Kolossiko lạgitʼ Pạul Apostolakʼ ciṭhi 1:7 - সান্তালী বাইবেল

⁷ Ona bhage sombat reakʼ katha do ạlińren dulạṛiạ Epaphras ṭhenpe ańjomakada. Uni do ape lạgitʼ Mạsiren mitʼṭen pạtiạr sapʼdapʼicʼ kanae.

Santali Common Language New Testament

⁷ Ona bhage sombat reakʼ katha do ạlińren dulạṛiạ Epaphrase ṭhenpe ańjomakada. Uni do ape lạgitʼ Mạsiren mitʼṭen pạtiạr sapʼdapʼicʼ kanae.

Kolossiko lạgitʼ Pạul Apostolakʼ ciṭhi 1:7 Iomraidhean Croise

Numeri 12:7

Menkhan ińren golam Mose sãote do bạń onka akada. Uni do ińakʼ gharońj reakʼ kạmireye pạtiạrgea.

Mathae 18:29

“Khange sãoten guti do ti jaṅgare giḍikate nehõrenteye menkeda, ‘ma jiwi hataṛme, adoń hala ruạṛkatama.’

Mathae 24:45

“Uni pạtiạricʼ ar budanicʼ guti doe okoe kana, one okoe acʼren kisạ̃ṛ do guti ar kạ̃ṛmĩko okte nạpitre jomakʼ emakoa mente acʼ gharońjrenko cetanreye dohokede?

Mathae 25:21

Ńelme, iń do arhõ mõṛẽ hajar ṭakań lab akada.’ Unre acʼren kisạ̃ṛe menkeda, ‘bes akadam. E bhage ar pạtiạr golam. Am do thoṛawakʼre pạtiạrem tahẽkante ḍher okocʼakʼko cetanreń dohokama. Ar dela hijukʼme ar iń sãote rạskạ seledokʼme.’

1 Korinthiko 4:17

onate ape ṭhen Timothiń kolkedea; uni do Probhu Isorre ińren dulạṛiạ ar pạtiạr gidrạ kanae. Uni do Jisu Mạsire ińakʼ cạl-colonkoe disạ ocopea. Iń do nonkage sanam jaega ar mimitʼ manḍerkore onako reaṅiń cetʼako kana.

1 Korinthiko 4:2

Ar okoere bhar emakan onko do udugokʼ hoyokʼtakoa je, pạtiạranko kanako mente.

1 Korinthiko 7:25

Kũạ̃ri kuṛiko reaṅ do Probhu Isor ṭhen khon jãhãn hukum bạń ńamakada. Menkhan Isorakʼ daya ńamkate pạtiạr minạńte ińiń bujhạuetʼ lekageń roṛeda.

2 Korinthiko 11:23

Onko do cetʼ Mạsiren sapʼ dapʼko kanako? Iń do arhõ ḍhertetʼ kạnạń. Disạipe, iń do bạulạha hoṛ lekań roṛeda. Mạsiyakʼ sapʼdapʼ kạmire iń do onko khon ḍheriń khaṭao akana, ar ạḍi dhaoiń hajot akana, arhõ ạḍi dhao daleń jomakada, ar ạḍi dhao gujukʼ dạkhilreń paṛaolena.

Ephesiko lạgitʼ Pạul Apostolakʼ ciṭhi 5:21

Mạsiyakʼ dewa sewakore menakʼpete ape apere tabe akan tahenpe.

Philipiko lạgitʼ Pạul apostolakʼ ciṭhi 2:25

Iń do Epaphraditus ape ṭhen kole lạgitʼ jạruṛiń bujhạukeda. Uni do ińren pạtiạricʼ boeha kanae. Ạliń do mitʼtege liń kạmikana ar Mạsi lạgitʼ liń lạṛhại kana. Ape do sapʼdapʼicʼ lekate ińakʼ jạruṛokʼakʼko meṭao lạgitʼ unige iń ṭhenpe kolledea.

Kolossiko lạgitʼ Pạul Apostolakʼ ciṭhi 4:12

Epaphrase hõe joharape kana. Uni do aperen hoṛko modren mitʼ hoṛkanae ar uni do Jisu Mạsiren golamge. Uni do siń sạṭupʼ ape lạgitʼe koeyeda jemonpe sạbit utạrokʼ ar jotowakʼre Isorakʼ monejoṅakʼ baḍaekate khạṭi akanpe teṅgo ṭarhao daṛeakʼ.

Kolossiko lạgitʼ Pạul Apostolakʼ ciṭhi 4:7

Aboren dulạṛiạ boeha ar pạtiạr sapʼ dapʼicʼ ar Probhu Isorakʼ kạmire abo sãoten golam Tukhikus do ińakʼ sanamakʼe baḍae ocopea.

Kolossiko lạgitʼ Pạul Apostolakʼ ciṭhi 4:9

Tukhikus sãote iń do aboren pạtiạricʼ ar dulạṛiạ boeha Onesimus hõń kolkedea. Uni do ape modrenge mitʼ hoṛ kanae. Unkin do nonḍenakʼ jotowakʼge apekin baḍae ocopea.

1Timothi 4:6

Am do noako reaṅ boehakom bujhạuako khan enḍekhan Mạsiyakʼ dhorom biswạs reakʼ okaṭakʼ sạri ar bhageakʼ sikhnạtem manaoetʼkan, onate Mạsi Jisuren mitʼṭen bhage sapʼ dapʼicʼem hoyokʼa.

2Timothi 2:2

Aema gohako talare ińakʼ mocate okako cecetʼakʼem ańjomakatʼ ona sapʼ dohoy lạgitʼ am do nonkan hoṛko jimạwakome one okoe do eṭakʼko hõko cetʼ daṛeako.

Philimon 1:23

Epaphrase hõe joharam kana; uni do Jisu Mạsi iạte iń tulucʼ hajotre menaea.

Ibriko 2:17

Onate Jisu do sanam secʼte acʼren boehako leka hoyokʼ hoylentaea, jemon uni do mãyãwan ar pạtiạranicʼ maraṅ naeke lekate Isorakʼkoe sapʼsor daṛeakʼ. Ar noa reakʼ monsubạ do hoyokʼ kana, jemon acʼakʼ gujukʼte manwakoakʼ kạiye ocogte Isore kusi ocoye.

Ibriko 3:2

Isorakʼ gharońjren hoṛko ńel todarotkore Mose cetʼleka pạtiạricʼe tahẽkan onkage Jisu okoeye bachao bahallede uni Isor ṭhen hõ uni do pạtiạrgeye tahẽkana.