Aposkạmi 7:25 - সান্তালী বাইবেল

²⁵ Mose doe hudisetʼ tahẽkana, acʼren hoṛkoko bujhạu daṛeakʼa Isor do acʼ hotete onkoe bańcaokoa mente, menkhan onko do bako bujhạu daṛeada.

Santali Common Language New Testament

²⁵ Mose doe hudisetʼ tahẽkana, acʼren hoṛkoko bujhạu daṛeakʼa Isor do acʼ hotete onkoe bańcaokoa mente, menkhan onko do bako bujhạu daṛeada.

Aposkạmi 7:25 Iomraidhean Croise

2 Rapajko 5:1

Naman do Aram rajren lạṛhại phạdkoren subedare tahẽkana. Uniren mạlik samaṅre uni do mitʼṭen maraṅ ar manotanicʼ hoṛe tahẽkana, ente Probhu Isor do uni hotetege Arame jitạu ocoleda. Uni do mitʼṭen birbanṭa hoṛe tahẽkana, menkhan uniyakʼ hoṛmore do murhucʼ jom rog tahẽkantaea.

Sereńko 106:7

Misorre tahen jokhecʼ aleren hapṛamko do amakʼ hahaṛa kạmi ńelte cetʼge bako bujhạuleda; onko do amakʼ asambheṛ dulạṛ reakʼ katha hõ bako disạ doholeda; onko do jalapuri aṛere, arakʼ jalapuri ṭhenko ṭhokkeda.

Exodus 2:12

Unre uni do beṛhaete koyokʼ baṛakate okoehõ bae ńel ńamletʼkoa. Khan uni Misri hoṛe gocʼkedea ar gitilreye topakadea.

Mark 9:32

Menkhan celako do Jisuakʼ katha reakʼ mane bako bujhạu daṛeada ar kuliye hõko botorena.

Luk 18:34

Menkhan celako do noako reaṅ cetʼge bako bujhạu daṛeada. Ente ona katha reakʼ bhed onko khon danaṅre tahẽyente Jisu okae roṛketʼ ona do bako bujhạuleda.

Luk 9:45

Menkhan celako do ona katha bako bujhạuleda. Isor do onko ṭhen khone danaṅ akatʼ tahẽkana jemon onko do ona aloko bujhạu daṛeakʼ. Ar celako hõ noa reakʼ jãhãnakʼ katha kuliyeko botorokʼkan tahẽkana.

Aposkạmi 14:27

Ado Antiokiạtekin seṭeren khan unkin do manḍerren sanamko mitʼ ṭhenkin jarwaketʼkoa ar Isor ạkin hotete okakoe kạmiketʼ ona sanamakʼ kin lạiyatʼkoa. Ar cetʼlekate Isor do boṅgan hoṛ jạtrenko Mạsire biswạs reakʼ duạre jhicʼ akawatʼko ona reakʼ hõkin lạiyatʼkoa.

Aposkạmi 15:4

Pạul ar Barnabas Jerusalemtekin hecʼen khan manḍerren hoṛko, mukhiyạko ar apostolko do ạḍi rạskạ salakʼko ataṅ daramketʼkinạ. Ar unkin hotete Isor okakoe cekaletʼ tahẽkan ona sanamakʼkin lạiyatʼkoa.

Aposkạmi 15:7

Ado aemako galmaraoketʼ khan Patras do teṅgoyenteye metatʼkoa, “E boehako, ape mape baḍaege, ḍher din lahare apeko tala khon Isor do ińe bachao akadińạ jemon boṅgan hoṛ jạtrenko hõ ińakʼ moca khon bhage sombat reakʼ katha ańjomkateko pạtiạukʼ.

Aposkạmi 21:19

Pạul do onkoe joharatʼkoa ar acʼakʼ porcar talate cetʼleka Isor do boṅgan hoṛ jạtrenko talareye kạmi akada ona sanamakʼe lạiyatʼkoa.

