Kolossiko lạgitʼ Pạul Apostolakʼ ciṭhi 2:2 - সান্তালী বাইবেল

² Ińakʼ monejoṅakʼ do noage jemon onko do ontorre udgạuko ńamte dulạṛreko tol midokʼ, ar Mạsi reaṅko bujhạute oka khạṭitetʼ ńamokʼ ona reaṅ purạ khạṭitetʼ jemon asambheṛko lab joṅ. Ar ona khạtirte Isorakʼ sạri okoakʼko, metakʼme Mạsiko baḍae orom daṛeaea.

Santali Common Language New Testament

² Ińakʼ monejoṅakʼ do noage jemon onko do ontorre udgạuko ńamte dulạṛreko tol midokʼ, ar Mạsi reaṅko bujhạute oka khạṭitetʼ ńamokʼ ona reaṅ purạ khạṭitetʼ jemon asambheṛko lab joṅ. Ar ona khạtirte Isorakʼ sạri okoakʼko, metakʼme Mạsiko baḍae orom daṛeaea.

Kolossiko lạgitʼ Pạul Apostolakʼ ciṭhi 2:2 Iomraidhean Croise

1 Rapajko 3:28

Rajakʼ bicạr ańjomkate Israelren sanamkoakʼ monre raj cetanre botor caṛhaoena, ente onkoko ńelkeda, bicạr chinḍạu lạgitʼ Isor do monre ạkile emakawadea.

Sereńko 133:1

Ńelpe, tinạkʼ bhage ar juta boehako mitʼteko tahen do!

Jesaea 32:17

Ar dhorom do suluk reakʼ jo hoyokʼa, ar ona iạte jaejug lạgitʼ khạtirjoma ar bhorsage hijukʼa.

Jesaea 40:1

Aperen Isorre meneda, “Ińren hoṛko jiwi raṛecʼ emakope, Jiwi raṛecʼ emakope.

Jesaea 53:11

Uni do acʼakʼ jiwi reakʼ duke ńela are tirpitokʼa; Probhu Isore meneda, ‘ińre dhorom golam do acʼakʼ baḍaete ḍher hoṛkoe dhorom ocokoa, ente uni do onkoakʼ sanam ghạṭkoe gogtakoa.

Jirimiạ 9:24

menkhan jãhãe sarhaokʼe menjoṅ kan khan uni do noa iạteye sarhaokʼma, uni do ińe orom akadińạ, metatʼme uni doe baḍae akadińạ, iń kangeạń Probhu Isor do; ińakʼ dulạṛ do asambheṛgea ar dhạrtire ińakʼ kạmi do dhorom ar sạriyakʼte perecʼgea. Ente iń do noakogeń bạsutakʼkana. Ar iń Probhu Isorge noa katha doń meneda.”

Mathae 11:25

Ona tayom Jisui menkeda, “E Baba, ot ar sermaren Probhu Isor. Amiń sarhaoetʼmea, ente am do ạkilan ar budanko ṭhen khon noako reaṅ dom oko dohoakada, menkhan kạṭicʼ gidrạ lekanko ṭhen dom sodor akada.

Mathae 11:27

“Ińren Baba do sanamakʼge ińakʼ tireye jimạ akada. Baba chaḍa Hopon do okoe hõ bako baḍaeyede kana ar Hopon chaḍa Baba hõ okoege bako baḍae edekana, Hopon okoe ṭhen Baba sodoreye menjoṅkan unige uni doe baḍaeyea.

Mathae 13:11

Uniye roṛ ruạṛatʼkoa, “Ape do serma raj reakʼ okoakʼkope baḍae ocoakana, menkhan onko do baṅ em akatʼkoa.

Luk 1:1

Manotan Thiophil, aboko talare okako ghoṭna hoylen ar pạhil khon okoekoko ńelletʼ ar Isorakʼ bhage sombatko porcarletʼ, onko do ale sanamakʼko baḍae ocoakatʼlea, ar onkoakʼ katha lekage ḍher hoṛ do ona reaṅko ol akada.

