Aposkạmi 8:10 - সান্তালী বাইবেল

¹⁰ Ar acʼ do mitʼṭen maraṅ hoṛ menteye udugokʼkan tahẽkana, ar kisạ̃ṛko ar reṅgecʼko sanamkoge uniyakʼ kathako hetawakʼkan tahẽkana. Hoṛko menetʼ tahẽkana, “Isor reakʼ maraṅ daṛe oka menogokʼkan nui hoṛ kangeae ona daṛe do.”

Santali Common Language New Testament

¹⁰ Ar acʼ do mitʼṭen maraṅ hoṛ menteye udugokʼkan tahẽkana, ar kisạ̃ṛko ar reṅgecʼko sanamkoge uniakʼ kathako hetawakʼkan tahẽkana. Hoṛko menetʼ tahẽkana, “Isor reakʼ maraṅ daṛe oka menogokʼkan nui hoṛ kangeae ona daṛe do.”

Aposkạmi 8:10 Iomraidhean Croise

Jirimiạ 31:34

Apnar aḍepaserenko ar apnar boeha hõ noa mente okoege tishõ bae cetʼakoa, ‘Probhu Isor baḍaeyepe,’ ente jotoge ińko oromińạ. Ona iạte iń do onkoakʼ bedhoromiń ikạitakoa, onkoakʼ kại do ar tishõ bạń disạitakoa. Iń Probhu Isorge noa katha doń meneda.”

Jirimiạ 42:1

Ona tayom lạṛhại phạdkoren sanam subedarko, Karea hopon Johanan ar Hosaya hopon Jasniạ ar sanam hoṛko do Jirimiạ nạbi ṭhen hecʼkateko menkeda, “Dayakate aleakʼ nehõr baṛe ańjomtaleme ar noko sarecʼ hoṛko lạgitʼ amren Probhu Isor ṭhen koeme. Am do ńitem ńeletʼkangea mitʼ okte ale do ḍhergele tahẽkana ar ńitokʼ do eken thoṛa hoṛge sarecʼ menakʼlea.

Jirimiạ 6:13

“Huḍińko khon hapṛakʼko hạbicʼ sanamkoge labko monejoṅ kana, nạbi ar naekeko hõ eṛeyakʼko kạmikana.

Jirimiạ 8:10

Ona iạte akoren bạhuko do eṭakʼ hoṛko ar onkoakʼ khet baṛge do nãwã mạlik koń emakoa. Huḍiń utạricʼ khon maran utạricʼ hạbicʼ jotoge lab lạgitʼko lalocakʼ kana; nạbiko ar naekeko jotoge eṛeyakʼko kạmikana.

Jona 3:5

Unre Niniwiren hoṛko do Isorakʼ kathareko pạtiạuena. Ar upạs reakʼko lại sodorkeda ar huḍiń khon hapṛakʼ sanamkoge gõṛẽ kicricʼko horokʼkeda.

Aposkạmi 14:11

Pạul okae kạmiketʼ ona ńelte hoṛko do Lukạuniạ pạrsite hohowateko menkeda, “Debko manwa chinte abo ṭhenko pheḍ hecʼakana.”

Aposkạmi 28:6

Hoṛko doko hudisetʼ tahẽkana uniyakʼ hoṛmo do phulạkʼtaea se ackageye gocʼ bhindạṛokʼa nahakʼ. Menkhan ḍher ghạṛicʼre hõ unire cetʼge baṅ hoyokʼkanko ńelketʼ khan hudis ạcurenteko menkeda, “Uni doe deb kana.”

1 Korinthiko 1:24

menkhan baṅ do Jihudige ar baṅ do Junạnige, Isor okoeye hohoakatʼko onko ṭhen do uni Mạsi kangeae Isorakʼ daṛe ar akeltetʼ.

2 Korinthiko 11:19

Ape dope budanko kante bebujkoakʼ kusitepe sahaoetʼtakoa.

Ephesiko lạgitʼ Pạul Apostolakʼ ciṭhi 4:14

Bạṛicʼ bulạuakʼte eṭakʼko bhul horte idiko lạgitʼ oka bhul sikhnạtko emakokan, ona bhul sikhnạt iạte abo do hoete sokojokʼkan ḍheoko leka hante nate alo bon sokojokʼma.

2 Patras 2:2

Ar ḍher hoṛge onko ńelte lucạ lamoṭkoko hoyokʼa. Onko iạtege sạriyakʼ reakʼ hor do nindạu ocokʼa.

Johan sodor 13:3

Uniyakʼ bohokʼko modre mitʼ goṭen do gujukʼ dạkhil ghạl akantae tahẽkana, menkhan ona ghạl do bogeyentaea. Onate dhạrtiren sanam hoṛko hahaṛakʼ tulucʼ uni janwarko pańja idikedea.