Kolossiko lạgitʼ Pạul Apostolakʼ ciṭhi 1:9 - সান্তালী বাইবেল

⁹ Onate ape reaṅ ańjom tayom khonge ạliń do jao ghuṛi ape lạgitʼ liń koejoṅ kana. Jiuteakʼ akel ar bud salakʼ Isorakʼ monejoṅakʼ jemon purạtepe bujhạu daṛeakʼ onate Isor ṭhenliń khojkana.

Santali Common Language New Testament

⁹ Onate ape reaṅ ańjom tayom khonge ạliń do jao ghuṛi ape lạgitʼ liń koejoṅ kana. Jiuteakʼ akel ar bud salakʼ Isorakʼ monejoṅakʼ jemon purạtepe bujhạu daṛeakʼ onate Isor ṭhenliń khojkana.

Kolossiko lạgitʼ Pạul Apostolakʼ ciṭhi 1:9 Iomraidhean Croise

Sereńko 119:99

Ińren sanam cecetʼko khon iń doń akelanicʼ kana, ente amakʼ sanam kathako iń doń ganḍonjoṅ kana.

Sereńko 143:10

Amakʼ sana leka kạmi lạgitʼ cetʼạńme, ente am dom ińren Isor kana; amren bhạlạiyicʼ Jiu hotete mitʼ são horre ạyurińme.

Johan 7:17

Jãhãe uniyakʼ sanaleka senokʼe menjoṅ khan enḍekhane bujhạu daṛeakʼa noa cecetʼakʼ do Isor secʼ khonakʼ kana se iń nij khoniń roṛeda.

Aposkạmi 12:5

Onatege Patras do hajotreye doho ocokʼkan tahẽkana. Menkhan manḍerren hoṛko do uni lạgitʼ Isor ṭhen mitʼ monteko koejoṅkan tahẽkana.

Romiko lạgitʼ Pạul Apostolakʼ ciṭhi 12:2

Noa bạṛicʼ piṛhirenko leka do alope colona, bickom Isorge apeakʼ mon nãwãte tear ocowaepe ar purạte nãwã arokʼpe, jemon Isorakʼ monejoṅakʼpe baḍae daṛeakʼ. Isorakʼ monejoṅakʼko do bhagegea, ar purạ khạṭigea ar onate Isor doe kusikʼkana.

1 Korinthiko 1:5

Ona daya do noage, ape do Mạsi tulucʼpe mitʼ akante joto secʼ khon metakʼme, sanamakʼ roṛ reakʼ daṛete ar akeltepe kisạ̃ṛ akana,

Ephesiko lạgitʼ Pạul Apostolakʼ ciṭhi 1:8

Isor do noa daya acʼakʼ maraṅ bud ar akel salakʼe dan akatʼ bona.

Ephesiko lạgitʼ Pạul Apostolakʼ ciṭhi 5:10

Onate biḍạu aṭkarpe okaṭakʼ kạmi do Probhu Isore kusikʼa mente.

Ephesiko lạgitʼ Pạul Apostolakʼ ciṭhi 5:17

Onateń meneda, ape do bebujko alope hoyokʼa, bickom Probhu Isorakʼ sana cetʼ kana mente ona bujhạu joṅpe.

Ephesiko lạgitʼ Pạul Apostolakʼ ciṭhi 6:6

Hoṛ kusi ocoko lạgitʼ aperen kisạ̃ṛkoakʼ mẽtʼãhã samaṅre alope gobolokʼa; ona khon bickom Mạsiren golam leka Isorakʼ monsubạ do mon ar ontorte bataokate aperen kisạ̃ṛko ṭhen tabekʼpe.

Philipiko lạgitʼ Pạul apostolakʼ ciṭhi 1:4

Ape lạgitʼ iń koejoṅre jao ghuṛi rạskạ salakʼ iń koejoṅ kana,

Kolossiko lạgitʼ Pạul Apostolakʼ ciṭhi 1:6

Noa bhage sombat do goṭa dhạrtire pasnao idikʼkante jokʼ kana ar dinke din baḍhao idikʼ kana. Ar oka hilokʼ noa bhage sombatpe ańjomketʼ ar Isorakʼ daya reakʼ katha sạri mentepe baḍaeketʼ enhilokʼ khon ṭhik onkage ona do ape talare hõ kạmikʼkana.

Kolossiko lạgitʼ Pạul Apostolakʼ ciṭhi 3:16

Mạsiyakʼ katha apeakʼ ontorre purạte girobas ocowakʼpe. Isorakʼ akelte lại cecetʼ ar sipikhạukʼpe, sereńko, sarhao sereńko ar Jiuteakʼ õṛhẽyakʼkote apeakʼ ontorre Isor gun manao tulucʼ sereńaepe.