Johan 10:30

“Iń ar Baba doliń mitʼgea.”

Johan 10:38

Menkhan ińiń kạmikan khan iń bape pạtiạuạńre hõ ińakʼ kạmiko baṛe pạtiạuakʼpe. Onatepe baḍaea arpe bujhạu daṛeakʼa, Baba do ińre menaea ar iń do Babare minạńa.”

Johan 16:15

Ona iạteń meneda, jãhãnakʼgeń cekae ariń roṛ onage uni do apeye baḍae ocopea.

Johan 17:3

Ar jaejug jion do nõkʼõe, amge eskar sạri Isorko baḍaeme ar amem kolakade Jisu Mạsi.

Johan 5:17

Unre uni do onko mukhiyạkoe metatʼkoa, “Ińren Baba do jao ghuṛiye kạmikana ar iń hoń onkayeda.”

Johan 5:23

Baba cetʼlekako manotede onkage jemon Hopon hõko manote. Hopon okoe bae manotede, uni do kol akadińicʼ Baba hõ bae manotea.

Johan 6:69

Alele biswạs akana arle baḍae akada, am do Isorren uni sonoticʼ kanam.”

Aposkạmi 4:32

Mạsire pạtiạu akan sanamkoge mon ar jiwite mitʼko tahẽkana. Onko do okaṭakʼge apnarakʼ kana mente bako dạbiyetʼkan tahẽkana, bickom sanamakʼge apan ạpin jạruṛakokan lekako beoharetʼ tahẽkana.

Romiko lạgitʼ Pạul Apostolakʼ ciṭhi 15:13

Okoe ase dan abonkan uni Isor do apeakʼ biswạs hotete asambheṛ rạskạ ar sulukteye perecʼpema. Enḍekhan sonot Jiu reakʼ daṛete apeakʼ ontor reakʼ as do sareṛokʼtapea.

Romiko lạgitʼ Pạul Apostolakʼ ciṭhi 16:25

Jisu Mạsi reaṅ oka bhage sombat iń porcaretʼkan ona bhage sombat hotete ṭarhao dohope reakʼ daṛe do Isorakʼ menakʼgetaea. Ar ḍher jug hạbicʼ Isor do acʼakʼ okoakʼko reaṅ okoege bae lại akawatʼkoa,

Romiko lạgitʼ Pạul Apostolakʼ ciṭhi 2:4

Am do Isorakʼ asambheṛ daya, sahao daṛe ar soborim neṅghaoetʼtaea. Am dom hiṛiń akada, Isorakʼ noa daya do kại khone ạcur ruạṛetʼmea mente.

1 Korinthiko 14:31

ente ape sanamkoge mimitʼ hoṛkate nạbi lekate kathape roṛ daṛeakʼa, jemon sanamkoge sikhạunako ńam ar sanamkogeko udgạu ocokʼ.

1 Korinthiko 2:12

Abo do dhạrtiren Jiu do babon ńamakadea, bickom Isor khonakʼ uniren Jiuge bon ńamakadea, jemon Isor okae danakatʼ ona bon bujhạu daṛeakʼa;

Galathiko lạgitʼ Pạul Apostolakʼ ciṭhi 3:28

Jihudi ar boṅgan hoṛ jạtrenko talare, golam ar sạdhin hoṛko talare, maejiu ar herel talare jãhãn begar do bạnukʼa, ente Mạsi Jisu tulucʼpe joṛao mitʼ akante jotoko Mạsirepe mitʼgea.

Ephesiko lạgitʼ Pạul Apostolakʼ ciṭhi 1:7

Isorakʼ bin mucạtʼ dayate Mạsi tulucʼ bon jopoṛao akante uniyakʼ mãyãm hotete bon chaḍao ocoakana, metakʼme kại reakʼ ikạ bon ńam akada.

