Bikʼcạrko 3:3 - সান্তালী বাইবেল

³ Onko jạtrenko doko hoyokʼ kana, Philisṭiko ar onkoren mõṛẽ goṭen raj, Kananrenko ar Sidonrenko ar Hiwiko. Bakʼal-hermon buru khon ehopʼkate Homat hạbicʼ Lebanon reakʼ oka buru ṭoṭhako menakʼ onakorege Hiwiko doko tahenkan tahẽkana.

Bikʼcạrko 3:3 Iomraidhean Croise

Genesis 49:13

“Sebulon do doreão aṛereye girobasokʼa; uni do jahajko reakʼ bondorgeye hoyokʼa; ar uniyakʼ simạ do Sidon hạbicʼ hoyokʼtaea.

2 Samuel 24:7

Ona tayom onko do Tur reakʼ gaṛ nagraha ar Hiwiko ar Kananikoakʼ goṭa nagrahako calaoena. Ar sesre onko do Jihudạ reakʼ dạkhin secʼ Ber-sebateko calaoena.

1 Rapajko 8:65

Nonkate Solomon ar uni sãoten sanam Israelko do ona jokhecʼ aboren Probhu Isor samaṅre eae din arhõ eae din, jotote gelpon din hạbicʼ mitʼṭecʼko porobena. Onko do lekhare ạḍi saṅgeko tahẽkana; onko do Hamat khon Misor reakʼ rohoṛ gaḍa hạbicʼ sanam ṭoṭha khonko hecʼakan tahẽkana.

1 Rapajko 9:20

Ar okoe do Israelko baṅkan, metakʼme Amoriko, Hittiko, Peresiko, Jebusikoren bõsko onko do unhõ jiwetʼko tahẽkana, Israelko do onko bako marao giḍi daṛeatʼko tahẽkana, menkhan Solomon do onkoge golam lekate kạmi lạgitʼe sapʼ paṭetʼletʼkoa, ar teheń hạbicʼ hõ onko do ona kạmigeko kạmikana.

Jeheskel 47:20

Pạchim secʼ reakʼ simạna do maraṅ jalapuri secʼte Hamat reakʼ botolo mũhạ̃ mũhĩ hoyokʼa. Ar noage hoyokʼa pạchim reakʼ simạna do.

Numeri 13:29

Ar Amalekiko do disạm reakʼ dạkhin nakhareko tahenkana; Hittirenko, Jebusirenko ar Amorirenko do buru ṭoṭhakore ar Kananrenko do jalapuri aṛe ar Jordan gaḍa aṛeteko girobasokʼ kana.”

Dosar Biboron 1:7

Ńitokʼ do ḍera uṭhạukate Amorikoakʼ buru ṭoṭha ar ona aḍepase jaegaren hoṛko ṭhen calakʼpe. Onko do Arabare, usul burure, latar burure, Negebre ar doreão aṛereko girobasokʼ kana. Noako jaega do hoyokʼ kana Kananikoakʼ disạm Lebanon secʼte maraṅ gaḍa phurạt hạbicʼ sanam jaegakoge.

Dosar Biboron 3:9

Hermon do Sidonren hoṛko Sirion ar Amoriko do Senirko metakʼkana.

Josuạ 11:19

Eken Gibeonre tahenkan Hiwiko chaḍa ar oka nagraharen hoṛ hõ Israelko sãote jãhãn bondobos bako doholeda; Israelko do sanamkoge lạṛhạireko bhagaoketʼkoa.

Josuạ 11:3

Uni do purub ar pạchim secʼren Kananiko ṭhen ar buru elakaren Amoriko, Hittiko, Pherisiko ar Jebusiko ṭhen ar Hermon buru latar reakʼ Mispa ṭoṭharen Hiwiko ṭhen hõ sombate kolkeda.

Josuạ 13:5

Giblikoakʼ elaka, purub secʼ Hermon buru latar Bakʼal-Gad khon Hamat hạbicʼ goṭa Lebanon ar Lebanon khon Misrephot-Mayim hạbicʼ buru elaka, metakʼme Sidonkoakʼ goṭa disạm. Iń apnarge Israelko samaṅ khon onko jotogeń laga ńirkoa. Ar cetʼ lekań hukum akatʼ onkage niạ disạm do sompotti lekate Israelkom emakoa.

