Bikʼcạrko 2:1 - সান্তালী বাইবেল

¹ Probhu Isorren goḍet do Gilgal khon Bokimre hecʼkate Israelkoe metatʼkoa, “Iń do Misor disạm khoniń oḍok ạgu akatʼpea ar oka disạm emape lạgitʼ aperen hapṛamko ṭheniń gokʼletʼ ona disạmteń ạgu akatʼpea. Ińiń menakada, ‘ape lạgitʼ oka bondobosiń dohoakatʼ ona do tishõ bạń rạpuda.

Bikʼcạrko 2:1 Iomraidhean Croise

Genesis 12:7

Tayomte Probhu Isor do Abram ṭhen ńel ocoyenteye metadea, “Iń do noa disạmge amren bõskoń emakoa.” Unre Abraham do uniye ńel ocoyen Probhu Isor lạgitʼ onḍe mitʼṭecʼ pinḍe benaokeda.

Genesis 16:13

Noa katha ańjomkate Hagar do mon monteye menkeda, “Iń do cetʼ sạrige uniń ńelkedea one uniyakʼ mẽtʼãhã samaṅre minạń?” Hagar sãote okoeye roroṛkan tahẽkan, uni Probhu lạgitʼge Hagar do unreye menkeda, “Am dom Isor kana, iń do am samaṅre minạńa.”

Genesis 48:16

uni serma Goḍet, okoe do sanam muhin reakʼ ti khone rukhiyạ akadiń, unige nukin gidrại bhorakinma. Nukin hotetege iń ar ińren hapṛam Abraham ar Isahakakʼ ńutum do jiwetʼ tahenma. Ar aboakʼ disạmre nukin bõsren hoṛ do lekhare ḍherko hoyokʼma.”

Sereńko 89:3

Am dom menakada, “Ińren bachao hoṛko lạgitʼ iń do mitʼṭecʼ bondobosiń bandhao dohoakada; ińren golam Dạud ṭhen iń do noań kiriạ akana,

Sereńko 89:34

Ińiń dohoakatʼ bondobos do bạń rạpuda; ińakʼ moca okae menetʼkan ona do bạń bodola.

Exodus 14:14

Ape do eken thir hape akae tahenpe. Probhuge aperen hoykateye lạṛhạiya.”

Exodus 14:19

Unre Isorren okoeṭakʼ goḍet do Israelko laha lahateye calakʼkan tahẽkan uni doe ạcurente onko tayom secʼe senena. Ar rimil khunṭi hõ onko samaṅ khon tayom secʼ ocokʼente Israelko ar misriko talare teṅgoyena. Onate misriko secʼ do ńutge ar Israelko secʼ do ńindạre hõ siń leka hoyena. Onkate misriko do goṭa ńindạ Israelko ṭhen bako hecʼsor daṛeada.

Exodus 20:2

“E Israelko, ińge amren Probhu Isor do. Misor disạm khon golam oṛakʼ khon ińgeń oḍok ạguakatʼmea.

Exodus 23:20

“Okaṭakʼ ṭhạ̃i iń ṭhik dohoakatʼ onḍe idipe lạgitʼ ar horre rukhiyạpe lạgitʼ ape laha lahate iń do mitʼṭen goḍet iń kolekana.

Exodus 33:14

Probhu Isore roṛ ruạṛketʼa, “Ińge am sãoteń calakʼa ar amiń jirạu ocomea.”

Jesaea 63:9

Uni do onkoakʼ jotowakʼ dukreye dukena ar uniren goḍet do onkoe bańcaoketʼkoa. Uniyakʼ daya ar dulạṛte uni do onkoe chaḍaoketʼkoa; sedaeakʼ sanam dinkore onko doe tul rakapʼketʼkoa are ghõṛa idiketʼkoa.

Jirimiạ 14:21

Amakʼ ńutum rukhiyạitam lạgitʼ ale secʼ khon mẽtʼãhã do alom ạcurtama; amakʼ ṭhonokanakʼ siṅghạson reakʼ ṭhạ̃i do alom bemanot ocoya. Ale lạgitʼem bondobos akatʼ katha reakʼ baṛe disạime; ona do alogem bạtil giḍikakʼa.

Levitikus 26:42

enḍekhan iń do Isahak, Jakob ar Abraham sãote ińakʼ bondobos reakʼ katha ar onkoakʼ disạm reakʼ kathań disạya.