Kolossiko lạgitʼ Pạul Apostolakʼ ciṭhi 4:12

Epaphrase hõe joharape kana. Uni do aperen hoṛko modren mitʼ hoṛkanae ar uni do Jisu Mạsiren golamge. Uni do siń sạṭupʼ ape lạgitʼe koeyeda jemonpe sạbit utạrokʼ ar jotowakʼre Isorakʼ monejoṅakʼ baḍaekate khạṭi akanpe teṅgo ṭarhao daṛeakʼ.

Kolossiko lạgitʼ Pạul Apostolakʼ ciṭhi 4:5

Okoe Isorren hoṛko baṅkan onko tulucʼ do akel salakʼ colonpe ar Mạsi reaṅ goha em reakʼ ạtko kạmire lagaope.

1 Thessalonikikko 1:3

Biswạs khạtirte okape kạmikan, dulạṛ khạtirte okape mehnotetʼkan ar aboren Probhu Jisu Mạsire as akan iạte okape sombhuriyetʼkan, ona katha do jaoge aboren Isor Baba samaṅre koejoṅrele disạyeda.

1 Thessalonikikko 5:17

ar mitʼ talao koejoṅpe,

2 Thessalonikiko 1:11

Onate ale do jaoge ape lạgitʼle koejoṅ kana jemon aboren Isor do hoho ocokʼ lek menteye bujhạupe, ar acʼakʼ daṛete apeakʼ sanam bhage kạmi reakʼ monejoṅakʼe purạutape ar biswạsi iạte okakope kạmikan onare jemone sạbit utạrpe.

Philimon 1:4

Iń do jaoge koejoṅreń disạyetʼmete Isoriń gun manao joharae kana,

Philimon 1:6

Iń do noań koejoṅ kana, amakʼ biswạs khạtirte ar amakʼ dan hotete Mạsi jemone sarhaokʼ. Ona chaḍa Mạsi tulucʼ bon kolom mitʼ akante oka bhor bon ńam akatʼ ona purạtem bujhạu daṛeakʼte dan lạgitʼ kạmi jemon arhõ ḍherokʼtam.

Ibriko 10:36

Ape do sombhuri reakʼ jạruṛ menakʼtapea, jemon Isorakʼ sana leka kạmi purạukate okae gokʼ akawatʼpe ona jemonpe ńam;

Ibriko 13:21

Okaṭakʼ bhageakʼ kan onate uni do acʼakʼ monejoṅ leka calakʼ lạgitʼ apeko purạteye sạbit utạrpe ma. Uniyakʼ mẽtʼãhã samaṅre okaṭakʼ bhageakʼkan Jisu Mạsi hotete aboakʼ ontorre uni do onageye kạmi ma. Jaejug hạbicʼ Isorakʼ ṭhonokʼ hoyokʼtae ma. Amen.

Jakob 1:5

Apeko modre jãhãe akelteye khaṭoge khan uni do Isor ṭhene koejoṅ ma, ar Isor do onae emaea, ente uni do begor ạṛiste mimitʼko asambheṛe danakoa.

Jakob 3:17

Menkhan oka akel serma khon hijukʼkan ona do pạhilre khạṭi, ar ona tayom do sulukte perecʼgea; onare sahao daṛe ar mạ̃hirtetʼ tahena; ona do daya ar bhage kạmire perecʼtetʼge, bin digdhạ ar bin phạsiarawakʼge.

1 Patras 2:15

Isorakʼ sana do noage, ape do bhage kạmite lelha hoṛkoakʼ bebuj kathako jemonpe cabaetako.

1 Patras 4:2

Onate noa dhạrti reakʼ sarecʼakʼ jion uni do dhạrti reakʼ rij roṅte bae khemaoa, bickom Isorakʼ monejoṅakʼ lekageye khemaoa.

1 Johan 2:17

Dhạrti ar dhạrti reakʼ rij roṅ do caba hijukʼkana, menkhan Isorakʼ sana leka okoeye senokʼkan uni do jaejug hạbicʼe tahena.

1 Johan 5:20

Arhõ bon baḍaea, Isorren Hopone hecʼente bujhạu reakʼ daṛeye emakatʼbona jemon sạri Isor bon baḍae orom daṛeae. Ar okoe doe sạri Isor kan abo do uni tulucʼ bon kolom mitʼ akana, metakʼme uniren Hopon Jisu Mạsi tulucʼ menakʼ bona. Unige sạri Isor ar unige jaejug jion do.

1 Samuel 12:23

Iń do ape lạgitʼ koejoṅ tishõ aloń thirokʼte Probhu Isor upạrte aloń kại. Iń do dhorom ar sạriyakʼ reakʼ horte calakʼ reakʼiń cetʼapea.