Aposkạmi 4:11 - সান্তালী বাইবেল

¹¹ Sonot sostor reakʼ katha leka Jisu Mạsi kangeae ‘ona dhiri do, one okaṭakʼ raj mistiriko, metakʼme apepe nihạ̃t giḍiletʼ; ar onage konac reakʼ asolakʼ dhiri do hoyena.’

Santali Common Language New Testament

¹¹ Sonot sostor reakʼ katha leka Jisu Mạsi kangeae ‘ona dhiri do, one okaṭakʼ raj mistiriko, metakʼme apepe nihạt giḍiletʼ tahẽkan; ar onage konac reakʼ asolakʼ dhiri do hoyena.’

Aposkạmi 4:11 Iomraidhean Croise

Kạhtukko 28:1

Bedhoromko do begor khudạukotegeko dạṛ joṅa, menkhan dhorom hoṛ do dhạcri kul leka dil akaeko tahena.

Jesaea 28:16

Onatege Probhu Isor do niạ kathae meneda, “Ńelpe, biḍạu aṭkarkate mitʼṭecʼ dhiriyiń bachao akawana; ona do Sion reakʼ konac dhiri lekateń bạisạu akada. Okoe onareye pạtiạukʼ uni do ṭarhao akane tahena.

Sakariạ 3:9

E Josuạ, iń do am samaṅre mitʼṭecʼ dhiriń dohoakada. Ona dhiri cetanre do eae goṭecʼ mẽtʼ menakʼa, ar ona cetanre mitʼṭecʼ kathageń rokʼ dohokakʼa ar mitʼ dinrege noa disạm reakʼ kại doń sạṅgiń giḍikakʼa.

Mark 9:12

Jisui roṛ ruạṛatʼkoa, “Noa katha do sạrikangea je, pạhilre Eliại hijukʼa ar sanamakʼ do lahate lekae teṅgo aroya. Menkhan Manwa Hopon reaṅ sonot sostorre cekate baṅ olakan, uni do ạḍi okocʼ duk jojom hoyokʼtaea ar hoṛko do uniko nihạ̃tea?

Aposkạmi 7:52

Nonkan jãhãe nạbi menakʼkoa, one okoe do aperen hapṛamko bako santao akatʼko? Se uni dhoromicʼ hoṛ, metakʼme Mạsiyakʼ hijukʼ reakʼ katha okoe doko lại lahaletʼ, onko hõko gocʼketʼkoa. Ar ńitokʼ ape do bạirikoakʼ tire Jisupe sapʼ ocokedete uni hõpe khũn ocokedea.

2 Korinthiko 3:12

Ale do nonkanakʼ as menakʼtalete sodortele roṛetʼkana.

2 Korinthiko 4:1

Noa bondobos reakʼ katha baḍae reakʼ bhar Isor do ale dayateye em akatʼlete bale as chuṭạukʼ kana.