Aposkạmi 7:24

Unre mitʼṭen Misri hoṛ do mitʼṭen Israel hoṛ cetanre bạṛicʼ beoharetʼkane ńelkede khan uni Israel goṛowae lạgitʼe calaoena ar Misri hoṛe gocʼkedete uniyakʼe hala ruạṛkeda.

Aposkạmi 7:26

Dosar hilokʼ Mose do barea Israel hoṛ lạṛhạikane ńelketʼkinạ. Unre sulukokʼ lạgitʼe metatʼkinạ, ‘Henda ho, boehakan coṅ ben, enḍekhan aben talare cedakʼ nonka bạṛicʼ do ben beohareda?’

Romiko lạgitʼ Pạul Apostolakʼ ciṭhi 15:18

Iń hotete Mạsi okaṭakʼe kạmiakatʼ ona bahre jãhãn katha roṛ do ohoń dil daṛekea. Unige ińakʼ katha ar kạmite, hahaṛa kạmi ar cinhạko hotete ar sonot Jiu reakʼ daṛete boṅgan hoṛ jạtrenko do Isorreye tabe ocoakatʼkoa. Onate iń do Jerusalem khon ehopʼkate Illurikum hạbicʼ sanam jaegare Mạsiyakʼ bhage sombat purạteń lại jạhirakada.

1 Korinthiko 15:10

Menkhan ńitokʼ okań hoyakan ona do Isorakʼ dayategeń hoyakana. Iń cetanre uniyakʼ daya do baṅ ạuṛiyakʼ akana; ar eṭakʼ sanam apostolko khon iń do ḍheriń khaṭao akana; ar eken ińiń khaṭao akan ona do baṅ bickom ińre Isorakʼ daya hõ tahẽkana.

1 Korinthiko 3:9

ente ale do Isor tulucʼle kạmikana. Ar ape do Isorakʼ goḍa kanape, Isorakʼ benao akan oṛakʼge.

2 Korinthiko 6:1

Isorren são kạmiyạko lekate noale nehõrapekana, Isorakʼ okaṭakʼ dayape ńamakatʼ ona do alope ạuṛiyakʼ ocoya.

Kolossiko lạgitʼ Pạul Apostolakʼ ciṭhi 1:29

Ar noa monsubạge Isorakʼ oka maraṅ daṛe ińreye kạmikan ona daṛe lekate iń do ạḍitetʼ iń khaṭaokʼ kana.

Bikʼcạrko 15:12

Onko do uniko metadea, “Ale do am tolkate Philisṭikoakʼ tire jimạkam lạgitʼle hecʼakana.” Samsone menkeda, “Enḍekhan kiriạwạńpe, bape gojeńa mente.”

1 Samuel 14:45

Menkhan hoṛko do Sạulko metadea, “Okoe iạte Israelko niạ maraṅ bańcaoko ńamakatʼ uni Jonathan do cetʼ gujukʼ hoyokʼtea? Tisge baṅa; jiwetʼ Isor ńutumtele kiriạkʼ kana, uniyakʼ mitʼṭecʼ upʼ hõ otre do baṅ ńurokʼtaea, ente uni teheń okae ceka akatʼ ona do Isor sãote tahẽkategeye onka akada.” Nonkate hoṛko do Jonathanko rukhiyạkedea, ar uni do bae gocʼ ocolena.

1 Samuel 19:5

Uni do acʼakʼ jiwi cuputʼkate uni Philisṭi hoṛe gocʼkedea, ar Probhu Isor do goṭa Israel lạgitʼ maraṅ bańcaoe hoeocokeda; ar ona ńelte am dom kusilena. Enḍekhan ńitokʼ do cedakʼ ạuṛiyakʼte Dạud gojete mitʼṭen bindusi hoṛakʼ mãyãm joro ocoyte uni upạrtem kạiya.”