Aposkạmi 9:41 - সান্তালী বাইবেল

⁴¹ Unre Patras do ti sapʼkate uniye beretʼkedea. Ar Isorren hoṛko ar rạnḍi maejiukoe hohowatʼkote onkoe udukʼatʼkoa je, Dorkas doe jiwetʼena.

Santali Common Language New Testament

⁴¹ Unre Patras do ti sapʼkate uniye beretʼkedea. Ar Isorren hoṛko ar rạnḍi maejiuko hohoatʼkote onkoe udukʼatʼkoa je, Dorkas doe jiwetʼena.

Aposkạmi 9:41 Iomraidhean Croise

1 Rapajko 17:23

Unre Eliạ do gidrại hoborkedete latar kandhateye pheḍkedea. Ona tayom uniren eṅgattetʼ ṭhene jimạkedeteye metadea, “Nũkʼũe ńeleme, amren hopon do jiwetʼge menaea.”

2 Rapajko 6:7

Unre uniye menkeda, “Ma rakabme.” Onate uni hoṛ do ti tiạrkate onae rakapʼkeda.

Jobakʼ 29:13

Gujukʼ lạgidokʼkan hoṛ hõ ińko bhorạńkan tahẽkana; ar rạnḍi dukhikoakʼ mon doń rạskạ ocoyetʼtako tahẽkana.

Sereńko 146:9

Probhu Isor do upriạ hoṛko hõe beṅgetʼako kana uni do ṭuạ̃r amar ar rạndikoe ńel todarotetʼkoa, menkhan bạṛicʼkoakʼ hor doe konḍeayetʼtakoa.

Mark 1:31

Jisu do uni ṭhen senkate ti sapʼkedeteye beretʼkedea. Ar inạtege uniyakʼ ruạ do chuṭạu gotʼentaea ar onko jom ocoko lạgitʼe sapʼsoratʼkoa.

Luk 7:12

Ado ona ato reakʼ phaṭok-duạr ṭhene seṭeren khan mitʼṭen gocʼ hoṛ do bahreteko oḍok idiyede tahẽkana. Ar okoeye gocʼ akan tahẽkan uni do eṅgattetʼren sadher hopone tahẽkana, ar uni maejiu hõ rạnḍigeye tahẽkana. Ar atoren ḍher hoṛge uni rạnḍi maejiu sãoteko tahẽkana.

Luk 7:15

Ar inạtege gocʼ akanicʼ do beretʼkateye duṛupʼena ar katha roroṛe ehopʼena. Ar Jisu do eṅgattetʼ ṭhene jimạkadea.

Aposkạmi 20:12

Ar hoṛko do uni koṛa jiwetʼge oṛakʼteko idikedea ar ạḍi jiwi raṛecʼko ńamkeda.

Aposkạmi 3:7

Ado jojom ti sapʼkateye beretʼkedea ar unrege uniyakʼ jaṅga ar iḍi do keṭecʼentaea.

Aposkạmi 6:1

Inạko dinre celako doko saṅge idikʼkan tahẽkana. Unre celako modre okoe Jihudiko Junạni pạrsiteko roṛetʼkan tahẽkan onko do Ibri pạrsite roroṛkan Jihudiko nonka mente dusikoko ehopʼena je, dinạmge jomakʼ emokʼ jokhecʼ onkoren rạnḍi maejiuko do cetʼge bako ńametʼa.

Aposkạmi 9:13

Ananiạse menkeda, “E Probhu Isor, ḍher hoṛkoakʼ moca khon nui hoṛ reaṅ iń ańjomakada, Jerusalemre amren hoṛko ạḍi bạṛicʼe khed akatʼkoa.

Aposkạmi 9:32

Patras do goṭa ṭạnḍi ạcur ạcurte Luddareko berelakan tahẽkan Isorren hoṛko ṭhene hecʼena.

1Timothi 5:3

Okoe rạnḍi maejiuren celege bạnukʼko onko tojbijkope.

1Timothi 5:5

Okoe rạnḍi maejiuren celege bạnukʼko uni do Isor ṭhen bhorsa akan ar siń sạṭupʼ koejoṅ ar nehõrakane tahenkana.