Kolossiko lạgitʼ Pạul Apostolakʼ ciṭhi 2:16 - সান্তালী বাইবেল

¹⁶ Onate jom-ńũ se jãhãn dhorom porob babot reakʼ se ambas reakʼ se jirạukʼ mãhãko reakʼ okoe hõ aloko bicạrpe ma.

Santali Common Language New Testament

¹⁶ Onate jom-ńu se jãhãn dhorom porob babot reakʼ se ambas reakʼ se jirạukʼ mãhãko reakʼ okoe hõ aloko bicạrpe ma.

Kolossiko lạgitʼ Pạul Apostolakʼ ciṭhi 2:16 Iomraidhean Croise

Romiko lạgitʼ Pạul Apostolakʼ ciṭhi 14:10

Enḍekhan cedakʼ am do amren boehamakʼ dosem sapʼeda? Ar cedakʼ amren boeha dom nihạ̃t edekana? Bicạr lạgitʼ ma sanamkoge coṅ Isor samaṅre teṅgokʼ hoyokʼ tabon.

Galathiko lạgitʼ Pạul Apostolakʼ ciṭhi 4:10

Ape do dinko, candoko, ar bochorkope manaoetʼkana.

Ibriko 13:9

Aema lekan nãwã nãwã cecetʼakʼte bhul horte jemon aloko bulạu idipe. Aboakʼ mon do dãṛẽ samaṅ akatʼ jomakʼre tahẽ baṅkate Isorakʼ dayare jemon kajakte ṭarhao akae tahen. Okoe ona jomakʼreko ṭehãḍokʼkan tahẽkan, onko do ona jomakʼ khon jãhãn porho baṅ hoylentakoa.

Jeheskel 45:17

Ar disạm cakʼlaoyicʼ do sanamakʼ porobko, molokʼ candoko reakʼ ar jirạukʼ mãhã lạgitʼ, metakʼme Israel jạtrenkoakʼ niṭ akatʼ sanamakʼ porobko lạgitʼ jeredokʼ samaṅokʼakʼ lạgitʼ, anaj samaṅokʼakʼ lạgitʼ, coḍor samaṅokʼakʼ lạgitʼ jiniskoe kulạu juṛạua. Uni do Israelkoakʼ kại ńutumte puruchunokʼ lạgitʼ samaṅokʼakʼ, anaj samaṅokʼakʼ, jeredokʼ samaṅokʼakʼ ar sulukren samaṅokʼakʼ lạgitʼ jiniskoe kulạu juṛạua.

Nehemiạ 10:33

Niạko sekelte jemon ṭebil cetanre samaṅakʼ piṭhạ ńamokʼ ar jaoge jomakʼ ar jeredokʼ samaṅokʼakʼ porob, jirạukʼ mãhãre samaṅokʼakʼ porob, ambas ar eṭakʼ niṭ akatʼ din reakʼ porobko, sonot jinis samaṅokʼakʼ porob ar Israelkoakʼ kại ńutumte samaṅokʼakʼ porob ar Isorakʼ oṛakʼ reakʼ sanam kạmiko jemon hoyokʼ.

Mathae 15:11

Moca secʼte oka bolokʼkan onate manwa do bae bhõnḍokʼa, menkhan moca khon oka oḍokokʼkan onatege manwa doe bhõnḍokʼ kana.”

Ibriko 9:10

Onako do eken hoṛmoteakʼ kana, metakʼme jom-ńũ ar dhorom reakʼ niạm lekate saphakʼ reaṅge. Onako do sanamakʼ jut aroe okte hạbicʼge kạmire lagaolena.

Jakob 4:11

E boehako alope okta baṛaya. Okoe boeha upạrte kathae roṛ se boehawakʼ doskoe ńam baṛae uni do ạn upạrte kathae roṛa ar ạn-ạri reakʼ doskoe ḍunḍhạu baṛaea. Am do ạn-ạri reakʼ doskom ńam baṛae khan enḍekhan ona do bam manaoeda bickom ona reakʼem bicạreda.

Mark 7:19

Ente uniyakʼ ontorre ona do baṅ bolokʼ kana menkhan lacʼre bolokʼkana, ar tayomte ona do hoṛmo khon oḍok giḍikʼa.” Ona kathate uni do joto jomakʼge saphagea menteye bujhạu ocoyeda.

Aposkạmi 15:20

Bickom onko ṭhen noa katha bon olma, jemon boṅga tulucʼ jopoṛao sanamakʼ ar joto lekan loṭghuṭi khon sahaṛ akanko tahen, ar limbạtʼ gocʼ janwarakʼ jel ar mãyãm jemon aloko jom.

Jeheskel 4:14

Unre ińiń menkeda, “E Probhu Isor, nonka do alo baṛe hoyokʼma. Iń do tishõ bạń besapha akana. Gidrạ khon ńit hạbicʼ acʼte gocʼ akan janwar se janwar hotete ciro gocʼicʼakʼ jãhãnakʼge bạń jomakada. Jãhãn besapha jel do ińakʼ mocate baṅ bolo akana.”