Josuạ 19:28

Ona tayom ona simạna do Ebron, Rehob, Hamon ar Kana secʼte maraṅ Sidon hạbicʼ calao idiyena.

Josuạ 9:7

Unre Israelko do Hiwikoko metatʼkoa, “Ape do pasecʼ ale aḍepaseren hoṛ kangeape. Ar sạrige onka kan khan cetʼlekate ape sãote bondobos dole dohoya?”

Bikʼcạrko 10:12

Tinre Sidonrenko, Amalekiko ar Maonirenkoakʼ santao iạte goṛo ńam lạgitʼ iń ṭhenpe rakʼkeda unre hõ onkoakʼ ti khoniń bańcaoletʼpea.

Bikʼcạrko 10:7

Ona iạte uni do onko cetanre edrete pit caṛhaoadea ar Philisṭiko ar Amonrenkoakʼ tireye jimạkatʼkoa.

Bikʼcạrko 14:4

Uniren eṅgat apat do Probhu Isor khonge hoyakan ona do bạkin bujhạu daṛeada, ente uni do Philisṭiko upạrte lạṛhại lạgitʼ mitʼṭecʼ ạte ńam baṛayetʼ tahẽkana. Onako dinre Philisṭiko do Israelko cetanre mạlikiko calaoetʼ tahẽkana.

Bikʼcạrko 18:7

Onko mõṛẽ hoṛ do unre onḍe khon Layisteko senena. Onkoko ńelkeda onḍenko hoṛ do Sidonrenko leka khạtirjoma, sulukte ar bin botorko girobasokʼ kana. Ona jaegare nonkan celege bạnukʼkoa, onko cetanre santaoko calao daṛeakʼ. Ona chaḍa onko do Sidonrenko khon hõ ḍher sạṅgińreko girobasokʼ kana ar eṭakʼ jãhãeko sãote jãhãn karbarge bạnukʼtakoa.

Bikʼcạrko 3:2

Israel hoponko okoe do tishõ bako lạṛhại akan onkoakʼ lạṛhại babotre cetʼako lạgitʼ uni do noae nonkaleda.

Bikʼcạrko 4:2

Onate Probhu Isor do Jabin ńutuman mitʼṭen Kanani rajakʼ tire onkoe jimạkatʼkoa. Jabin do Hasor khon raje calaoetʼ tahẽkana. Uniren senaputiyakʼ ńutum do Sisera tahẽkana. Uni do Harosetreye tahenkan tahẽkana.

1 Samuel 13:5

Unre Philisṭiko do Israelko sãote lạṛhại lạgitʼ mitʼ ṭhenko jarwayena. Ar onko sãote pegel hajar rãt gạḍiko, turui hajar aswariko ar jalapuri reakʼ gitil leka alekha lạṛhại phạdko tahẽkana.

1 Samuel 29:2

Philisṭiren disạm cakʼlaoko do sae saeko ar hajarkoante laha secʼko calao idiyena, ar onko tayomte do Dạud ar uniren hoṛko.

1 Samuel 6:16

Philisṭikoren onko mõṛẽ goṭen disạm cakʼlaoko do jotowakʼ ńelkate enhilokʼge Ekronteko ruạṛ calaoena.

1 Samuel 6:18

Onko mõṛẽ goṭen rapajko tabere Philisṭikoakʼ do mõṛẽ goṭecʼ pạcri esetʼ nagraha ar onako são reakʼ begor pạcri atoko khon sonaren goḍoko kolletʼkoa. Philisṭikoakʼ ṭoṭha do tahẽkana Bet-semesre Josuạwakʼ khet tala reakʼ maraṅ dhiri hạbicʼ, one ona cetanre onko do Probhu Isorakʼ sindukko pheḍ doholetʼ tahẽkan. Ar ona do teheń hạbicʼ hõ onḍege menakʼa.

1 Samuel 6:4

Unre disạm cakʼlaoko doko kuliyana, “Dos ńutumte samaṅokʼakʼ lekate ale do uni ṭhen cetʼle kola?” Onkoko menkeda, “Philisṭiren disạm cakʼlaokoakʼ lekha lekate ape do mõṛẽ goṭecʼ sona reakʼ ojo ar mõṛẽ goṭecʼ sonaren goḍo kolgotʼkakope, ente hoṛko cetanre ar onkoren disạm cakʼlaoko cetanre inạ mitʼ lekan dukge hecʼakana.