sanam hoṛko bhul horteye idiyetʼkoa.

Johan sodor 13:8

Okoe doko noa dhạrtirenkan, metakʼme dhạrti rehetʼ khon gocʼ ocolen Bheḍa Hoponakʼ jion puthire okoekoakʼ ńutum ol bạnukʼtako onko sanamko do Isor leka uniko sewawaea.

Johan sodor 20:3

Tayomte kulup oṭokate ona cetanreye chap oṭowada, jemon ona mitʼ hajar bochor ạuri mucạdokʼ hạbicʼ dhạrtire jạt jạtrenko eṭakʼ bhul horte bae idi daṛeako; ona tayom thoṛa din lạgitʼ uni doe aṛakʼ ocokʼa.

Johan sodor 20:8

Unre uni do goṭa dhạrtire senkate jạt jạtrenko, metakʼme Gog ar Magoge bulạukinạ ar onkin do lạṛhại lạgitʼe jarwakinạ. Ar onko do lekhare jalapuri reakʼ gitil lekako hoyokʼa.