Ephesiko lạgitʼ Pạul Apostolakʼ ciṭhi 3:16

Iń doń koejoṅkana jemon Isorakʼ asambheṛ ṭhonok lekate uni do nonkan daṛeye emape, jemon sonot Jiu hotete apeakʼ ontor do daṛeanakʼ hoyokʼtape,

Ephesiko lạgitʼ Pạul Apostolakʼ ciṭhi 3:3

Uniyakʼ okoakʼ monsubạ do mitʼṭecʼ sodorakʼ hoteteye baḍae ocoakadińạ, ar noa reaṅ iń do ape ṭhen thoṛa kathateń olkeda.

Ephesiko lạgitʼ Pạul Apostolakʼ ciṭhi 6:22

Ar ale reaṅ jemonpe baḍae daṛeakʼ ar uni jemon udgạue emape onate iń do ape ṭheniń kolkedea.

Philipiko lạgitʼ Pạul apostolakʼ ciṭhi 2:1

Enḍekhan Mạsi tulucʼpe kolom mitʼakan iạte uskur mon ńamokʼkan khan, ar Mạsiyakʼ dulạṛ iạte jiwire juḍạsi ńamokʼkan khan, sonot Jiu ar ape talare helmel menakʼ khan, apeakʼ ontorre mãyã ar daya menakʼ khan,

Philipiko lạgitʼ Pạul apostolakʼ ciṭhi 3:8

Sạrige okoe lạgitʼ noako lokshaniń bujhạu akatʼ uni ińren Probhu Jisu Mạsi baḍaeyere oka asambheṛ bhor menakʼ, uni ńutumte jotowakʼge lokshan menteń hudiseda. Mạsi jemoniń lab daṛeae ar Mạsire jemoniń ńel ńamokʼ, onate onako do mạilạ lekań bujhạueda.

Kolossiko lạgitʼ Pạul Apostolakʼ ciṭhi 1:26

Isorakʼ kathare okaṭakʼ sạri okoakʼ sedaeren hoṛko ṭhen jug jug khon okoge tahẽkan, ńitokʼ acʼren hoṛko ṭhen ona do sodor akana.

Kolossiko lạgitʼ Pạul Apostolakʼ ciṭhi 1:27

Isor doe khojkana, boṅgan hoṛ jạtrenko talare hõ uniyakʼ noa sạri okoakʼ reakʼ maraṅ ṭhonok cetʼkana mente, ona jemon acʼren sanam hoṛko baḍae daṛeakʼ. Ona sạriyakʼ do noage, Mạsi do apeakʼ ontorre menaete uniyakʼ ṭhonok ńam reakʼpe as akana.

Kolossiko lạgitʼ Pạul Apostolakʼ ciṭhi 1:9

Onate ape reaṅ ańjom tayom khonge ạliń do jao ghuṛi ape lạgitʼ liń koejoṅ kana. Jiuteakʼ akel ar bud salakʼ Isorakʼ monejoṅakʼ jemon purạtepe bujhạu daṛeakʼ onate Isor ṭhenliń khojkana.

Kolossiko lạgitʼ Pạul Apostolakʼ ciṭhi 2:19

Onko do kajakte mathatetʼ, metakʼme Jisu Mạsi do bako sapʼ dohoyede kana, menkhan ona matha reakʼ ạyurte goṭa hoṛmo do jaṅ ar jel reakʼ tol midokʼkante Isorakʼ sana leka hara idikʼkana.

Kolossiko lạgitʼ Pạul Apostolakʼ ciṭhi 3:14

Ar onako sanamakʼ cetanre dulạṛte sajokʼpe. Ente dulạṛ do sạbit utạrokʼ reakʼ tonol kana.

