Aposkạmi 6:13 - সান্তালী বাইবেল

¹³ Onko do adom adom eṛe gohakoko teṅgoketʼkoa. Eṛe gohakoko menkeda, “Nui hoṛ do jaoge mundil upạrte ar Moseyakʼ ạn-ạri upạrte kathae roṛeda.

Santali Common Language New Testament

¹³ Onko do adom eṛe gohakoko teṅgoketʼkoa. Eṛe gohakoko menkeda, “Nui hoṛ do jaoge mundil birudre ar Moseakʼ ạn-ạri birudre kathae roṛeda.

Aposkạmi 6:13 Iomraidhean Croise

Sereńko 27:12

Ińren bạirikoakʼ monejoṅakʼre alom alaeyińạ, ente eṛe gohako do iń upạrteko teṅgo akana; onkoakʼ sãhetʼ sãote santao do oḍokokʼ kana.

Sereńko 35:11

Santaoko do eṛe goha emokʼ lạgitʼko hijukʼkana, ar oka bạń baḍae ona reaṅko jerayedeń kana.

Sereńko 56:5

Onko do siń sạṭupʼ ińakʼ katha reakʼ bạṛicʼakʼ bhedko lại baṛaea ar iń hạneń reakʼ phundiko aṭaoa.

Hosea 7:4

Onko jotoge laṭghaṭko kanako, onko do piṭhạ rapakʼicʼakʼ jolokʼkan culhạ leka; holoṅ sipi khon ehopʼkate ona phulạu rakabokʼ hạbicʼ one ona reakʼ seṅgel do uskurakʼ baṅ jạruṛ.

Mathae 24:15

“Daniel nạbi hotete ujạṛ reakʼ hirkhạwakʼ reaṅ oka roṛ akan ona sonot jaegare teṅgo akanpe ńellere (okoeye paṛhaoetʼkan uni doe bujhạuma),

Mathae 26:59

Unre maraṅ naekeko ar maraṅ bạisiren sanam hoṛko do Jisu goje lạgitʼ eṛe gohakoko ńam baṛayetʼko tahẽkana.

Aposkạmi 21:28

Ar ãṭ aṛaṅte nonka memenko ehopʼena, “E Israelko, dela hijukʼpe. Sanam jaegaren hoṛko ṭhen aboakʼ jạt ar aboakʼ ạn-ạri ar mundil upạrte okoe doe cetʼakokan uni hoṛ doe nui kangea. Ona chaḍa mundilre Junạnikoe aderetʼkote uni do noa sonot jaegaye bhonḍ akada.”

Aposkạmi 25:8

Unre Pạul doe roṛ dokʼenteye menkeda, “Iń do Jihudikoakʼ ạn-ạri se mundil se Rom maharaj upạrte jãhãnakʼ cetʼge bạń behok akada.”

Aposkạmi 6:11

Unre onko Jihudiko do hape hapete adom hoṛko noa menkateko uskurketʼkoa, “Stephan do Mose ar Isor upạrte henosta reakʼ katha roroṛle ańjomakadea.”

Aposkạmi 7:58

Onko do dhirite tińe lạgitʼ nagraha bahreteko or oḍokkedea, ar gohako do akoakʼ kicricʼ totʼkate Sạul ńutuman mitʼṭen juạn hoṛakʼ jaṅga ṭhenko dohokeda.

Ibriko 7:12

Ar naeke giri pherao hoylen khan ạn-ạri hõ pherao reakʼ jạruṛ hoyokʼa.