Aposkạmi 7:5 - সান্তালী বাইবেল

⁵ Ar acʼakʼ ạidạri lạgitʼ Isor do Abraham cetʼge bae emadea, jaṅga lebedokʼ leka jaega hõ baṅ. Menkhan Isor doe gokʼade tahẽkana, uni ar uniren bõsko do ạidạrilekate ona disạme emakoa. Menkhan unhạbicʼ Abrahamren do cele gidrạge bako tahẽkantaea.

Santali Common Language New Testament

⁵ Ar acʼakʼ ạidạri lạgitʼ Isor do Abraham cetʼge bae emadea, jaṅga lebedokʼ leka jaega hõ baṅ. Menkhan Isor doe gokʼade tahẽkana je, uni ar uniren bõsko do ạidạrilekate ona disạme emakoa. Menkhan unhõ Abrahamren do cele gidrạge bako tahẽkantaea.

Aposkạmi 7:5 Iomraidhean Croise

Genesis 12:7

Tayomte Probhu Isor do Abram ṭhen ńel ocoyenteye metadea, “Iń do noa disạmge amren bõskoń emakoa.” Unre Abraham do uniye ńel ocoyen Probhu Isor lạgitʼ onḍe mitʼṭecʼ pinḍe benaokeda.

Genesis 13:15

Ar okako jaegam ńel ona do am ar amren bõsko jaejug hạbicʼ iń emakoa.

Genesis 15:18

Probhu Isor do ona din Abram lạgitʼ noa menkate mitʼṭecʼ bondobose dohokeda, “Misor reakʼ gaḍa khon ehopʼkate maraṅ gaḍa phurạt hạbicʼ iń do goṭa disạmge amren bõskoń ematʼkoa.

Genesis 16:2

Mitʼ din Sạri do Abrame metadea, “Ńelme, Probhu Isor doe bạńjhi ocoakadińạ. Onate am do ińren kạ̃ṛmĩ ṭhen bolokʼme. Hoedaṛeakʼa uni hotete iń do gidrạń ńam daṛeke.” Abram do Sạri reakʼ kathareye rạjiyena.

Genesis 17:8

Okaṭakʼ Kanan disạmre upriạ menam ona reakʼ jotoge jaejug hạbicʼ sompotti lekate am ar amren bõskoń ematʼkoa. Ar iń do onko sanamkoren Isoriń hoyena.

Genesis 23:4

“Iń do eṭakʼ disạm khon upriạ lekate apeko talareń girobasokʼ kana. Ona iạte dayakate topa ṭạnḍi benao lạgitʼ ape talare thoṛa jaega aṛakʼ ạńpe jemon ińren bạhuń topa daṛeae.”

Genesis 26:3

Ńitokʼ noa disạmre thoṛa din lạgitʼ tahẽ hataṛokʼme. Ar iń do am sãote tahẽkate amiń bhorama. Noako disạm do am ar am bõsren hoṛkoń emakoa. Ona chaḍa iń do amren baba Abraham ṭhen okań kiriạlen ona hõń disạ dohoya.

Nehemiạ 9:8

Am do uniyakʼ pạtiạrtetʼem ńelketʼte Kananiko, Hittiko, Amoriko, Perisiko, Jebusiko ar Gergasikoakʼ disạm do uniren bõsko emako lạgitʼ mitʼṭecʼ bondobosem dohowada. Ar am dom dhoromgete amakʼ gokʼakʼem rukhiyạ dohoketʼtama.

Jeheskel 33:24

“E manwa hopon, Israel disạm reakʼ dhaṅ dhaser akan ṭhạ̃ire okoeko girobasokʼ kan onko doko meneda, ‘Abraham do eken mitʼṭen manwa hoykate hõ disạm reakʼ ạidạriye ńamleda. Menkhan ale dole ḍhergea; onate disạm do khạṭige aleakʼ ạidạri lạgitʼ em ocoakana.’

Dosar Biboron 10:11

Probhu Isor doe metadiń tahẽkana, ‘onko ạyur idikom, jemon onkoren hapṛamko ṭhen okaṭakʼ disạm emako lạgitʼ iń gokʼletʼ senkate onako ạidạri daṛeakʼ.’

Dosar Biboron 2:5

Esao bõsrenko lạṛhại lạgitʼ alope uskạukoa, ente onkoakʼ disạm reakʼ okaṭakʼ hĩs hõ bạń emapea, apeakʼ jaṅga dohoy reakʼ ṭhạ̃i hõ baṅa. Ente Seyir reakʼ noa buru ṭoṭhako Esao do acʼakʼ disạm lekateń emakawadea.

Dosar Biboron 34:4

Ona tayom Probhu Isor do uniye metadea, “Noage ona disạm do one Abraham, Isạhak ar Jakob ṭhen kiriạkateń menletʼ, ‘Noa disạm do aperen bõskoń emakoa.’ Ar noa disạm do amakʼ mẽtʼteń ńel ocoketʼmea, menkhan gaḍa paromkate onḍe calakʼ do baṅ hoyokʼtama.”

Dosar Biboron 9:5

Ar bindusạn se dhorom iạte onkoakʼ disạm ạidạri lạgitʼpe calakʼ kana ona do baṅa bickom aperen Probhu Isorge aperen hapṛam Abraham, Isahak ar Jakob ṭhen kiriạkate okaṭakʼe menletʼ ona purạu lạgitʼge uni do noko jạtrenkoakʼ dusṭạmi iạte ape samaṅ khone laga ńirkoa.