Kolossiko lạgitʼ Pạul Apostolakʼ ciṭhi 4:3

Ona sãote ale lạgitʼ hõ koejoṅpe jemon Mạsi reaṅ sạri okoakʼ reakʼ katha porcar lạgitʼ Isor do ạte emabon. Ar ona sạri okoakʼ lạgitʼge iń doń bondi ocoakana.

Kolossiko lạgitʼ Pạul Apostolakʼ ciṭhi 4:8

Ale reaṅakʼkope baḍaete uni do jemon udgạue emdaṛeape onate ape ṭheniń kolkedea.

1 Thessalonikikko 1:5

ente alele porcar akatʼ bhage sombat do eken katha motote do baṅ seṭer akatʼpea, menkhan daṛete, sonot Jiute ar purạ khạṭi salakʼ hecʼatʼpe tahẽkana. Ape sãote tahẽkan jokhecʼ apeakʼ bhạlại lạgitʼ cetʼ lekale colonetʼkan tahẽkan ona mape baḍaege.

1 Thessalonikikko 5:14

E boehako, ale do noale sikhạuetʼpe kana, okoeko kuṛhiạge onko sontorkope; ar okoeyakʼ dil bạnukʼtako onko do dil emakope; okoeko nijorge onko goṛowakope ar sanamko secʼ sombhurikate sapahaope.

1Timothi 3:16

Isor bhokti reakʼ sạri okoakʼ je maraṅge ona do jotokogeko aṅgoca. Ona sạritetʼ do noage, Uni do manwa lekateye sodorena; ar Jiureye dhorom ocoyena; serma goḍet do uniko ńelledea; sanam jạtrenko ṭhen uni reaṅ porcarlena; dhạrtiren hoṛko do unireko pạtiạuena; ar serma ṭhonokre uni doe rakapʼ ocoyena.

Ibriko 10:22

Onate pạtiạu talate oka khạṭitetʼ hijukʼkan, ona sạbit utạrakʼ khạṭi ontorte Isor samaṅre bon calakʼma; ente dusi bibek reakʼ ti khon aboakʼ ontor do mãyãm chiṭiạukate sapha ocoakana ar phạriạ dakʼte hoṛmo do um sapha akan tabona.

Ibriko 6:11

Alele khojkana, ape mimitʼko jemon mucạtʼ hạbicʼ inạ jidge tahentape. Onate purạtepe khạṭi joṅa je, apeakʼ as do purạukʼtapea.

2 Patras 1:10

Onate E boehako, sạrige Isor do apeye hohoakatʼpe are bachao akatʼpe ona khạṭi ocoy lạgitʼ arhõ bạ̃ṛti jid monanko hoyokʼpe. Ar noakope nonka lekhan tis hõ ohope tohotʼlena.

2 Patras 1:3

Okoe acʼakʼ ṭhonok ar soros gunteye hohoakatʼ bon, uniyakʼ khạndriyakʼko baḍae hotete acʼakʼ Isor daṛete nonkanakʼkoe dan akatʼbona, one ona hotete abo do Isor botoraete jion bon khemao daṛeakʼ.

2 Patras 3:18

Ape do aboren Probhu Isor ar babańcaoicʼ Jisu Mạsiyakʼ daya ar uni reaṅ akelte hara rakabokʼpe. Ńit ar jaejug hạbicʼ uniyakʼge ṭhonok hoyokʼtae ma. Amen.

1 Johan 3:19

Khan noate bon baḍae daṛeakʼa, abo do sạriyakʼren kana bon mente. Ona chaḍa jãhãnakʼ babotre aboakʼ ontor aboe dusi bon khan, enḍekhan Isor samaṅre aboakʼ ontorre jiwi raṛecʼ bon em daṛeaea. Isor do aboakʼ ontor khone maraṅgea ar jotowakʼgeye baḍaea.

1 Johan 5:7

Sonot Jiu, dakʼ ar mãyãm, noa pea talate ona goha do hijukʼkana ar ona pene goha do mitʼgea.