Aposkạmi 3:16 - সান্তালী বাইবেল

¹⁶ Nuipe ńelekan arpe baḍaeyede kan hoṛ do, Jisureye pạtiạuente, uniyakʼ ńutumte daṛeye ńamkeda. Ar Jisu hotete oka pạtiạu hijukʼkan ona pạtiạuge uni do sanamko samaṅreye bogekedea.

Santali Common Language New Testament

¹⁶ Nuipe ńelekan arpe baḍaeyede kan hoṛ do, Jisureye pạtiạuente, uniakʼ ńutumte daṛeye ńamkeda. Ar Jisu hotete oka pạtiạu hijukʼkan ona pạtiạuge uni do sanamko samaṅreye bogekedea.

Aposkạmi 3:16 Iomraidhean Croise

Mathae 14:29

Jisui menkeda, “Dela hijukʼme.” Unre Patras do lạukạ khon pheḍkate dakʼ cetante Jisu ṭhen calakʼe ehopʼena.

Mathae 9:22

Jisu do ạcurente uni ńel ńamkedeteye metadea, “E mạ̃i dil joṅme. Amakʼ pạtiạugeye bogeakatʼmea.” Ar inạ ghuṛi khonge maejiu doe boge utạrena.

Johan 14:12

“Sạrigeń metapekana, okoe ińreye pạtiạukʼkan uni do iń okakoń kạmikan uni hõ onakoe kạmiya. Ar Baba ṭheniń calakʼkante uni do noako khon arhõ maraṅ maraṅakʼkoe kạmiya.

Johan 7:23

Moseyakʼ ạn alo rạpud lạgitʼ jirạukʼ mãhãre gidrạkope khatnayetʼko khan, enḍekhan jirạukʼ mãhãre mitʼṭen hoṛiń bogekedete cedakʼpe edreạń kana?

Aposkạmi 14:9

Ar uni hõ Pạulakʼ galmaraoe ańjomkan tahẽkana. Unre Pạul do uni secʼ sojheteye beṅgetʼkeda ar boge ocokʼ lạgitʼ biswạs menakʼtaea menteye ńelkede khan ãṭ aṛaṅte hohowateye metadea, “Amakʼ jaṅgate sojhete teṅgonme.” Ar inạtege uni hoṛ doe don beretʼente taṛame dhurạuena.

Aposkạmi 16:18

Uni do ḍher din hạbicʼe nonka idikeda. Mucạtʼre Pạul doe ạṛisen khan beṅgetʼ ạcurkate uni bạṛicʼ jiue metadea, “Jisu Mạsi ńutumteń hukumam kana, nui khon oḍok calakʼme.” Ar unrege uni bạṛicʼ jiu do uni khone oḍok calaoena.

Aposkạmi 3:6

Unre Patrase menkeda, “Sona ar rupạ do bạnukʼtińạ, menkhan okaṭakʼ menakʼtiń onageń emamkana. Nasaretren Jisu Mạsiyakʼ ńutumte beretʼme ar taṛamme.”

Aposkạmi 3:8

Uni doe don beretʼena ar taṛam baṛaye ehopʼena. Tayomte uni do taṛam ar don donte Isor sarhao sarhaoete unkin sãote mundilteye boloyena.

Aposkạmi 4:10

Enḍekhan ape ar sanam Israelko noa katha baḍae dohokakʼpe je, Nasaretren Jisu Mạsi, okoe dope kuruslede ar okoe do gocʼko khon Isore jiwetʼ beretʼkede, uniyakʼ daṛetege nui hoṛ doe bogeyente ape samaṅreye teṅgo akana.

Aposkạmi 4:30

Amakʼ ti tiyạrtam jemon amren sonot guti Jisu ńutumte onko do hoṛkoko boge daṛeako ar hahaṛa kạmi ar cinhạkoko udukʼ daṛeakʼ.”

Aposkạmi 4:7

Onko do Patras ar Johan ako talare teṅgoketʼkinteko kuliketʼkinạ, “Aben do cetʼ reakʼ daṛete se okoe ńutumte noa ben kạmikana?”

Romiko lạgitʼ Pạul Apostolakʼ ciṭhi 3:22

Okoe Jisu Mạsireko pạtiạukʼkan onkoakʼ ona biswạs hotetege Isor do dhorom mente onkoe ataṅkoa. Jihudi ar boṅgan hoṛ jạtrenko sanamgeko somangea,

1 Korinthiko 13:2

Nạbi leka roṛ reakʼ ektiạri tahentiń, ar sanam okoakʼ iń baḍae daṛeakʼ ar joto lekan akel tahentiń, se buruko ucạṛ daṛeakʼ leka purạ biswạs tahentiń, menkhan dulạṛ bạnukʼtiń khan, cetʼ porho hõ bạnukʼtińạ.

Dosar Biboron 32:4

“Uni kangeae asray buru do, uniyakʼ kạmi do sạbitgetaea; uniyakʼ sanam horko do hok reakʼ kana. Uni do ṭekʼhãḍicʼ Isor kanae, unire jãhãn behokakʼ do bạnukʼanaṅ; uni do sạri are dhoromgea.