Kolossiko lạgitʼ Pạul Apostolakʼ ciṭhi 2:1 - সান্তালী বাইবেল

¹ Iń doń menjoṅ kana jemonpe baḍae baṅma, iń do ape lạgitʼ ar Laodikiạ nagraha reakʼ manḍerren hoṛko lạgitʼ, ar okoe bako ńel akadiń onko sanamko lạgitʼ ạḍiń khaṭaokʼ kana mente.

Santali Common Language New Testament

¹ Iń doń menjoṅ kana jemonpe baḍae baṅma, iń do ape lạgitʼ ar Laodikiạ nagraha reakʼ manḍerren hoṛko lạgitʼ, ar okoe bako ńṭoṭhadiń onko sanamko lạgitʼ ạḍiń khaṭaokʼ kana mente.

Kolossiko lạgitʼ Pạul Apostolakʼ ciṭhi 2:1 Iomraidhean Croise

Genesis 30:8

Unre Rahele menkeda, “Isor do maraṅ lạṛhạire ińren boeha khone jitạu akadińa.” Onate uni gidrạwakʼ ńutum do Napthaliye dohoketʼtaea (metakʼme “Lạṛhại”).

Luk 22:44

Ar Jisu do ala jhalareye paṛaoente arhõ jidkateye koekeda. Uniyakʼ hoṛmo reakʼ balbal dakʼ do mãyãm leka otre ṭhopʼ ṭhopʼ jorokʼ ehopʼena.

Aposkạmi 20:25

“Iń do ńitokʼ noa kathań baḍaea je, ape okoeko ṭhen senkate Isorakʼ rajosṭi reakʼ iń porcar akatʼ onko okoege iń do ar bako ńeleńa.

Aposkạmi 20:38

Pạulakʼ mẽtʼãhã ar bako ńelńam iạte ạḍitetʼko bhabnayena. Ar noa tayom onko do jahaj hạbicʼko koyokʼ gotʼkadea.

Galathiko lạgitʼ Pạul Apostolakʼ ciṭhi 4:19

E ińren gidrạko, Mạsi apere ạuriye muṭhạnokʼ hạbicʼ ape iạte arhõ bedonteń sasetokʼ kana.

Philipiko lạgitʼ Pạul apostolakʼ ciṭhi 1:30

Cetʼleka haron kosṭo sahaope ńel akadiń ar ńitokʼ hõ ona reaṅ okape ańjometʼkan, ape hõ inạ mitʼ lekan haron kosṭoregepe jopoṛao akana.

Kolossiko lạgitʼ Pạul Apostolakʼ ciṭhi 1:24

Ape lạgitʼ oka duk sasetiń jometʼkan onate iń doń rạskạkʼ kana. Mạsiyakʼ hoṛmo reakʼ, metatʼme manḍerko lạgitʼ uniyakʼ oka duk saset ńit hõ sarecʼ menakʼ ona do ińakʼ hoṛmoreń purạueda.

Kolossiko lạgitʼ Pạul Apostolakʼ ciṭhi 1:29

Ar noa monsubạge Isorakʼ oka maraṅ daṛe ińreye kạmikan ona daṛe lekate iń do ạḍitetʼ iń khaṭaokʼ kana.

Kolossiko lạgitʼ Pạul Apostolakʼ ciṭhi 2:5

Iń do hoṛmo secʼte hạjir bạnuńre hõ Jiu secʼte doń hạjirgea ar apeakʼ bhage cạl-colon ar Mạsire apeakʼ kajaktetʼ ńeletʼteń rạskạkʼ kana.

1 Thessalonikikko 2:2

Ar noa katha hõpe baḍaegea, noa lahare ale do Philipi nagraharele khed ocolena ar bemanot hõle bemanot ocolena. Menkhan noa tạkicʼakʼko tahẽkanre hõ aboren Isor ṭhen khon dil ńamkate uniyakʼ bhage sombat reakʼ katha ale do khulạsategele lạiyatʼpe tahẽkana.

Ibriko 5:7

Okoe gocʼko khone rukhiyạ daṛeae uni Isor ṭhen Jisu do noa dhạrtire tahen jokhecʼ ãṭ aṛaṅte rakʼateye nehõrade tahẽkana are koeleda. Ar bhokti sãote batao tahẽkantaete Isor do uniyakʼ koejoṅe ańjomletʼtaea.

1 Patras 1:8

Mạsi bape ńel akadere hõ enhõ ape do unipe dulạṛede kana; ar ńit bape ńel ńamekanre hõ unirepe pạtiạu akana, ar okaṭakʼ rạskạ lạite baṅ sodorokʼ ar okaṭakʼ do serma reakʼ ṭhonokte perecʼge, ona rạskạtepe rạskạkʼ kana;

Johan sodor 1:11

Uni doe metadińạ, “Okaṭakʼem ńel ona do mitʼṭecʼ puthire olme, ar Ephesus, Smurnạ, Pergamom, Thuạtirạ, Sạrdis, Philạdelphiạ, ar Laodhar, noa eae goṭecʼ nagraha reakʼ eae goṭecʼ manḍerko ṭhen kolme.”