Bikʼcạrko 13:3 - সান্তালী বাইবেল

³ Probhu Isorren goḍet do uniren bạhu ṭhen ńel ocoyenteye menkeda, “Bạńjhigetem gidrạge bako hoyakantama, menkhan am dom bhạrti hoṛmokʼa ar mitʼṭen koṛa hoponem janamea.

Bikʼcạrko 13:3 Iomraidhean Croise

Genesis 17:16

Iń do uniń bhoraea ar nonkan mitʼṭen hoponiń emama. Uni do arhõń bhoraea jemon ạḍi utạr jạtkoren ar onkoren rajkoren eṅgate hoyokʼ.”

Genesis 18:10

Unre onko modren mitʼ hoṛe menkeda, “Hijukʼkan bochor niạ okte iń do khạṭige am ṭhen arhoń hijukʼa. Unre amren bạhu Sarawakʼ hoborre mitʼṭen koṛa gidrại tahentaea.”

Genesis 18:14

Probhu Isor ṭhen bin leṭejokʼakʼ do cetʼge bạnukʼanaṅ. Hijukʼkan bochor niạ okte iń do arhõ am ṭheniń hijukʼa ar unre Sarawakʼ hoborre mitʼṭen koṛa gidrại tahena.”

2 Rapajko 4:16

Elisaeye menkeda, “Hijukʼkan bochor ṭhik niạ oktere amakʼ hoborre mitʼṭen koṛa gidrại tahena.” Maejiue menkeda, “Baṅa, E ińren mạlik, E Isorren hoṛ, amren kạ̃ṛmĩ do alom eṛeyińạ.”

Luk 1:11

Unre Probhu Isorren mitʼṭen goḍet do ackage hecʼkate dhup pinḍ reakʼ jojomsa aṛere Sakariạ ṭhene ńel ocoyena.

Luk 1:13

Serma goḍet do uniye metadea, “Alom botorokʼa, Sakariạ, ente Isor do amakʼ koejoṅe ańjomakada. Amren bạhu Elisabetren do mitʼṭen koṛa gidrại hoyokʼtaea. Ar uniyakʼ ńutum do Johanem dohoytaea.

Bikʼcạrko 13:10

Onate uni maejiu do usạra senkate acʼren jãwãetetʼe metadea, “Enhilokʼ okoeṭakʼ hoṛ iń ṭhene ńel ocolen uniye hecʼakana.”

Bikʼcạrko 13:15

Unre Manoho do Probhu Isorren goḍete metadea, “Merom boda hoponakʼ jel isinkate ạuriliń ạguam hạbicʼ; am do thoṛa ghạṛicʼ tahẽ hataṛokʼme.”

Bikʼcạrko 13:6

Unre maejiu do jãwãetetʼ ṭhen senkateye menkeda, “Isorren mitʼṭen hoṛ do iń ṭhene hecʼlena. Isorren goḍet lekage uniyakʼ muṭhạn do tahẽkana ạḍitetʼ botorge. Ar oka khone hecʼena ona do bạń kuli ledea ar uni hõ acʼakʼ ńutum do bae lạiyạdińa.

Bikʼcạrko 13:8

Niạ katha ańjomkate Manoho do Probhu Isor ṭhen niạ menkateye koekeda, “E Probhu Isor, nehõrokʼ kạnạń Isorren okoeṭakʼ hoṛ do ạliń ṭhenem kollede, uni do arhõ jemone hijukʼ ar okoeṭakʼ gidrại janamokʼ uni lạgitʼ cetʼ cekae jaruṛa ona jemone sikhạuliń.”

Bikʼcạrko 2:1

Probhu Isorren goḍet do Gilgal khon Bokimre hecʼkate Israelkoe metatʼkoa, “Iń do Misor disạm khoniń oḍok ạgu akatʼpea ar oka disạm emape lạgitʼ aperen hapṛamko ṭheniń gokʼletʼ ona disạmteń ạgu akatʼpea. Ińiń menakada, ‘ape lạgitʼ oka bondobosiń dohoakatʼ ona do tishõ bạń rạpuda.

Bikʼcạrko 6:14

Probhu Isor do uni secʼ ạcurenteye menkeda, “Amakʼ niạ daṛetege Do calakʼme ar Midiạnrenkoakʼ ti khon Israelko bańcaokom, ente ińgeń koletʼmea.”

1 Samuel 1:20

Onate Hanna doe bhạrti hoṛmoyena ar okte purạuen khan mitʼṭen koṛa gidrại janamkedea. Ar Hanna doe menkeda, “Iń do Probhu Isor ṭhen khoniń koe hatao akawana,” Ar gidrạwakʼ ńutum do Samuele dohoketʼtaea.