Bikʼcạrko 1:3 - সান্তালী বাইবেল

³ Noa katha ańjomkate Jihudạ gusṭiren hoṛko do Simeon gusṭiren hoṛkoko metatʼkoa, “Okako jaega aleakʼ hạṭińre paṛao akan onḍenko Kananiko upạrte lạṛhại lạgitʼ ale sãote dela hijukʼpe, ar ale hõ apeakʼ jaega hat lạgitʼ ape sãotele calakʼa.” Onate Simeon gusṭiren hoṛko do onko sãoteko oḍok senena.

Bikʼcạrko 1:3 Iomraidhean Croise

Genesis 29:33

Noa tayom Lea do arhõe bhạrti hoṛmoyena armitʼṭen koṛa gidrại janamkedea. Ar uni gidrạwakʼ ńutum do Simeone dohoketʼtaea (metakʼme “Ańjom”), ente uniye menkeda, “Ińe hirkhạwạń reakʼ katha Probhu Isor doe ańjomakada, ar onate uni do armitʼṭen hopone emadińạ.”

2 Samuel 10:11

Joab do acʼren boehae metadea, “Aramrenko iń khon daṛeanko hoyokʼ enḍekhan am do iń goṛowạń lạgitʼem hijukʼa, ar Amonrenko am khon daṛeanko hoyokʼ enḍekhan iń do amiń goṛowama.

Josuạ 19:1

Dosar dhaoe gulibãṭketʼ khan Simeon gusṭirenkoakʼ ńutum rakapʼena ar uniyakʼ judạ judạ bõsrenkoakʼ jaegako ṭhikkeda. Onkoakʼ sompotti do Jihudạ gusṭirenkoakʼ jaega talare paṛaoena.

Johan sodor 7:7

Simeon bõsko khon gelbar hajar. Liwiren bõsko khon gelbar hajar. Isạkạrren bõsko khon gelbar hajar.

Bikʼcạrko 1:17

Jihudạ gusṭiren hoṛko do onkoren boeha Simeon gusṭiren hoṛko soṅgekate Sephat nagraharen Kananikoko akromonketʼkoa ar onkoakʼ nagrahako marao utạrkeda. Ona iạte nagraha reakʼ ńutum do Hormako dohokeda (metakʼme “Ḍahao maraokʼ ”).

Bikʼcạrko 1:2

Probhu Isor do roṛ ruạṛatʼkoteye metatʼkoa, “Pạhilre Jihudạ gusṭiren hoṛko oḍok calakʼma; onkoakʼ tirege disạm doń jimạ akada.”

Bikʼcạrko 1:4

Ar Probhu Isor do Jihudạ gusṭiren hoṛkoakʼ tire Kananrenko ar Pherisikoe jimạkatʼkoa. Onkoren gel hajar hoṛ do Besek nagrahareko gocʼ ocoyena.