Aposkạmi 28:3 - সান্তালী বাইবেল

³ Pạul do mitʼ bojha rohoṛ jhuriko samṭaokate seṅgelreye khadleketʼ khan seṅgel reakʼ lolote mitʼṭen bisan biń do ona bojha khone oḍokena ar Pạulakʼ tireye gerbitʼena.

Santali Common Language New Testament

³ Pạul do mitʼ bojha rohoṛ jhuriko samṭaokate seṅgelreye khadleketʼ khan seṅgel reakʼ lolote mitʼṭen bisan biń do ona bojha khone oḍokena ar Pạulakʼ tireye gerbitʼena.

Aposkạmi 28:3 Iomraidhean Croise

Jobakʼ 20:16

Uni do kạrinạṅgiń bińakʼ bise copoja; ar biń do acʼakʼ biste uniye gojea.

Jesaea 30:6

Dạkhin disạmren janwarko reaṅ nạbi katha: onko goḍetko do kosṭo ar durdosate perecʼ disạm talate ar dhạcri kul ar kul eṅga, bisan biń ar uḍạukʼkan bińkoakʼ disạm talateko calakʼa. Onko do akoakʼ dhon-duribko gadhare ladekate ar damanakʼ jinisko do ũṭ deare ladekate onko jạtrenko ṭhenko idiya one okoe hotete jãhãn labge baṅ hoyokʼtako.

Jesaea 41:24

Menkhan ape do sạrige cele hõpe baṅkana, ar apeakʼ kạmiko hõ cetatakʼge baṅkana; ar okoe apeye bachaope uni doe hirkhạwạnicʼ kana.

Jesaea 59:5

Onko do bisan bińakʼ beleko oboreda ar bindi ganakʼko gakʼeda. Ar ona bele okoeye jom uni doe gujukʼa; ar onako reakʼ mitʼṭecʼ posakʼlen khan ona khon bisan biń doe oḍokʼ hijukʼa.

Amos 5:19

Ona din do dhạcri kul khon ńir bańcaokate bana eṅga samaṅreye paṛao akan hoṛ leka, one acʼakʼ oṛakʼte ńir bolokate bhitreye capoyen sãote biń do tiye sogakʼkede.

Mathae 12:34

E bińren bõsko! Apepe bạṛicʼgere hõ cekate bhageakʼ kathakope roṛ daṛeakʼ kana? Ente ontorre oka sareṛokʼ, onage moca doe roṛa.

Mathae 23:33

“E bińko ar bińkoren hoponko! Cekate norok reakʼ sạjại khonpe bańcaokʼa?

Mathae 3:7

Ar ạḍi utạr Phạrusiko ar Sạdukiko hõ bạptisokʼ lạgitʼ acʼ ṭhen hijukʼkane ńelketʼkoa. Uni doe metatʼkoa, “Eya kạrinạṅgin hoponko, Isorakʼ daraekan sạjại khon ńir pharakokʼ lạgitʼ do okoeye cetaoketʼpea?

Mark 16:18

onko do tite bińko sapʼkoa, ar gujukʼakʼ jãhãnakʼgeko jomlere hõ ohoko hạnlena, ar rugikoko capokoa arko bogekʼa.”

Aposkạmi 28:2

Ona dipren hoṛko do ale sãote ạḍi mońjko beoharkeda. Unreye dakʼetʼkan tahẽkana ar rabaṅkan tahẽkante onko do seṅgel jolkate sanamkoko hohowatʼlea.

Aposkạmi 28:4

Ado Pạulakʼ tire uni bińe ḍhilwạṅ akanko ńelkede khan ona dipren hoṛ doko menkeda, “Nui hoṛ doe khũniạhi kana ente jalapuri khone bańcaoenre hõ hokren bicạricʼ do jiwetʼ bae tahẽ ocowae kana.”

2 Korinthiko 11:23

Onko do cetʼ Mạsiren sapʼ dapʼko kanako? Iń do arhõ ḍhertetʼ kạnạń. Disạipe, iń do bạulạha hoṛ lekań roṛeda. Mạsiyakʼ sapʼdapʼ kạmire iń do onko khon ḍheriń khaṭao akana, ar ạḍi dhaoiń hajot akana, arhõ ạḍi dhao daleń jomakada, ar ạḍi dhao gujukʼ dạkhilreń paṛaolena.

2 Korinthiko 6:9

Hoṛ do ale oromle bako monejoṅ kana, menkhan sanamkoge ale doko orom akatʼlea. Ale do gujukʼ barag lekale hoyakanre hõ jiwetʼ menakʼlea. Arle dal ocokʼkanre hõ bale gocʼ ocokʼ kana.