Jesaea 1:13

Ạuṛiyakʼ samaṅokʼakʼ jinis do ar alope ạguiya. Iń do apeakʼ dhup jeredokʼakʼ doń hirkhạwakʼ kana. Molokʼ cando, jirạukʼ mãhã, dhorom sabha ar porobko reakʼ bedhoromakʼ kheloḍko iń do ar bạń sahao daṛeakʼ kana.

Sereńko 81:3

Aboakʼ porob din reakʼ ambasre ar kunạmire sakwa oroṅpe;

Sereńko 42:4

Iń do rakʼ rakʼte tinreń andesalekʼ kana, unre disạ hecʼạń kana ḍher porobko manaoetʼkan hoṛko tulucʼ rạskạ ar sarhao sereńate iń do Isorakʼ oṛakʼteń calakʼkan tahẽkana.

Nehemiạ 10:31

Jirạukʼ mãhã se eṭakʼ jãhãn sonotakʼ dinre aḍepase jạtrenko jãhãnakʼ jinis se jomakʼ ạkhriń lạgitʼko ạgui enḍekhan onko ṭhen khon do bale kirińa. Ar mimitʼ eaeyakʼ bochorre ale do aleakʼ jumire bale casa ar sanam rinle ikạ katakoa.

Nehemiạ 8:9

Ona tayom disạm cakʼlaoyicʼ Nehemiạ, naekeko ar dhorom guru Esra ar okoe Liwiko do hoṛkoko cetʼako kan tahẽkan onko do sanam hoṛko metatʼkoa, “Teheńakʼ niạ din do aperen Probhu Isor ńutumte sonotakʼ din kana. Ape do alope homora se alope raga.” Uni do niạ kathae menkeda, ente sanam hoṛge ạn-ạri reakʼ katha ańjomkateko rakʼetʼ tahẽkana.

2 Rapajko 4:23

Uniren jãwãetetʼe menkeda, “Uni ṭhen teheń do cedakʼem calakʼa? Teheń do ambas ńindạ hõ baṅkana, ar jirạukʼ mãhã hõ baṅkana.” Uni doe menkeda, “Onate do baṅ cekakʼa.”

1 Samuel 20:18

Jonathan do Dạude metadea, “Gapa do molokʼ cando reakʼ porob kana. Ar abenakʼ duṛupʼakʼ onḍe khạlige tahelen khan aben doben baḍaeyokʼa bạnukʼbena mente.

1 Samuel 20:5

Dạude menkeda, “Ńelben, gapa do molokʼ cando kana. Ar raj sãote ạlińakʼ do jojom duṛupʼ reakʼ katha menakʼtạlińa. Menkhan aben do sen ocoạliń ben. Ạliń do meyaṅ ạyupʼ hạbicʼ ṭạnḍire oko akanliń tahena.

Levitikus 16:31

Ar enhilokʼ do apeakʼ jirạukʼ dinge hoyokʼa. Niạ dinre apan ạpin ontorpe nindhạntapea. Ar noage ape lạgitʼ tahẽ utạrakʼ niạm do hoyokʼa.

Amos 8:5

Ape dope menetʼkana, “Molokʼ cando do tis baṅ cabakʼ jemon jomakʼle ạkhriń daṛeakʼ? Sabath din baṅ tis paromokʼ jemon bajarre senkate guhumle ạkhriń daṛeakʼ? Ale do sosoṅakʼ baṭkharale komaotalea, ar damle ḍhera, ar ṭhoka reakʼ tulạkole beohara,

Numeri 10:10

Apeakʼ rạskạ ar porob oktere, ape lạgitʼ niṭ akan eṭakʼ eṭakʼ porobkore ar cando reakʼ jeredokʼ samaṅokʼakʼ ar sulukren samaṅokʼakʼpe samaṅre pepṛẽtʼpe oroṅa. Onate ape do Isor samaṅrepe hạjir ocokʼa. Ar iń kangeạń aperen Probhu Isor do.”

2 Bõsbudạ 31:3

Ar Probhu Isorakʼ ạn-ạrire cetʼ leka olakan onkage setakʼ ar ạyupʼ reakʼ jeredokʼ samaṅokʼakʼ lạgitʼ ar jirạukʼ mãhã, ambas ńut ar niṭakatʼ porob oktere jeredokʼ samaṅokʼakʼ lạgitʼ raj do acʼakʼ sompotti khone dankeda.

Kolossiko lạgitʼ Pạul Apostolakʼ ciṭhi 2:20

Mạsi tulucʼpe gocʼente ape do dhạrti reakʼ aema lekan ạri-cạli khonpe pharak akana, menkhan enrehõ dhạrtiren hoṛko leka cedakʼ arhõ dhạrti reakʼ ạri-cạlirepe gobolokʼ kana?