Levitikus 26:44

Enhõ bạirikoakʼ disạmre tahen jokhecʼ bạń dea giḍi utạrkoa se bạń hirkhạ sạṅgiń utạrkoa jemon aloko marao utạrokʼ ar onko sãote ińakʼ bondobos hõ alo cabakʼ. Iń kangeạń onkoren Probhu Isor do.

Sakariạ 11:10

Ona tayom iń do Daya ńutumakʼ ona ṭheṅga hataokateń rạputʼkeda ar sanam jạtrenko sãote okaṭakʼ bondobos tahẽkan onań bạtilkeda.

Malaki 3:1

Phạdkoren Probhu Isore meneda, “Ńelpe, ińren goḍetiń kolekana; uni do iń lahate senkate hore teara. Ona tayom okoe Probhu Isor lạgitʼ koyokʼ hor akae menakʼpe uni do ackage uniyakʼ oṛakʼteye hijukʼa; bondobos kạmi pukʼrạuicʼ uni goḍetge, one okoepe koyokʼ hore kan uni doe hijukʼkana.”

Numeri 14:34

Disạm cikʼyạre oka pongel din lagaolen ona mimitʼ din reakʼ mitʼ bochorkate jotote pongel bochor hạbicʼ ape do apeakʼ behokakʼ lạgitʼ kosṭope joma arpe bujhạua daṛeakʼa, ape upạrteń teṅgolen khan oka hal hoyokʼtapea mente.

Dosar Biboron 1:8

Ńelpe, onako jaega doń emakawatʼpea. Iń Probhu Isor do aperen hapṛam Abraham, Isahak, Jakob ar onko tayom do onkoren bõsko oka disạm emako lạgitʼ iń kiriạlen onḍe senkate ape do ona disạm ạidạri joṅpe.’

Dosar Biboron 4:34

Ape do kuli joṅpe, aperen Probhu do apeakʼ mẽtʼ samaṅre Misor disạmre ape lạgitʼ okae cekaletʼ onka jãhãn debota jãhãtisokʼ biḍạu hotete, hahaṛa kạmi hotete, cinhạ kạmikote, lạṛhại talate, keṭecʼ ar daṛeanakʼ tite ar maraṅ ar botoranakʼ kạmiko hotete jãhãn jạtren hoṛko eṭakʼ jạtrenko tala khon apnar lạgitʼe oḍok ạgu akatʼkoa se baṅa.

Dosar Biboron 7:9

Onate baḍae dohokakʼpe, aperen Probhu kangea Isor do. Uni doe pạtiạrangea; okoe uniko dulạṛe ar uniyakʼ hukumko manao onko lạgitʼ uni okae bondobos akatʼ ona do hajar piṛhi hạbicʼe rukhiyạyea ar onkoe dulạṛkoa.

Josuạ 3:10

Aperen jiwetʼ Probhu Isor do ape sãore menae ar uni do Kananrenko, Hittirenko, Hiwiko, Pherisiko, Gergasiko, Amorirenko ar Jebusiko khạṭige ape samaṅ khone laga ńirkoa ar ona do nonkatepe bujhạu daṛeakʼa.

Bikʼcạrko 11:24

Amren Kemos debota okaṭakʼ ạidạriye emakawatʼme ona do cetʼ amakʼ ạidạrire bạnukʼa? Ṭhik onkage aleren Probhu Isor ale samaṅ khon okoeye laga ńir akatʼko onkoakʼ jaegagele ạidạri akawana.

Bikʼcạrko 13:2

Onako dinre Sora atoren Manoho ńutuman Dan gusṭiren mitʼṭen hoṛe tahẽkana. Uniren oṛakʼ hoṛ do bạńjhigeye tahẽkante cele gidrạge bako tahẽkantaea.

Bikʼcạrko 13:3

Probhu Isorren goḍet do uniren bạhu ṭhen ńel ocoyenteye menkeda, “Bạńjhigetem gidrạge bako hoyakantama, menkhan am dom bhạrti hoṛmokʼa ar mitʼṭen koṛa hoponem janamea.

Bikʼcạrko 2:5

Ar ona jaega reakʼ ńutum do Bokimko dohokeda (metakʼme “Rakʼjoṅ”). Probhu Isor ńutumte onḍe onko do janwar samaṅokʼakʼko samaṅkeda.