Aposkạmi 7:42 - সান্তালী বাইবেল

⁴² Menkhan Isor do onko khone ạcurente onkoe alae giḍikatʼkoa sermaren siń cando, ńindạ cando ar ipilko sewawako lạgitʼ. Ar inạ kathage nạbikoakʼ puthire olakana: E Israel hoponko, hahaṅkarre pongel bochor ape do cetʼ iń lạgitʼ janwar se eṭakʼ jãhãn dãṛẽkope samaṅletʼkoa?

Santali Common Language New Testament

⁴² Menkhan Isor do ạcurente onkoe alae giḍikatʼkoa sermaren siń cando, ńindạ cando ar ipilko sewawako lạgitʼ. Ar inạ kathage nạbikoakʼ puthire olakana: E Israel hoponko, hahaṅkarre pongel bochor ape do cetʼ iń lạgitʼ janwar se eṭakʼ jãhãn dãṛẽkope samaṅleda?

Aposkạmi 7:42 Iomraidhean Croise

2 Rapajko 17:16

Onko do akoren Probhu Isorakʼ sanam hukum bạgikate ako lạgitʼ dulakʼ barea mĩhũ muṭhạn ar mitʼṭecʼ Asera khunṭiko benao joṅan tahẽkana. Onko do sermaren ipilkoko sewawako kan tahẽkana ar Bakʼal debota hõko sewawae kan tahẽkana.

2 Rapajko 21:3

Uniren apat Hiskiạ do okako than boṭkocʼkoe marao giḍiletʼ onako uni do arhõe jut arokeda. Israelren Ahab raj cetʼ lekae cekaletʼ onkage uni hõ Bakʼal debota ńutumte pinḍko ar mitʼṭecʼ Asera khunṭiye benaokeda. Uni do sermaren sanam ipilkoe sewawako kan tahẽkana.

Sereńko 95:10

Pongel bochor hạbicʼ ona piṛhirenkote iń do ạḍiń ạṛis cabalena; ińiń menleda, ‘noko hoṛakʼ ontor do eṭakʼ secʼ ghańjeṛ akantakoa; ińakʼ hor do bako baḍaelakʼa.’

Jesaea 43:23

Jeredokʼ samaṅokʼakʼ lạgitʼ iń ṭhen bhiḍi hõ bam ạguakatʼkoa ar amakʼ jãhãnakʼ samaṅokʼakʼ hotete iń do bam manot akadińạ. Iń do am cetanre anaj samaṅokʼakʼ bhar do bạń em akatʼmea; ar kundurukote hõ bạń laṅga ocoakatʼmea.

Jesaea 63:10

Enhõ onko doko hulkeda ar uniren sonot Jiuko duk ocokedea. Ona iạte uni do onkoren bạiriye hoyena ar acʼtetʼge onko upạrte lạṛhạiye ehopʼena.

Jesaea 66:4

Onate iń do onko cetanre sạjạiyiń ạguiya ar onko okaṭakʼko botorakʼ onage onko cetanreń paṛao ocoya, ente ińiń hoholetʼre okoege bako goṅledeńa, ar kathań roṛletʼre hõ okoege bako ańjomletʼtińạ. Onko do ińakʼ mẽtʼre oka bạṛicʼakʼkan onageko kạmikana, ar okaṭakʼteń edrekʼ onageko bachao joṅkana.”

Jirimiạ 19:13

Jerusalem reakʼ oṛakʼ-duạr ar Jihudạ reakʼ rapajkoakʼ oṛakʼ-duạr, metakʼme okako oṛakʼ-duạr reakʼ chat cetanre siń cando, ńindạ cando ar ipilko ńutumte dhupko jeretʼetʼ tahẽkan ar debotako ńutumte coḍorakʼ samaṅokʼakʼko samaṅetʼ tahẽkan onako oṛakʼ-duạr do Tophet lekań bhonḍ ocoya.”

Jirimiạ 8:2

Ona jaṅko do siń-cando, ńindạ-cando ar sermaren sanam ipilko samaṅre giḍi akan tahena, ente onko do sermaren sanamgeko dulạṛetʼko tahẽkana arko sewawako kan tahẽkana ar onkoko pańjayetʼko tahẽkante, onko sãoteko solhayetʼ tahẽkana arko sewawako kan tahẽkana. Ar ona jaṅko do jarwakate bako topakakʼa, bickom onako do otre guricʼmande lekage hoyokʼa.

Jeheskel 20:25

Ona iạte okaṭakʼ bhageakʼ baṅkan ar okaṭakʼ niạm hotete jion bako ńam onako reakʼ tireń aṛakʼ giḍikatʼkoa.

Jeheskel 20:39

“ ‘E Israelko, iń Probhu Isorgeń menetʼkana, Do calakʼpe, ar senkate aperen boṅgako sewawakope. Menkhan tayomte khạṭige ińakʼ kathape ańjoma ar unre apeakʼ sandes ar boṅgakote ińakʼ sonot ńutum do ar bape besonota.

Jeheskel 8:16

Ona tayom uni do Probhu Isorakʼ oṛakʼ bhitri reakʼ racareye idikedińa ar onḍe koejoṅ oṛakʼte bolokʼ hor reakʼ pinḍạre ar pinḍ talare bargel mõṛẽ hoṛko tahẽkana. Onko do Probhu Isorakʼ mundil secʼ deakate siń candoko sewawae kan tahẽkana.

Hosea 4:17

Ephrayim do boṅgako sãoteye mitʼakana; uni do onage onka ocowaeme.

Johan 6:45

Nạbikoakʼ puthire ol akana, ‘onko sanamkoge Isor ṭhen sikhạunako ńama.’ Baba ṭhen khon ańjomkate okoeye cetʼakatʼ unige iń ṭhene hijukʼa.

Aposkạmi 13:40

Onate ape do sontorokʼpe, jemon nạbikoko roṛakatʼ noako apere alo paṛaokʼ:

Aposkạmi 7:36

Ar nui Mosege Misor disạm khon Israelkoe oḍok ạguletʼkoa ar Misor disạmre, arakʼ doreãore ar pongel bochor hạbicʼ hahaṅkarre ạḍi utạr hahaṛa kạmi ar cinhạkoe kạmileda.

Dosar Biboron 17:3

Ar hoedaṛeakʼa uni do ińakʼ hukum birudre senkate debotakoe sewawako ar onko debota se siń cando, ńindạ cando se sermaren ipilkoe sewawako.

Dosar Biboron 4:19

Serma secʼ beṅgetʼkate siń-cando, ńindạ-cando ar ipilko, metakʼme coṭ sermare menakʼakʼ jiniskote apeakʼ mẽtʼ do alo baṛe bulạukʼtapema ar dhạrtiren sanam jạtrenko cetanre emakʼ aperen Probhu Isorakʼ noa jinisko reakʼ alope sewawakʼa.

Ibriko 3:9

Aperen hapṛamko do onḍeko biḍạu aṭkarledińa, ar pongel serma hạbicʼ ona okteren hoṛko do ińakʼ kạmiko ńelleda.

Josuạ 24:20

Ar Probhu Isor bạgikate eṭakʼ Isorkope sewawako enḍekhan uni doe dea giḍikapea ar lahate leka bae bhạlạipea menkhan ape cetanre bạṛicʼakʼe paṛao ocoyte apeye marao cabapea.”