Bikʼcạrko 2:4 - সান্তালী বাইবেল

⁴ Probhu Isorren goḍet do tinre Israelko ṭhen niạko kathae menkeda unre onko do ãṭ aṛaṅte rarakʼko ehopʼena.

Bikʼcạrko 2:4 Iomraidhean Croise

Esra 10:1

Esra do tinre Isorakʼ oṛakʼ samaṅre otre ombakʼkate rakʼ rakʼteye koejoṅkan tahẽkana ar kạiye aṅgocetʼ tahẽkana unre Israelkoren ạḍi utạr herel, maejiu ar gidrạko do uni ṭhen hecʼkateko jarwayena. Ar onko hõ ạḍitetʼko rakʼkeda.

Kạhtukko 17:10

Khaṭo bujan hoṛ mitʼsae dhaoko dale khon, bujhạntar hoṛ do mitʼ dhao eger hõ ona khon bạ̃ṛti bhijạuaea.

Jirimiạ 31:9

Onko do rakʼ rakʼteko hijukʼa; ar tinre onkoń ruạṛ ạgukoa unre onko do koe koeteko hijukʼa. Onko do otte ar gaḍa dakʼko secʼteń taṛam ocokoa; onḍe onko do bako tohodokʼa, ente iń do Israelren, metakʼme Eprayimren apat kạnạń ar uni do ińren pạhil janamicʼ hopon kanae.

Joel 2:12

Probhu Isore meneda, “Ńitokʼ do upạspe ar rakʼjoṅpe ar duk sodor salakʼ goṭa ontorte iń ṭhen ruạṛpe.”

Sakariạ 12:10

“Iń do Dạudakʼ bõs ar Jerusalemren hoṛko cetanre ińren Jiu iń dulea; uni doe dayakʼa ar koejoṅ reakʼ mone emokʼa. Onate onko do iń secʼ, metakʼme okoe do uniko sobokʼ tapʼlede uni secʼ beṅgetʼ akaeko tahena. Ar sadher hopon ńutumte homor halaṅ leka onko do uni lạgitʼko homor halaṅa ar pạhilicʼ hopon lạgitʼ cetʼ lekako homor halaṅ onkageko jare jarekʼa.

Luk 6:21

Bhạgangeape, ape okoe ńitokʼ reṅgecʼetʼpe, ente ape dope bi ocokʼa. Bhạgangeape, ńitpe rakʼjoṅ kanko do, ente ape dope landa joṅa.

Luk 7:38

Ar Jisu tayom secʼre uniyakʼ jaṅga ṭhen senkate teṅgoyente rakʼ rakʼte acʼakʼ mẽtʼ dakʼte uniyakʼ jaṅgakine lohotʼketʼtaea. Ar inạ tayom uni do acʼakʼ upʼte jaṅgae jotʼketʼtaea ar jaṅgareye cokʼadete ona mahkaokʼ sunume duladea.

2 Korinthiko 7:10

Isor okaṭakʼ duke emokʼ onate do kại khon mon ạcur ruạṛokʼa ar bańcao ńamokʼa, ar dukokʼ reakʼ cetʼge baṅ tahena. Menkhan dhạrti reakʼ duk do manwakoakʼ morone ạguiyeda.

Jakob 4:9

Dukre do bhabnakʼpe ar hae haeyokʼre do rakʼjoṅpe. Apeakʼ landa do hae haete sodorpe ar rạskạ bodol do dukokʼpe.

Bikʼcạrko 2:3

Ona iạte ńitokʼ iń metape kana, ape ṭhen khon noko hoṛ do ar bạń laga oḍokkoa; onko do ape lạgitʼ jhampa lekako hoyokʼa, ente onkoren debotakoakʼ jhạlirepe paṛaokʼa. ”

Bikʼcạrko 2:5

Ar ona jaega reakʼ ńutum do Bokimko dohokeda (metakʼme “Rakʼjoṅ”). Probhu Isor ńutumte onḍe onko do janwar samaṅokʼakʼko samaṅkeda.

1 Samuel 11:4

Hoṛko do tinre khobor emokʼ lạgitʼ Sạulakʼ nagraha Gibeate senkate onḍenko hoṛko lạiyatʼkoa unre onḍenko hoṛ do kạuạ rạuwạ rarakʼko ehopʼena.

1 Samuel 7:6

Onate onko joto do Mispareko jarwayena. Onko do dakʼ lo rakapʼkate Probhu Isor samaṅreko dulkeda ar enhilokʼ onḍe upạskateko menkeda, “Ale do Probhu Isor upạrtele kại akada.” Samuel do Mispa khon Israelkoakʼe bicạretʼkan tahẽkana.